[ورد الريـاض]

المشاركة الأصلية كتبت بواسطة بلاتيني شكرا لكل من اشترك وتناقش بموضوعي هذا وربي يبعد عنكم .الشياطين والجن يا أحبابنا بس الموضوع هذا محيرني كثير مرة هل ممكن نراهم أو لا؟؟؟ وهل ممكن نتزوج منهم ويتزوجوا منا؟؟؟؟؟؟؟؟؟؟؟ يا ليت نفيد ونستفيد من معلوماتكم.

بلاتيني ناوي تخطب ؟؟

والله انك تخوف

عالعموم انا سمعت ان فيه قبيله معينه جدتهم منهم يعني فيه تزواج والله اعلم هذ اللي سمعت.

[أسد الشمال]

عدنا مره أخرى يقال أن مدير مدرسه تمنى الجن فجاءته جنيه لماأغمض عينيه وتمناه وكان تقاعد لتوه من عمله بحفر الباطن فاتفق معها على الزواج فذهبت به عند والدها لمااغمض عينه وصفق طارت به ثم تزوجها وكان عنده زوجتان وفجأه ترك زوجتيه واولاده وذهب سبعين كيلو في منزل بعيد عن الحفر واختلى بها وعاشا معا وتتصور له بكل صوره وقام اولاده بربطه واخذخ للشيخ الذي في الخفجي فقراعليه واخبرته الجنيه بانه اتفق معها وتزوجها وبينهما عهد وعادوابه وانفرد عنهم معها وظل على حاله فيئسوا منه هذا مايذكر والله اعلم لكن الجن يعشقون فانتبهوا حماكم الله

[مافي مني]

الجن مذكور في القران والسنة والمفروض نأخذ الكلام الي ورد فيهم فقط وان نتحص ونستعيذ بالله من شرهم

اختكم
مافي مني

[@ حنين @]

وعليكم السلام ورحمة الله وبركاته :

نصيحة أخوووووووووية مني لك لا تتكلم عن هذا الموضوع الحساس !!!!!!!!!!!!!

أنا أستطيع أن أجاوبك على سؤالك بالتفصيل الممل ولكنني للأسف الشديد لا أستطيع !!!!

لأنني ببساطه أحاول نسيان ما أعرفه .......................


أختك في الله :

@ حنين @

[نوراي]

قرات ان سجاح مدعية النبوة زوجة مسيلمة الكذاب كانت والدتها من الجن ..
وقرات ايضا ان بلقيس ملكة سبا كانت نصفها من الجن ..لم اتحقق مم قرات فربما كان ذلك من الإسرائليات

حدثنا احد الأساتذة ان من يكثر التعامل مع الجن او يتزوج منهم يصاب بمرض الجزام والله اعلم في صحة كلامه وقال هم مأمورون بالا يتدخلوا في عالم الإنس فمن اخترق هذا القانون فقد عصى ..

تنبيه ورجاء ارجوا عدم الإكثار من البحث في هذا ا لمجال ابتعد عنهم قدر ما استطعت غير التعب لنتلاقي ..اكتفي بما ورد عنهم في الكتاب والسنة ولا تطيل البحث واكتفي بادعية التحرز منهم

[الشــاهينة الأزديــة]

أهلاً ..





والحقيقة أن هنالك إبتسامة لن أمنعها والسبب أن هذه المشاركة أردت أن أبصم بها هنا ليلاً وخوفاً من الجن أجلتها نهاراً ..



وحقيقة الجن وتواجدهم لن ينكرها أي إنس أو مخلوق والقصص على ذلك كثيرة جداً فمنها ما يثبت إمكانية رؤيتهم ومنها ما يثبت إمكانية سماع صوتهم و .. و ...
ومن هذه القصص التي ذكرتها لنا إحدى الأخوات .. وتقول :



أن رجلاً كان يسير في البر ليلاً .. فرأى نوراً ظاهراً من بعيد وذهب إليه .. ووجد أنها ناراً تجلس عليها عجوزاً لوحدها متحضنة صحن عشاءها ..





أكمل ؟






طيب ..
المهم أن الرجل أتاها ووجد أن الكرم قاتلها ..
فألزمته أن يتعشا معها .. وهو لا يريد .. وأستمرت بإطلاق أيمان وحلفان ..
ومنه .. ومنها .. ومنه .. ومنها .. فـ غلبته ..

وجلس للعشاء معها على صحن واحد .. والهواء يلاحس الغربي ..

فـ طار عنها نقابها أو برقعها .. ماذا رأى ؟




طبعاً لا شيء .. ولا وجه أساساً ..
وفوراً ذهب في النوم من تأثير عشاءها هذا ..
وعندما أتى الصباح وأشرقت الشمس .. أصبح لسانه حاله معه مرددا : صرة صريتها وأصبحت مالقيتها ..
يعني .. تفلس حلاله وأبله وماله وكل مايملك .. فالعجوز الكريمة قد سرقتها كلها .. وهي جني في الحقيقة ..



فالجن لعبت به لعبة السبلة ......... وذاقت من حلاله حلو العبيله








شكراً ..







..

[ورد الريـاض]

والحقيقة أن هنالك إبتسامة لن أمنعها والسبب أن هذه المشاركة أردت أن أبصم بها هنا ليلاً وخوفاً من الجن أجلتها نهاراً .

ههههههههه ..... ياملحك والله يامن زمرة المتقين

انا شجاعه بكتب الحين في الليل

ياربي منك يامن زمرة المتقين وشذا السالفه الله العالم اني ماراح انسى هالبرقع وهو يطير ومامن وجه
عاد تصدقين مره كنت اسولف مع قريبه لي عن الموضوع هذا وانا مسويه فيها شجاعه

قلت لها اصلاً انا ما اخاف من الجن والله عادي عندي <<<<< ايه طيب حدوا الارنب

المهم وقتها كنا بمزرعه ورايحين مكان شوي مظلم قالت لي خلاص الحين بتجيك بنيه صغيره بس حطي في بالك ترى مالها لاوجه ولاشيء كلش ممسوح والله يوم قالته بغيت اطقها الا والله طقيتها وخفت منها هي مو من الجن

عاد كلما صرت لحالي في البيت اتخيل هالبنيه بتجيني الله يسامحها وانت الحين ماشاء الله

كملتيها بالبرقع اللي طار ومامن شيء

إثبات ودعم .

[بلاتيني]

يا ملحكم ويا ملح سواليفكم وأبي الكل يشارك بليززززززززززززز

[رفيعــة الشــأن]

انا بقول لكم سالفتي بس تراني خوووافه وذرووقه لدرجه ااني ماقريت الموضوع ههههههههه

بس انا اول من كم سنه كنت ساكنه في الجبيل الصناعيه مدينه الاشباح هههههه
يمه لو تمشي نمله في الشارع سمعت رجلينها

المهم
رحت لوحده من صديقاتي وقالت ان الجن يطلعون لها وانها تشوف اثار رجلينهم على الموكيت يبان فيه موطى الرجول
وتقول انها تسمع صوت المرحاض حق الحمام الله يكرمكم ينسحب
وانها قالت لزوجها وكان يضحك منها لحد ماشاف هالشيء بعيونه ورحمها وطلعوا من البيت بس ان الجن بسم الله الرحمن الرحيم لحقوهم للبيت الثاني يمه صاروا عاشقينها يمه يمه يمه بسسسسسسسسسسسم الله علينا وعليكم << عاد الفجر خايفه بس عناد بكمل يعنني ماخفت هههههههه


المهم انها قامت تقول لي بلاوي
وانها احيانا تسمع اصوات عاد انا من عقبها قلت لها احلمي تشوفيني عندك ثاني مررره واذا جتيني
لو سمحتي لاتجبينهم معك قولي بروح شوي وارجع صرفيهم ههههههه

عاد لاتسلوني وش صار لي بعدها :( الحمد لله والشكر بس
الله يخليني شجاعه يااارب



لا عاد وحده تقول ان فيه واحد شكله يررررروع يوقف لها عند باب غرفتها يطالعها تقول يبيني اخاف علشان يدخل فيني جعلها الصلااااااااااااح تحلف بالله انه صاير وانها ماتخاف منهم
بس انا اللي والله رحت فيها

ياربيه خلااااص خفت بطلع من الموضوع مع السلامه

[ورد الريـاض]

المشاركة الأصلية كتبت بواسطة رفيعــة الشــأن عاد الفجر خايفه بس عناد بكمل يعنني ماخفت هههههههه المهم انها قامت تقول لي بلاوي وانها احيانا تسمع اصوات عاد انا من عقبها قلت لها احلمي تشوفيني عندك ثاني مررره واذا جتيني لو سمحتي لاتجبينهم معك قولي بروح شوي وارجع صرفيهم ههههههه عاد لاتسلوني وش صار لي بعدها :( الحمد لله والشكر بس الله يخليني شجاعه يااارب

هههههههههه رفيعة الشأن انتبهي لايطبون عليك

لا عاد وحده تقول ان فيه واحد شكله يررررروع يوقف لها عند باب غرفتها يطالعها تقول يبيني اخاف علشان يدخل فيني جعلها الصلااااااااااااح تحلف بالله انه صاير وانها ماتخاف منهم بس انا اللي والله رحت فيها ياربيه خلااااص خفت بطلع من الموضوع مع السلامه

ورى ماقلتي مواصفات الجني والا خايفه يجي يقول لك وش تبين بي انتِ هالحين ههههههههه