[حلم متجدد]

[حلم متجدد]

السلام عليكم ورحمة الله وبركاته
من نجد ومن قلب القصيم احييكم وارحب بكم ويسرني ان ادعوكم لإحتساء فنجان من القهوة
النجديه الاصيلة..وقبل ان نبدأ بها سأذكر لكم طريقة اعدادها.
اولا..نحضر الابريق ونضع فيه ماء ربما خمسة اكواب من الماء نضع له فنجالين ونصف من القهوة
ونضعها على النار الى ان تغلي


وبعد الغليان نطفي موقد الغاز ونترك الابريق الى ان تصفو البعض على طول يزلها
وهذا خطأ لازم ينتظر شوي ع الاقل دقيقتين عشان تصفي


نحضر الدلة ونضع بها ملعقتان صغيرة هيل وملعقة صغيرة من خلطة القهوة وقرنفل(مسمار عويدي



ونزلها

بعض الخلطات تقوم مقام الهيل ومن مكوناتها(هيل قرنفل..زعفران..نسكافية)
وهذي صورة الخلطة اللي استخدمتها لكن انا اضفت الهيل احس اذا ماحطيت هيل ماكني
صلحت قهوة

ونضع الدلة على النار مرة اخرى حتي تغلي

طبعااا لازم نحط ليفه وهذي صورتها..وان لم توجد الليفة حطي قصدير يقوم مقامها


ونكون مجهزين الصينية..والفناجيل ..والقهوة


...والتمر..(السكري)لايفوتكم سكري القصيم
اتوقع مافيه بالكون زييييييه


واللي مايحب التمر,,, وضعنا له انواع لذيذه من الحلاو يتقدمها زعيم الحلوى (باتشي)يم يم


وهكذا انتهيت من اعداد القهوة النجدية ومن ترغب في طرح سؤال حول اعدادها
فل تتفضل مشكورة...طبعا بعد ان تتتقهوى
نكته
بعضهم اذا شرب فنجاله وحب ياخذ فنجال ثاني يمد الفنجال ويقول تقهو
يقصد صب لي فنجال ثاني وانتي انتبهي اذا كنتي تصبين واحد قالك تقهوي
ترى المقصد صبولي فنجال ثاني او قهووني خخخخخخخخ

[رذاذالمطر]

وعليكم السلام ورحمة الله وبركاته


حي الله الغواالــــــــي كلن بااسمــــه

وبانتظاركــــم...وأنتظار اول مشششاركــــه من الشيخه حلم متجـــدد
يسعدكم ربي ...


حلوووووم توصي بي والله بالقهوه اللي تعدل الراااس وانا اختــــك

[منتهى الدروب]

ياهلا ومسهلا فيكم..وحياكم ربي..
البيت بيتكم.. والقهوة قهوتكم..
حبينا نجمعكم كل مره على دله ..وحبنا جمعنا قبل نجمعكم..
حياكم معنا ونسعد بمشاركتكم..وجودكم ينورنا ويسعدنا ويشرفنا..
وهلا فيكم.......مع قهوة الغلاااا
*لولو*

[الزاهرة]

ماشاء الله تبارك الله
إن شاء الله ردي مايكون فاصل إعلاني
كنت متشوقة للموضوع من تواقيعكم فالإبداع ليس غريبا عليكم

[ريحانة الوجود]

ماشاء الله على الابداااااااااااااع تسلمممممممممموااااا حلم متجدد ورذاذ المطر ومنتهى الدروب

[الـــــــوعـــــــد]

الله أكبر على هالإبدااااااااع ... ماشاء الله يالولو على قهوتك مع اني تمنيت أشوف لونها في الفنجان من قريب ... لكن تسلم اليدين يارب ..

[ـ’اللولو’ـ]

وااااااااااااااااااو هذا متى صار وأستوى!!!!!!!
وشف السماجة المشاهدة 70والردود7
إذا هالإبداع يمر كذا لا نسكر المكان أحسن!!!!!!!
بعد عيني والله روعة تسلمون يالثلاثة أنا أقول وش سر هالدعوة وأبي أسأل وتشاغلت
الله يوفقكم ومو غريب أبدا أبدا وما عاد ينفع أغيييييييير!!!!!

[نَزف*]

<-- تناظر يمين ويسار وتقول يصير الحين نرد على الموضوع ؟!

يووووووووه يا حلم مشواركم مع القهوة مشوار والله لو تشوفين قهوتنا لا تضحكين علينا

صرت أشك انا بدوان من قهوتنا الماصلة ، ان شاء الله اذا تحسنت النفسية صورت لكم قهوتنا بنوعيها

الحلوة والمرّة ^_^

تسلم الأيادي ،، ياخيّه

[ريحانة الوجود]

رديت قبل لا تكملوا الموضوع واشوف هاالقهوة يااحلم الله يعطيك العافية
صح مايكون قهوة اذا ماصارت في الدلة لها نكهة وطعم غير لما تكون في ثلاجة القهوة 00000000000