[صانعة في الحياة]

هذه القصيدة لـ الشاعر فهد المفرج بمناسبة غيبة أبنته ريوف اترككم مع ابياتها

[blink]ريــــــــــــــــوف[/blink]

يا ريوف ياعلّك بحالي تروفيـن *** لاقلّ شوفي وانحنت بي عصايـه

يمين من نزّل تبـارك وياسيـن *** انك قمر عمري وكوكب فضايـه

أدراك بالخاطر واعاملك بالليـن *** وارجي عسى الله مايخيّب رجايه

احب من حبك واعادي المعاديـن *** وادعي لك الله بالستر والهدايـه

فقدتك البارح وجريـت صوتيـن *** هذي وهي ليله وعنـد انسبايـه

كله غلا ياويلي اثر الغـلا شيـن *** الله واسالـه لايبـيّـن غـلايـه

من حبها حبيت كـل الصغيريـن *** صارت محبتهـم بقلبـي هوايـه

عودتك الممشى على شان تمشين *** اشد بالثنتيـن واقصـر خطايـه

وليا بكيتي قمت اهلل وتصغيـن *** واحيان اغني لـك واردد غنايـه

يضيق صدري لاسمعتك تونيـن *** واجر صوتي من خلاي بخلايـه

وان جيت ابقفي عنك لدّيت بالعين *** الدرب قدامـي واطالـع ورايـه

رد الوفا ياريوف ماابيه ذالحيـن *** ابيـه لـي دارت عليـه رحايـه

ابيه لا منه غـدا الليـل ليليـن *** لا اشتدّت الايام واظلـم سمايـه

وابيه لامن صارت العشر ثنتيـن *** اليا اتركوني عزوتـي واقربايـه

وابيه لا عـزّوك فـيّ المعزيـن *** تدعين رب البيت يغفـر خطايـه

اليا كتب ربي افـراق المحبيـن *** ثم ادفنونـي لابتـي واصدقايـه

توك صغيرة سنّ مانتيب تدريـن *** والعالم الله وش تكـون النهايـه

اما التفتي لي وزين علـى زيـن *** والا رميتينـي بـدار الرعـايـه




رابـــــط الحـــفـــــظ

--------------------------------------------------------------------------------

[الشــاهينة الأزديــة]

أختي صانعة في الحياة ... مرحباً بكِ ..


بس ..


وشفيه يا صانعة وشفيه يذرف العين ............ الشاعر اللي مهجرس ٍمن بين الحنـايا
يصــخّر أبيـاته ويــوِن علـى ثنتيــن .............. ومشــعل نـار ٍ لهــا ســـيوف ٍ حنـايا
لا ملهــب ٍبـــارد ولا مجـبّــس الليـــن .............. من العنـا بصـــدره وسـهومه طنــايا
اللـه يعينــه ويخلــي له ذي البنتيـن .............. إليـــن يشـــوف عيالهن طوال اللحايا



والحيــن كل هالغلا والمحبة لبناته ويخاف إنهن يحطّنه في دار الرعاية ..؟
والله ماهوب أحسن لهن .. ويبشر بها عند الله ..



مواضيعك مؤثرة يا صانعة لكنها طيبة .. وتسلمين على نقلك الطيب ..


وشكراً لك ..

[غائبة راحلة]

كلماتها رائعه

وفقك الله عزيزتي صانعه

[جوف]

ياااااااااالله ياكبر قلبه ويازين ابوتهالله يخلي له بناته ويحنن قلبوهن عليه للنهايه

مشكوره اختي على هذا الطرح والله اني تاثرت جداااااااااااا في هذه القصيده

[صانعة في الحياة]

المشاركة الأصلية كتبت بواسطة من زمرة المتقين أختي صانعة في الحياة ... مرحباً بكِ .. بس .. وشفيه يا صانعة وشفيه يذرف العين ............ الشاعر اللي مهجرس ٍمن بين الحنـايا يصــخّر أبيـاته ويــوِن علـى ثنتيــن .............. ومشــعل نـار ٍ لهــا ســـيوف ٍ حنـايا لا ملهــب ٍبـــارد ولا مجـبّــس الليـــن .............. من العنـا بصـــدره وسـهومه طنــايا اللـه يعينــه ويخلــي له ذي البنتيـن .............. إليـــن يشـــوف عيالهن طوال اللحايا والحيــن كل هالغلا والمحبة لبناته ويخاف إنهن يحطّنه في دار الرعاية ..؟ والله ماهوب أحسن لهن .. ويبشر بها عند الله .. مواضيعك مؤثرة يا صانعة لكنها طيبة .. وتسلمين على نقلك الطيب .. وشكراً لك ..

هلا بشاعرة دار العصيمي ..

والله تعجزيني بابياتك وتزيدين حسرتي أني ماني شاعرة

الله يجزاك خير يالغاليه ..

الهدايه بيدين الله ليس مقتصره على التربيه بس الله يجزا الوالدين كل خير ويعوض صبرهم خير

ويخلي لشاعرنا عياله الى أن يرى منهم ما يسره

الطيب مرورك الغالي أخيتي

كل الشكر لك .

[صانعة في الحياة]

المشاركة الأصلية كتبت بواسطة غائبة راحلة كلماتها رائعه وفقك الله عزيزتي صانعه

أهلا بـ غائبة راحلة ..

الرئع تشريفك للموضوع يالغالية

الله يوفق الجميع ويسهل عليك ويجزاك كل خير

شكرا لك

[صانعة في الحياة]

المشاركة الأصلية كتبت بواسطة جوف ياااااااااالله ياكبر قلبه ويازين ابوتهالله يخلي له بناته ويحنن قلبوهن عليه للنهايه مشكوره اختي على هذا الطرح والله اني تاثرت جداااااااااااا في هذه القصيده

أهلا ومرحباً بـ جوف ..

[blink]

[SIZE="4"]نورت صفحات الموضوع بمرورك الطيب [/SIZE]

[/blink]
الله يجزاك خيرا ويبارك فيك

كل الشكر لك على مرورك الكريم

[جوري الشرقية]

قصيدة جميلة مؤثرة

بارك الله فيك على هذا الاختيار

[صانعة في الحياة]

هلا بالجوري منوره يالغالية

الأكثر جمال هو مرورك الطيب بارك الله فيك

وجزاك الله خير مشكورة

[هنااادي]

شكرا صنوعه روعه الانشوده...