[شايل همي لحالي]

المشاركة الأصلية كتبت بواسطة ام عبودولمو الحمدلله ان وضعك تحسن ترى المسأله يبي لها شوية صبر اسأل الله ان يصبرك ويعينك ويهدي سرك انت وزوجتك اللهم اااااااااااااامين

الصبر أحياناً ينفذ وبدون سبب لأن المشكلة صار لها 10 أشهر وصعب كل هذي المدة يكون الصبر موجود لكن الحمد لله المحاولات مستمرة إلى أن يعين الله ..
الله يجزيك ِ الخير ويعطيكي العافية

[شايل همي لحالي]

المشاركة الأصلية كتبت بواسطة ربيع الحلم امكن اكون فااااااااااااااسية المفروض تطلقها من الاول خانت اهلها دخلت غريب لبيتهم تاخذ فلوس مقابل انو احد يسلى بها اعتقد انك شخص عاااااااااااااااطفى جدا اصلا هذى الانسانه مو اهلى حنى تكون ام .. دحين هى حامل الكمشكلة كبرت .. تبغى نصيحتى طلقها ... وصدقنى سماع كلامك اهتمامها بالبيت وغيرها ما يدل ابدا على تغيرها امكن تسوى كذا عشان ماتتطلق وتصبخ مطلقة ويالوها الناس يالسنتهم ... تبغى تستر عليها لاتفضحها لكن الستر مايعنى ابدا تخلى في عصمتك بنت ماضيها اسود ..........

شوفي أنا أول ما عرفت بالموضوع طلقتها طلقة وحدة وقلت لأبوها وأمها عن اللي صار بالتفصيل حتى يكونوا على بينه وعشان محد يلومني منهم لو طلقتها بالثلاث ..
وأنا ما قلت بتركها معاي لأنها اهتمت فيني أو في البيت لأن أي زوجة بتسوي كذا وهذا المطلوب منها لكني هدأت وبدأت أفكر بالاجر لو تركتها وما طلقتها وإني بأسترها وأستر أهلها وشوفي الأجر اللي باخذه على توبتها ، ولكن اللي مأثر فيني حجم الأشياء اللي كانت تسويها وكل ما تذكرتها أرجع أفكر بالطلاق مرة ثانية واريح بالي لكن أفكر وين الأفضل أطلقها وإلا أكسب فيها الأجر ولو كان على حسابي ، وأوقات أفكر إني أبغى أكون مثل أي متزوجين راحة بال وحب وثقة وهذا الشي أحس محروم منه بأوقات ، طبعا محروم منه من جهتي يعني أنا ما أعطيها الحب لأن ما في حب بس في رحمه وأعاملها برحمه ..
الموضوع لو تفكري فيه بطريقة ثانية تخيلي إنك غلطتي أي غلطه كبيرة في عملك هل تتمني المسؤول عنك يعاقبك ويطردك من العمل وإلا يسامحك ؟ وكيف بتكون ردت فعلك لو تركك تستمري بالعمل ونسى الغلطه ؟ هل بتكرري الغلطة؟

[شايل همي لحالي]

المشاركة الأصلية كتبت بواسطة ربيع الحلم صدقنى لو كانت تحبك ماقلت لك كااتوصلت مع غيرك مع مرور الزمن لو فضلت معاها تجى لحظة يتوقد الموضوع في قلبك وراح تنهار وتتعب وامكن توصل لدرجة فضيعة من الشك في مصداقية كل شئ .. ليش تخسر راحتك وتتدخل في دوامه من الالم النفسي انت عايش في صراع بين نبل اخلاقك وبين الغيرة والحمية في قلب الرجل ... تعرف مين اللى راح ينتصر في الاخر ..؟؟؟؟.. الحمية والغيرة هى اللى تنتصر ولين ذيك اللحظة حتكون ادمرن نفسيا ... في مقابل ايه تتدمر نفسيا ... في مقابل ايه تضحى بحياه هنية وزوجة قلبها وروحها وحياتها لك ... في مقابل بنت كانت تبيع شرفها من اجل مال ؟؟؟؟؟؟؟؟؟؟؟.... حتى لو تابت انك كرجل راح تحس دائما بحرقة في قلبك والم ... لك سنه والالم بقتلك ... هذا الالم راح يزداد اضعافا مضاعفة كل عام لاتفكر كلامى نسج خيال .. اذا المراءة لو خانها زوجها او حتى اتزوج عليها يظل هذا الالم متواصل في قلبها ويكون الالم اقوى من اللى يحترق بالنار الم فظيع مايعرفه الا اللى جربه ... فمابالك برجل مطعون في شرف زوجته ... لاتفكر انى احرضك على الطلاق لكن انا اغطيك صورة مستقبلية لحياتك .. انت اللى راح تخسر راحتك عواطفك راح تظطر للهروب بمشاعرك للبعيد لانه عقلك الباطن يرفض اعطاء عواطفة لخائنة بتعيش في صراع مر .. نهايته انك ياما تروح لمكان تانى تشبع عواطفك فيه او انك تقتل عواطفها وعواطفك وهذا قمة الظلم لها ولك ... في نظرى اسلم الحلول الطلاق .. انت لم تخطى ابدا ومن حقك ان تطلق منذ ان اكتشفت خيانتها .. يكفى صبرا اخى وصراعا .. فهى من فرطت لا انت

بأوافقك ببعض الأمر وأخالفك ببعض الأمور ..
بأوافقك في نقطة إني بشر وعندي عواطف وكنت محتاج أعطيها لزوجتي لكن بعد الغلطه ما قدرت أعطيها وهذا قد يخليني أدخل طريق غلط حتى أفرغها في مكان ثاني ..
وبالضبط نفس حالها وان كان هي تفرغ كل حبها الان فيني وبشكل غير طبيعي في كل شي ولكني ما أبادلها الشعور لكني أعاملها عادي وهي بإستمرار تسألني أنت تحبني ؟ لأنها وبصراحه من يوم المشكلة إلا الان ما سمعت مني كلمة أحبك لكنها تسمع مني تسلم يدك على أي شي وأناقشها بشغلي وأسألها عن أهلها وممكن أمزح معها وأناقشها بأمور ثانية لكن الحب لا ..
وبالنسبة للحب فهذي النقطه الثانية اللي بخالفك فيها لأني لو أعرف إنها ما كانت تحبني ما كان كملت خطوتي وتزوجتها لكن الشي اللي تأكدت منه إنها للحالة المادية دور في تصرفاتها وإن كان هذا مو عذر لها ولكن هذا أحد الأسباب ..

[شايل همي لحالي]

المشاركة الأصلية كتبت بواسطة ربيع الحلم ممكن سؤال ايش صلة القرابة بينكم ؟؟؟..........

ما في أي صلة قرابه وبالعكس من مكان بعيد تماماً عنا ..

[شايل همي لحالي]

المشاركة الأصلية كتبت بواسطة ربيع الحلم معليش امكن اكون قسيت بردى .. ولكنى حاسة بجرحك وبالمك .. لانى انجرحت .. واعرف تمام معنى الخيانة والمها ... بالرغم انه حالتى اهون من حالتك لانها مجرد خطبة .... لكنى المها لين اليوم بالرغم مرور سنوات ... في كل لحظة اتذكر الالم ... مافيه اقسى من الخيانة ... خاصة لة اتعلقنا بشخص ما ... وصدقنى اكبر خطأ ان نسامح اللى خاين ونظل بقربة .. سامح ولكن ابتعد .. ابدأ صفحة جديدة اتزوج تانى وتاكد مادام سترت على زوجتك الاولى راح ربي يعوضك من تستحقك ... صلى استخارة وانصحك تستشر شيخ من الشيوخ واشرح له وضعك بالتفصيل ... وتذكر / ان الله لايضيع اجر المحسنين ...

أنا استشرت شيخين واحد قال أعطيها فرصة ثانية ولو كررتها طلقها والثاني قال طلقها
الاثنين ما عرفوا إلا عن سالفة الاتصال وقلت لهم مرة وحدة اتصلت بعد الزواج
يعني ما يدروا عن خروجها معهم ولا يدروا عن أي شي ثاني ..
ومو خطأ نسامح الخاين يمكن زلة شيطان ويتوب وبنفس الوقت الخوف من الرجوع للذنب مرة ثانية وأنا من الصعب أعيش مراقب للوضع لأني لما أكتشفت السالفة كنت مراقب بطريقة شديدة للوضع واكتشفت فجأه اللي صار ..
والله حيرتيني !

[شايل همي لحالي]

المشاركة الأصلية كتبت بواسطة ابتهال وما أدراك أنه لم يخطيء ياربيع الحلم لايجب أن نحكم على قضية ما بين طرفين حتى نستمع إلى جميع الأطراف , وإلا سيكون ذلك من الظلم البين للزوجة أنا لاأقصد قضيتك أخي الفاضل ( شايل همي لحالي ) , ولكني أتحدث عن مبدأ عام كان يجب علي توضيحه ألا يمكن أن يكون الزوج هو من يدفع زوجته لمثل تلك التصرفات , وعليه فإنه يجب توجيه نصيحة له بتفقد أحواله مع زوجته قبل أن ينصح بالطلاق , ثم بناء عليه يحق له إتخاذ القرار أقول قولي هذا لأنه ذكر أنها تابت , وإلا لكان لنا مقالاً في غير هذا المقام عليكم بذكر الله لعله شيطان دخل بينكم , أصلح الله الأمور

أختي ابتهال
والله ما عندي اي مشكلة لو قلت ووضحت إني غلطت عليها أو قصرت بشي لأني كتبت الموضوع حتى أحل المشكلة وليس لمدح نفسي وبوضح لك أكثر حتى تكوني بالصورة إنتي والبقية ..
الحمد لله أنا شاب وشخصيتي محبوبه للكل وبشهادة الكل وحالتي المادية مستورة وأوفر كل احتياجات البيت واحتياجات زوجتي وعاطفي وحنون عليها وهي راضية تماما بي وبأهلي وقالت أكثر من مرة ما توقعت يكونوا أهلك بهذي الطيبة لأني سمعت إن أهل الزوج دائما أعداء ..
لما أكتشفت إنها تكلم واحد في المطبخ كان بسبب مشكلة وبذكر المشكلة بالضبط عشان تحكمي ويحكم البقية أنا غلطان وإلا لا ..
سهرت في الليل على الانترنت ونمت بعد ما صليت الفجر صحيت الظهر وهي زعلانه لأني ليه سهرت الليل على الانترنت ، سألتها أيش أسوي إذا ما جاء النوم ؟! طبعا ما ردت وزعلانه ( للمعلومية هذا المشكلة تصير بيني وبينها للحين يعني تبغى أقفل اللاب توب والتلفزيون وأترك كل شي وأتفرغ لها بس وأنا وضحت لها ان ما في مشكلة لو التلفزيون أو النت شغال ونسولف بس هي تبغى اتفرغ لها تماما )
هل هذي مشكلة تستحق إنها تخون ؟!
لعلمك هي اتصلت قبل كذا وما كان بيني وبينها أي مشكلة يعني اتصلت بعد الزواج وأنا لما اكتشفت كان زواجنا صار له شهر ونص بس يعني خلاص خلال شهر ونص خانت أكثر من مرة وبدون سبب يعني ما كان في مشاكل أو شي وللمعلومية هي اللي استعجلت بأمر الزواج وطلبت نتزوج بسرعه وحددت يوم الزواج مع إنه ما كان مناسب لي لكني وافقت

[شايل همي لحالي]

المشاركة الأصلية كتبت بواسطة ربيع الحلم كيف يدفعها لخيانة الخيانه مالها مبرر اختى ... غير كذا من الشهر الاول وهى تكلم وترسل هل هذا يعقل هذا شئ فضيع .. لا احترام لزوج ولا لدين فين قدسية الحياة الزوجية تحب عيره تخرج مع غيره لوقبل الزواج حرام تظلم احد معاها حرام تظلمه اذا كانت تحب غيره ليه وافقت عليه ...

أنا سألتها نفس السؤال ليه وافقتي عليه لو كنتي تحبي غيري ؟!!
قالت ما حبيت غيرك وكل اللي كان يصير مع غيرك كان نزوة شيطان ولا تنسى إني أنا اللي حددت الزواج وقلت لك نتزوج بسرعه ..
والله شي يشتت العقل والتفكير ..

[شايل همي لحالي]

المشاركة الأصلية كتبت بواسطة البارقه 2009 يبدوا لي انه ذاق نفس الالم (اسئل مجرب ولاتسال طبيب ) والرجل لاينسى مهما كانت الظروف ولو بعد حين اخينا شايل همي لاتهلك حياتك بسبها انظر في مايصلح لك ولها ام انك تهلك نفسك على حسابها لايمكن ولايعقل اتخذ القرار بنفسك بعد الاستشاره والاستخاره احضر قلم وورقه وقبلها انظر الى شخصيتك هل انت من النوع الذي لايمكن ان ينسى ولو حدث اي امر تتذكر هذا الموقف امامك اذا كنت كذالك اعانك الله واكتب اسمك واسمها ثم ضع الايجابيات والسلبيات ودونها كلها من غير تردد ثم قارن بينها واتخذ القرار بالاستمرار او الطلاق واعلم ان ابغض الحلال الى الله الطلاق

ايجابياتها الحين أكثر من سلبياتها الحين بمليون مرة وبصراحه ما في سلبية وحدة فيها الان
لكن سلبيات الماضي قوية وما أدري كيف أنساها ..
هذا باختصار الوضع الحالي ..

[شايل همي لحالي]

المشاركة الأصلية كتبت بواسطة أم رهف كل بني ادم خطاء وخير الخطائون التوابون بس احنا مجتمع شرقي نسامح والولد ونظلم البنت بس الانسان مايقدر يعيش كل حياته بالشك وخصوصا لفت نظري كلمة حامل مني حسيت اني اتابع فيلم اجنبي !!!! اعذرني على كلامي انا بنت بعمر زوجتك على فكره بس حبيت اوضح بعض الامور الحياه ياابيض يااسود ياما تبدا انت وهي حياه جديده وصفحة بيضاء وبينكم طفل واذا كان بودك تعدد هذا امر ماله علاقه بالماضي السابق ياما تنهي زواجك بها اذا ماقدرت تسامحها لا ن ليس من المعقول ان تعيش في دائرة الشك بها اذا كنت تظن انها امراءة غير صالحة لتربية ابنائك غدا فانصح بالخيار الثاني وزوجتك قد تكون ضحية مجتمع سيئ وتربية سيئة وجهل بالدين فالتصرفا ت التي قامت بها ليست بالشيء البسيط ولكن كما قلت التائب من الذنب كما لا ذنب له انصحك باتخاذ القرار بااسرع وقت وانت من يستطيع ان يقرر حسب الوضع ولكن نحن نتعامل مع مجرد معلومات منك

أنا لونت سطر لك باللون الأحمر لأن هذا الواقع اللي اكتشتفته بالاضافه للحالة المادية الصعبه ..
أحيانا أحاول أسامحها وأقول السبب المجتمع السيء والتربية السيئة والوضع المادي هو السبب ..
لكني أذكر إن في عائلات كثيرة بنفس الحال لكن يزيد تقربهم وتمسكهم بالله أكثر وليس العكس ..

[شايل همي لحالي]

المشاركة الأصلية كتبت بواسطة حلميه حبيت اقول للدكتور ريم اتمنى انها اتفكر ابكلامها اشلون يطلقها ليش سهل الواحد ينسى العشره وبعدين انا متاكده لوانه هواللي خان كان اصبرت وسكتت ليش حنا دايم ضد البنت واي شي اسويه يلصق فيها وتدفع ثمن غلطتها طول ماهي عايشه يمكن كان عندها اجبرتها وهي ماهي ملك هي انسان الشيطان يجري فيها مجرى الدم ليش الله سبحانه وتعالى يقبل توبتنا لونذنب مليون مره ونرجع انتوب يقبل منا ويعوضنا ابكرمه وندعيه ويستجيب لنا مع انه وهو الغني عنا وعن توبتنا ليش ابن ادم الضعيف اللي لايملك لاحول ولاقوه بخيل حتى بتفه الظروف انا لوزوجي خاني واعترف لي راح اسامحه اول شي راح التذكر انه زوجي وابو اعيالي ثاني شي حنا حياتنا مو ابديه عشان اندور المثاليه ابكل شي وبعد البنت لم اتزوج وتطلق اهلها ماراح يقبلونها والمجتمع اللي حولها واقول لصاحب المشكله اختي تطلقت وحنا تسع بنات خواتي الباقين كلهم تزوجو الرازق الله مو الناس والله ايسر الامور

اختي حلميه
لو الطلاق سهل كان طلقت من أول يوم وارتحت من وجع الراس
لكني صابر للحين عشان الطلاق مو سهل ولها أكيد أثار كثيرة سواء علي أو عليها
والسماح لو بيدي والله كان سامحت ونسيت لكن هذي مشاعر وأحاسيس ومو بالسهولة أنطق سامحتك وبداخلي نار وحالة نفسيه صعبه