[ربيع الحلم]

المشاركة الأصلية كتبت بواسطة حلميه حبيت اقول للدكتور ريم اتمنى انها اتفكر ابكلامها اشلون يطلقها ليش سهل الواحد ينسى العشره وبعدين انا متاكده لوانه هواللي خان كان اصبرت وسكتت ليش حنا دايم ضد البنت واي شي اسويه يلصق فيها وتدفع ثمن غلطتها طول ماهي عايشه يمكن كان عندها اجبرتها وهي ماهي ملك هي انسان الشيطان يجري فيها مجرى الدم ليش الله سبحانه وتعالى يقبل توبتنا لونذنب مليون مره ونرجع انتوب يقبل منا ويعوضنا ابكرمه وندعيه ويستجيب لنا مع انه وهو الغني عنا وعن توبتنا ليش ابن ادم الضعيف اللي لايملك لاحول ولاقوه بخيل حتى بتفه الظروف انا لوزوجي خاني واعترف لي راح اسامحه اول شي راح التذكر انه زوجي وابو اعيالي ثاني شي حنا حياتنا مو ابديه عشان اندور المثاليه ابكل شي وبعد البنت لم اتزوج وتطلق اهلها ماراح يقبلونها والمجتمع اللي حولها واقول لصاحب المشكله اختي تطلقت وحنا تسع بنات خواتي الباقين كلهم تزوجو الرازق الله مو الناس والله ايسر الامور

خيانه المراءة افضع وان كان الاثم واحد .........

[ربيع الحلم]

المشاركة الأصلية كتبت بواسطة أم رهف كل بني ادم خطاء وخير الخطائون التوابون بس احنا مجتمع شرقي نسامح والولد ونظلم البنت بس الانسان مايقدر يعيش كل حياته بالشك وخصوصا لفت نظري كلمة حامل مني حسيت اني اتابع فيلم اجنبي !!!! اعذرني على كلامي انا بنت بعمر زوجتك على فكره بس حبيت اوضح بعض الامور الحياه ياابيض يااسود ياما تبدا انت وهي حياه جديده وصفحة بيضاء وبينكم طفل واذا كان بودك تعدد هذا امر ماله علاقه بالماضي السابق ياما تنهي زواجك بها اذا ماقدرت تسامحها لا ن ليس من المعقول ان تعيش في دائرة الشك بها اذا كنت تظن انها امراءة غير صالحة لتربية ابنائك غدا فانصح بالخيار الثاني وزوجتك قد تكون ضحية مجتمع سيئ وتربية سيئة وجهل بالدين فالتصرفا ت التي قامت بها ليست بالشيء البسيط ولكن كما قلت التائب من الذنب كما لا ذنب له انصحك باتخاذ القرار بااسرع وقت وانت من يستطيع ان يقرر حسب الوضع ولكن نحن نتعامل مع مجرد معلومات منك

ام رهف صدقينى الذنوب ليست لهامبررات

[ملكة جمال]

فيه حكمه تقول كلام في الماضي نقصان بالعقل
خلاص انسى يكفي اعترافه لك واعتقد انك حلفتها بالطلاق ان ما قالت كل شي
يكفي انها تابت
ويكفي انك سترت عليها
انت تعرف نفسك اكثر من الي في النت اذا انت شايف نفسك مستحيل تنسى خلاص طلقها وخلها وخلك تبدون من جديد
اما لو شايف انك تقدر تتاقلم فكمل معروفك واستر عليها وعلى فكره هي مراهقه اصبر
وانت الحكم

[حورية القصر الأبيض]

المشاركة الأصلية كتبت بواسطة ربيع الحلم هو طلب راينا ولو كان اخوك في مكانه ايش راح تسوى ؟؟؟ ترضى انه زوجة وام اولاده تكون كذا ؟؟ اجيبينى بدون مثاليات

أختي العزيزة
حينما يطلب منا مشورة في مسألة مصيرية نجيب عنها بما يوافق الشرع والعقل والأخلاق
لا بما أشعر به أنا أو بما تشعرين به أنت , أو سواء مررت بتجربة مثيلة أو لم أمر !!
العقل يقول أنها أخطأت وتابت وأصلحت الأمور فالأجدر به أن يعفو ويصفح إن سارت على نفس الوتيرة في التوبة وله ئواب الصفح والعفو عنها
والأيام كفيلة أن تنسيه إن أصلحت مابينها وبينه , أما إن استمرت فلا يلام حينئذٍ
وتأكدي لو كان أخي مكانه وتابت زوجته سأرضى لأني أحب الخير لأخي لاخراب بيته ؟

[a7bs.dmoo3y]

انزين البنت تاااااااااااااااااابت يعني افهم من كلامكم ان المجتمع لايقبل التاءبون يعني البنت تظل طول عمرها تحمل الخطيئة لكن الرجل ممكن اتسامحونة صح؟؟
عطو البنت فرصة تصحح خطأها
وبعدين الرجال تحسنت حالته ترحون تقلبون المواجع يعني تبون تكحلونها عميتوها
وبعدين الله خلقنا نخطي علشان نستغفر ونتوب له

قال النبي
صلى الله عليه وسلم فيما يرويه أبو هريرة- رضي الله عنه- "والذي
نفسي بيده لو لم تذنبوا لذهب الله تعالى بكم ولجاء بقوم يذنبون

فيستغفرون الله فيغفر لهم".

الشيطان يتوج ملكا اذا فرق بين زوجين تبون اتكونون انتوا والشيطان سوا
بدال لاتدعون الله يسعدهم اتقول هالكلام
الله يسامحكم
وحسبي الله ونعم الوكيل

[روح القمر]

اول شي الله يكون بعونك اخوي ويفرج همك يااارب

وانا قرات اغلب اراااء الأخوه والأخوات هنا وماقصرو كلهم ,,

لكن انا بقولك شي واحد ,,استخير ربك والجئ ربك فلا احد اعلم بحال عبده منه سبحانه وتعالى ,,

استخيره في امرك كله وادعوه اخر الليل واسجد بين يديه والح بالدعاء وسوف يهديك الى سواء السبيل

وسيدلك الى حل يريحك ويريحها ,,وايضا ياريت تحاول تسامحها لانها اخطئت وتابت واعلم اخي إنما مرض القلوب من الذنوب ... و اصل العافية أن نتوب ... و اقبح كلمة هي الذنب ... و اجمل كلمة هي التوبة ... و الله عز و جل يقول في محكم كتابه الكريم"و من لم يتب فأولئك هم الظالمون" ... و قال النبي صلى الله عليه و سلم "لو لم تذنبوا لذهب الله بكم و جاء بقوم يذنبون فيستغفرون فيغفر لهم" ...
فالشاهد من هذا كله ان الله يسامح عبده ويغفر ذنبه فكيف بك انت ايه العبد ان لا تسامح ولا تغفر الزله ,,سامحها اخي بغض النظر عن علاقتك فيها ,,سواء ابقيتها في حياتك ام لا ,,سامحها فالمسامح كريم ,,ولا تنسى ان تستخير ربك فهو سبحانه بحال عبده عليم

ارشدنا واياك الى سواء السبيل

[ربيع الحلم]

المشاركة الأصلية كتبت بواسطة ابتهال أختي العزيزة حينما يطلب منا مشورة في مسألة مصيرية نجيب عنها بما يوافق الشرع والعقل والأخلاق لا بما أشعر به أنا أو بما تشعرين به أنت , أو سواء مررت بتجربة مثيلة أو لم أمر !! العقل يقول أنها أخطأت وتابت وأصلحت الأمور فالأجدر به أن يعفو ويصفح إن سارت على نفس الوتيرة في التوبة وله ئواب الصفح والعفو عنها والأيام كفيلة أن تنسيه إن أصلحت مابينها وبينه , أما إن استمرت فلا يلام حينئذٍ وتأكدي لو كان أخي مكانه وتابت زوجته سأرضى لأني أحب الخير لأخي لاخراب بيته ؟

ملاحظة اختى احنا في مجتمع سعودى

لو سامحها ماكان سالنا ولا كتب الموضوع

[a7bs.dmoo3y]

المشاركة الأصلية كتبت بواسطة ربيع الحلم ملاحظة اختى احنا في مجتمع سعودى لو سامحها ماكان سالنا ولا كتب الموضوع

بس هو سامحها انتي ماتقرون الردود؟؟؟هو يسالنا علشان يتدارك الافكار الي تواجهه

[ربيع الحلم]

المشاركة الأصلية كتبت بواسطة a7bs.dmoo3y بس هو سامحها انتي ماتقرون الردود؟؟؟هو يسالنا علشان يتدارك الافكار الي تواجهه

لو سامحها واحد في المئة كان طرد كل الافكار ...

وماطرح هذا الموضوع ,,,

اختى الرجل ممكن يسامح على كل شئ ...

الا على ذا الشئ ...

الواضح انه صلة قرابته بها كبيرة

وهو خايف يطلق خايف عليها وخايف من المشاكل ...

لكن لو هى طلبت الطلاق صدفينى ماراح يتردد انه يطلقها ابدا ...

وانا اساله

لو زوجتك طلبت الطلاق راح تطلقها ؟؟

ياليت تجاوب بصدق وصراحة .........

[a7bs.dmoo3y]

المشاركة الأصلية كتبت بواسطة ربيع الحلم لو سامحها واحد في المئة كان طرد كل الافكار ... وماطرح هذا الموضوع ,,, اختى الرجل ممكن يسامح على كل شئ ... الا على ذا الشئ ... الواضح انه صلة قرابته بها كبيرة وهو خايف يطلق خايف عليها وخايف من المشاكل ... لكن لو هى طلبت الطلاق صدفينى ماراح يتردد انه يطلقها ابدا ... وانا اساله لو زوجتك طلبت الطلاق راح تطلقها ؟؟ ياليت تجاوب بصدق وصراحة .........

انتي ماتقرين عدل انها ماتربطة صلة قرابه بها وهو ذكر هالشي
وبعدين هو طلقها طلقة رجعية ورجعها يقدر يسامح لكن الشيطان شاطر وهو سبب هالافكار
وبعدين الافكار مب دايما معاه ونادر ماتجيله واذا هالريال طلع عن غير كل الريايل وسامح على هالشي شنو صار يعني انقلبت الدنيا ؟؟؟!!!!!