[moon15]

--------------------------------------------------------------------------------

لا تحسبين العرس توفـي وكتكـات
ولا تحسبينـه توكـس والا بونتـي

ولا تحسبين العر س كيكة وطرطات
وصلـة قطعتيهـا ووصلـة بلعـت

ولا تحسبين العرس تصفيق واصوات
وانت عللى صوت الغطاريف همتي

ولا تحسبين العرس كوشة ولمبـات
وانت كما الطاووس فيهـا جلسـت

ولا تحسبين العرس احلام في الشات
يامـا بنيتيـهـا ويـامـا هدمـتـي

ولا تحسبين العرس روحة وجيـات
هيا اقضبي بيتـك عسـى مانهبلتـي

ليلة سعيدة وانت احلـى الجميـلات
تشخص عيون النـاس اذا حضـرت

( واللاينر ) حطيـه بـلا زيـادات
لا يخـرب المكـيـاج اذا دمـعـت

( والمسكرة ) تحتاج لطف ومدارات
حتـى يبـان ازيـن اذا غمضـتـي

( والاسبريه ) رشيه حتى البصيلات
ينسك شعرك زين ولـو كـان زدت

وترى( المحدد ) فن يحتاج رسمـات
يبـان رسمـه زيـن اذا ابتسـمـت

العـرس يابنيـة ماهـو شعـارات
تفنـى مراسيمـه وتبقـيـن انــت

ويبقى شريك العمر راعي الطويلات
هذا هو العرس الحقيقـي عرفتـي؟

اول نصيحة لـك حفـظ الصلـوات
صلي العشا والفجر في كـل وقـت

وفي ليلة العرس الموفـق وبالـذات
ادعـي الكـريـم الله اذاسـجـدت

والتعري لاترضين عند الكوفيـرات
ولبسـك يملـي العيـن اذا لبسـت

واللي على زوجك تحرضك مـرات
ارجـوك شوتيهـا شوتـت بلنتـي

والصبر في العشرة حتى على فتات
ياماحـلا فعلتـك يومـك صبـرت

واذا حفظت السـر مـع المـدارات
زوجك ترى في عيونه انت كبـرت

والسوق يعني هاه وقت الضرورات
والاتـرى زوجـك يـدور لمفتـي

زيدي الغطاية وكثري في العبايـات
والله يرضـى عنـك اذا سـتـرت

اوصيك بالكبسـة وكثـر اليدامـات
حتـى لوانـك مـن سببهـا متنتـي

وخلي الرجيم اللي فشلت في مرات
سويـه مـرة واحـدة لا ولــدت

اوراق بنيه ترسل ازكـى التحيـات
خصيهـا بالـدعـوة اذا دعـوتـي

علمتني دنيتـي مـن احبـه يختفـي
لكن انا من عادتي من اعزه ما ينتسي

[ورد الريـاض]

صح لسانك يالقمر

مشكوره على القصيده

[moon15]

قمر الرياض بليز ابغاك ممكن

ممكن

[بقايا أمل]

ماشاء الله عليك والله ماخليتي شيء الا وذكرتيه

وصح لسانك

بس للاسف اهم شيء عندهن الكوشه والفستان والتسريحه والمكياج

ترى الرجل (( الشريك )) هو الاهم

[x هــيــفــــــــــاء x]

الف شكر عالقصيد الاكثر من روعه...

وصدقت بكل حرف كتبتيه الا المتن...

هههههههههه الله يوفقك...

[ورد الريـاض]

اهلا عزيزتي

آمري

[هنااادي]

رائعه زيك ياقمر تسلمين عجبتني....