[الفنان التشكيلي]

السلام عليكم
من تالي كاثرة دخلاتي للنت و ما ادخل النت الا في الصبح .. تعرفون البيت كلن نايم مافيه الا انا وجدتي واحب اشغل نفسي..بعض المرات تجلس معي اقرا لها مواضيع(( جدتي طبعا))..اسمعها قصيد..ونسولف ونضحك وهي دمها خفيف ودايم تعلق علي ..واحب تعليقها ومسفهلين ..
اليوم نزلت من غرفتها ..!!
كن خاطرها ضايق
وانا كنت على الشات اتكلم انا وقيود على موضوع جديد بتكتبه في المنتدى ونتناقش فيه
قالت لي بنبره حاده!!
وش قاعد تسوي انت مغير مقابل هالعنتر نت ؟؟
قلت يمه انا اسولف في ((شات)) مع ناس خيره وطيبه
قالت والله يا ولدي ما كنك الا
((شاة)) بدو طاحت في مريس@
الا مير سلم لي عليهم ولا يعمي عيونك الكنبوتر
انا طحت من عل الكرسي من الضحك
وها انا ابلغ سلامها لكم عسى الله يعطيها الصحه والسلامة

[نهى7]

الله يسلمها ...

المشاركة الأصلية كتبت بواسطة الفنان التشكيلي وش قاعد تسوي انت مغير مقابل هالعنتر نت ؟؟

والله زين ماحرفتها مثل البعض .. طرنت طنت أو أي شي من هذا القبيل !!

[صانعة في الحياة]

الله يسلملك جدتك ويطول في عمر في طاعة الله

ويزيدها صحة وعافية بلغها سلامنا وخاصة أنا ..

[الزاهرة]

الله يسلم جدتك ويبارك في عمرها ياسلالالالالالالالالام حتى الجدات مشاركينا الله يبارك في أعمارهن ونبغى نشوف مشاركاتها : )

[سراب الأمل]

ماشاءالله على جدتك,, الله يخليه لك

[الابتسام]

بسم الله الرحمن الرحيم

الله يسلمها ويحفظها ويرعاها ويعطيها الصحة والعافية. ويبقيها و يخليها لكم نور البيت و مسكه، اللهم آمين.

بلغها سلامنا الحار لها بلاحدود، بارك الله فيكم و يسر أمركم.

[@ حنين @]

الله يسلمها من كل شر ويطول لكم ربي بعمرها اميييييييين ...............

عاد كبار السن هم الخير والبركة في البيت ......................


أختك في الله :

@ حنين @

[تمرحنـــا]

عــلــيك وعــليــها السلام ورحمة الله وبركـــاته ..
ياغليكم سلملي عليها وبوس إيديها .. وخبرها أننا ننتظر دعواتها .. :)

>>>>>> ماعنـــدها جـــده .. :(

>>>>>> جـــت للدنيا متأخره ..

ياترى حــنان الجده أكثر أو الام ...

في فتره حسيت اني محتاجه جده تدرون ليش ..؟؟

لاني تخيلت ان حنان الجده اعمق واكبر من حنان الام..

اهداء للجده الطيبه الكريمه ::


انشودة والله اني صبور..http://www.muslmh.com/rm/sapoo.ram
الرجال الضواري مثل هاك الجبل
عزوة اللي تعزوى من جروحه ينوح
طيبين السجايا ماضيين الفعل
بالصبر والعزيمة كم بنوا من صروح
أرفع الرأس دايم لو حصل ما حصل
لا تزعز كيانك خل عندك طموح

أتبع اللي يعزك واترك اللي يذل
رافق اللي يودك بالمشورة نصوح
من حكا لك حكا بك مثل قول المثل
من ضحك لك ضحك بك لو تشوفه مزوح
المكر والخيانة من صفات الثعل
والحرارة الأصلية بالثريا تلوح
لو صفا لك زمانك ما يدوم العسل
الله اللي يدومه غير وجه يروح
يا الله اغفر ذنوبي عن جميع الزلل
الخطايا كثيرة والله اللي سموح

[عبير الورود]

الله يسلمك ويسلمها ويخليها لكم

يالله ان تحيي الفنان وجدته

والله يسلمك ويسلمها من كل شر

ويحفظها ويطول لنا بعمرها

والله أول ما قريت العنوان احسبها جدة بقايا أمل واثرها جدتك فنانا

والله وصار فيه تنافس خطيررررررررررررر بين الجدات :D

وسلملي عليها تكفى وقل لها ترا الحادي رقمه 8505

وخلها تدعي لي تكفى بقد هالرقم :p

وترا تكفى تهز الرجاجيل وتكسر الفناجيل

والله لا يحرمنا منك ولا من جديدتك الله يطول بعمرها يارب

ونشوفك بالشات يا مشْرفنا ومشرّفنا