[عباير91]

مــــــا الفرق الشاسع بين بنات العلمي و بنات الأدبي :-



بنات الأدبي دائما مبتسمين ومفرفشين >>>> ما تهمهم الدراسة طبعاً



بنات العلمي دائما مكتئبين وماعندهم وقت يضحكون بس عندهم وقت يصيحون



بنات الأدبي عادي عندهم يروحون المدرسة والا لا والأفضل عندهم طبعا إنهم مايروحون لأن ما يحتاج
أحد يفهمهم , اللهم يحفظون الكتاب ويروحون يسمعون اللي حفظوه >>>> صدق الحياة عندهم حلووووة



بنات العلمي إذا غابوا يوم عن المدرسة أو بس تأخروا يسوون سالفة مايخلون وحده ومايتصلون فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس المدرسات عشان يشرحون لهم مرة ثانية وعشان يتأكدون إنهم حصلوا كل المعلومات ومافاتتهم ولامعلومة >>>> هذولا كل حياتهم دراسة صدق مساكين


بنات الأدبي يطلعون من الامتحان وهم شاقين الحلق لأن ما تفرق معاهم الدرجات>>>> طبعاً عايشين حياتهم بالمناهج السهلة



بنات العلمي يطلعون من الامتحان يصيحون وعلى طول يفتحون الكتاب ويتأكدون من أجوبتهم وياويلنا لو في جواب ولا نص جواب غلط على طول الدموع تنصب والوجه يصفر>>>> عشان كذاا يكونون عصلات



إذا شفت بنات دببة إعرف إنهم بنات الأدبي ماوراهم دروس ولا شغل إلا الأكل >>>> تراهم ما يهمهم شي في الدراسة إلا عالأكل و بس


إذا شفت بنات يكسرون الخاطر عصاقيل شوي ويموتون إعرف إنهم بنات العلمي المساكين دائماً يذاكرون لدرجة إنهم ينسون ياكلون


بنات الأدبي وفي حصة الاحتياط يقعدون يلعبون أو يسولفون مع المدرسة أو يعيبون عليها >>>> و ترى هذا الشي الحين يصير في كل المدارس , ماصارت الدراسة تهمهم


بنات العلمي في حصة الاحتياط طبعاً مايفوتون أي حصة بدون دراسة نحصلهم يدرسون بنفسهم أو يروحون يدورون على مدرسة فاضية وينادونها عشان تعطيهم دروس>>>> المساكين هالمرة هم المدرسات اللي ما يقعدون و لا لحظة بدون ما يكونون مع بنات العلمي عشان يشرحولهم





بنات الأدبي دايماً تشوفونهم شاردين من مدرساتهم وحصصهم ويتمشون في ساحة المدرسة كأنهم على الكورنيش>>>> بعد الكورنيش في ناس أقل من بنات الأدبي >>>> هههههههههه





بنات العلمي مانشوفهم في الساحة إلا وقت الفرصة ونادرا طبعا والمدرسات هم اللي يشردون منهم بس لا مفر طبعا للمدرسات>>>> مساكييييييين


هااا شو رايــــــــــكم


بس بعــــض الكلام صحيـــــــح


^_^


هههههههههههههههههههههههههههه

بنات بدووووووووووون زعل .. ترا كله سوالف وضحك
ما نبا زعل

طبعا جالس اقرا لأختي عشان اقوم الموضوع


الجواب--- قالت ماكذبت

ودمتم سالمين

[عباير91]

هههههههه عاد هي شو اختارت ادبي ولا علمي ؟؟

[هوبي5]

ههههههههههههههههههههههههههههههههه



يآملحنآ بس يآبنات آلعلمي ....

[أم أنمار]

والللللللللله صادقه ههههههههههههه

[عباير91]

ههههه يسلمووو هوبي وام انمار على المرور ......

[الفجـــر]

وأنا أضيف بنات العلمي غالبا مؤدبات لأنهم مب فاضيين للحركات الفاضية

وبنات الأدبي الأدب بديرة وهم بديرة

تسلمي ياعباير

[بدر5]

هههههههههههههههههههههه

وازيدك بنات العلمي مثل اللي عندنا مايهتموون بأشكآلهم الشعر مربوط والشفايف نصها مقطعه ههههههههههههه

[عباير91]

ههههههههه
حلوة بدر5........

[ورده ذابله]

ههههههههههههههههه
مشكوره
انا علمي وكنت دايما قراه
هههههههههههههه