[ابن الشجاع]

السلام عليكم ورحمة الله وبركاته

هذه القصيده من اجمل ما سمعت وقرأت وهي قصيده نبطيه لشاعر يوصي ابنه..

أنـــا يـــا الأديــب أحــاول أجـــيب مــا يــطـربك ×××× ولــو مــا ذكــرت أســبابــه ألــي مـسـبـبـتـه



تـخيـرت مـن مــا يشـرح الـصدر حــبك وسـبك ×××× وطــوعــت أنــــا صــعب والــسهل صــعبــتـه



أنـا اتـعـب عـلى بـيـت الـقـصيدة واحـبكه حبك ×××× إلـى مـا مـشى طـوعـن على الـوجـه شـقلبـته



أبـغــى أنـصـحــك يــلـي دايــم للــعلا مـطلـبـك ×××× تــحــذر مــن ألــي مــا تـســرك مـصـاحـبـتـه



تـخـيـر صـحـيـبـن تـفـتـخر بــه لــيا صـاحــبك ×××× صـحـيـبن يـطـيـب الـجـرح مــن طيـب قاربته



تــقـيـن لــقـيـن للــتــقى واللــقــاء يــجــذبــك ×××× سـجـأيـــاه عــــنـــد الله وخــلقــه مــحــببتــه



إذا كـبـرت تـلـقـاله رسـى في القـسى يعجـبك ×××× يــــروم الــمـعــالي واللــيــالــي مــدربــتــه



يــعــد الثـنـاء ولــيا تــرديــت مــا عـــذربـــك ×××× يــزول الــجــبل مــا زال طبــعه ومــاربتــه



يـخلصك مـن بـين الــشرابـيـك مــا يـنـشـبك ×××× ولا يـقـرب أمــرن مــا الـسـلامـة بـعـاقـبـته



ولـيا أخـذت حـقه وأنت مـن رام مـا طـالـبك ×××× لــو انــك أجـــازيه الــردى عــقــب طــيــبـته



لك الــشكر مني يـا صـبر ما أجملك وأطيبك ×××× يـــقــــولـــون مــا يــنــدم لــزيــمــه وجــربتـه



اعـــلق مــنكـبـك وأتــعلـق عــلى مــنكــبـك ×××× أذا ضــيــع الــمــغــرور حــقــه ومــرتــبــتــه



يـا عــبــد الله اسـمـع مـن يوصـيك ويـهذبك ×××× صــديــقــن لــبــيـبن والـتجـاريــب مــدبــتــه



عـليـك بـعمـل مــا يـرضي الله مـن واجــبك ×××× إذا الله حـفـظ ديــنــك حــفــظتــه وراقــبــتــه



رضى الله ورضى أمك عليك ورضى شايبك ×××× عـطه مـن كـرمك ربـك وفـضله ومـوهبته



لك الله لــو تــحجــج أمــك عــلى غــاربــك ×××× مــا قـربت ممــا قــدمــتـــ لك ولا جــبــتــه



وتـرى أبـوك ضـنـه فـيك طيب ولو يغضبك ×××× ولا يـبغضك ولـو بعض الأحــوال مـغضبته



وترى مـكسب ألطوله بعيـدن على شـاربك ×××× إذا ضــــن بــك ضــنن جـمـيـلـن وخـيـبـتـه



ثـلاثـت عـشر عـامن وأنـا أعـلمـك وأدبـك ×××× ولأدري بـعـد وش اللــيــالــي مــغيــبـــته



عـلـي يـشـهـد الله مــا تـرديـت فــي منسبك ×××× رفــعــت بــتــوفــيــق مــن الله وعــربته



ولا يـختـلـف عــن مـا سلف للسلف مذهبك ×××× تــرى مــحد مـــنا تـــهـاون بـنـأيــبـتـه



خـويــك وجــارك لا تــشــيلــهــم جـانـبـــك ×××× ولـو صـار لك مـنهم خـطاء مـا تـحسبته



ولا جـنـبـك وجـه الـقـشر خـلـه يـجـنـبـــك ×××× تـــرى مــا عــلــيه احـــسووف لـو تجنبته



وسلامتكم

وبصراحه لا اعرف عن الشاعر اي شي الا انه يقال له ( ابن مرهي ) واتمنى من الاخت زمرة المتقين ان ترد ببعض الابيات ان استطاعت وهي مشكوره...


للاستماع تفضل واختار المشاركة الاولى

[الشــاهينة الأزديــة]

المشاركة الأصلية كتبت بواسطة أبن الشجاع واتمنى من الاخت زمرة المتقين ان ترد ببعض الابيات ان استطاعت وهي مشكوره...

وعليكم السلام ورحمة الله وبركاته ..

وجزيتم خيراً يا أخي على هذا الإختيار الغني بـ غزارة المعاني والتي ضحُلت منها قدرتنا على نسج ماكان على شاكلته .. فـ اعذرونا على عدم تمكننا من مضاهاةِ ماأبديتموه من إختيار ٍموفق .. وتـُشكرون عليه ..

فـ شكراً لكم ..

[@ حنين @]

صح لسانك ولسان شاعرها ولاهنت يا أخوي على هذه النقل الجميل وننتظر جديدك ..............


أختك في الله :

@ حنين @

[هنااادي]

قصيده رائعه اخوي ابن شجاع ومشكور على اختيارها لنا ....

[ابن الشجاع]

أهلاا بكِ اخت من زمرة المتقين كنت اتمنى انك تردين ولو بكم بيت..

لاني اعرفك لا يصعب عليك شي فأنتي وبصراحه شديده شاعره من الطراز الاول ..

على العموم شاكر لك تواجدك ومرورك الطيب..

[ابن الشجاع]

صح بدنك اختي الكريمه حنين..

أما انتي اخت حنين فلا أقول الا بسم الله مشاءالله عليك..

متواصله مع الجميع.. أسئل الله ان يدوم عليك هذا الخير..

وجزاكِ الله كل خير..

[ابن الشجاع]

حياك الله اخت هنااادي..

شرفني مرورك اختي الكريمه فلاا تحرمينا من تواصلك..

وجزاك الله كل خير..

[جوري الشرقية]

صح لسانك أخوي ابن الشجاع و لسان شاعرها

قصيدة مملؤه بالحكمة

[لولو درة فلسطين]

اخي ابن الشجاع سلمت يداك

وقصيده جميله شكرا لك

وبارك الله فيك

اختك في الله
لولو درة فلسطين

[ابن الشجاع]

حياك الله اخت جوري ويامراحبا فيك...