[دانة قطر]

المشاركة الأصلية كتبت بواسطة هداية أختي الحبيبة دانة قطر.... اختي التفتي حولك... انظري .. هل من شخص باق بهذه الدنيا.. بعضهم من مات كبيرا .. بعضهم صغيرا.. بعضهم مريضا .. بعضهم سليما.. ولكن بأي حال الموت أختي مثل كأس سيرتشف منه الجميع.. بدون استثناء.. اختي الله كتب الموت بكتاب موثق.. ولو أن الله ميز بين الناس بالموت..لما كتب لسيدنا محمد عليه الصلاة والسلام ان يموت في عمر الستين وهو مريض !! وانتي تعلمين كم ازدهر الاسلام على يد نبينا محمد ويعلم اننا بحاجة له.. ورغم ذلك .. اقام الله تعالى بكتابه الموثق المكتوب بغض النظر عن ماهية الشخص.. فقد قال تعالى : وماكان لنفس ان تموت الا باذن الله كتابا مؤجلا ومن يرد ثواب الدنيا نؤته منها ومن يرد ثواب الاخرة نؤته منها وسنجزى الشاكرين)) اختي انظري في موضوعي هذا .. وستجدين أشياء عجيبة حول التفاءل والفأل الحسن وكيف تطبق بحياتنا.. http://www.22522.com/vb/showthread.php?t=20228 وان شاء الله بالمرة القادمة تزفي لنا اخبار جميلة ..

:) صحيح كلنا ماشين على هذا الطريق ..

وانا الحمد الله راضيه بقضاء الله وحكمته واكيد ما اخذه الا لخير لي وله ..

والله يرزقه الجنات والحور العين .. الههم انظر اليه نظره رضى فإن من تنظر اليه نظره رضى لا تعذبه ابدا ..

وهو دووم ببالى .. مهما صار .. يظل دنيتى كلها ..

بس مرات في اشيااء تذكرك وتقلب عليك المواجع مهما نسيتيها لابد يجى يوم يذكرك فيه ..

وان شااء الله ربي يكتب لنا الخير والسعاده ..

ويعوضنا بالخير والزوج الصالح ..

اختى هدايه سررت بردك ..

واتمنى لنا الخير دنيا واخره .. ويكتب لنا الاجر ويصبرنا على مصائبنا ..

[fmfmfm]

هو رحل من دارالفناء إلى دار البقاء .جعله الله في الفردوس الأعلى. ولا يصله منك شيء غير الدعاء والصدقة ولا بأس بالفضفضة ولكن لاتجعلي الحزن ملا زما لك اطلبي الله ان يرزقك الصبر وأن يخلف عليك بخير فالحياة ستسير حتى الساعة وفيها الفرح وفيها الحزن والمؤمن لايحزن على ما فاته لأنه لم يكتب له.وكل ما يصيبنا من الله فهو خير وعلينا الرضا. أعانك الله ورزقك خلفا خيٌراوغفر الله للمسلمين أجمعين.

[ضحى]

الله يصبرك اختي ويعوضك خير
ويخليك والديك اللي هم سندك بها لدنيا
عموما اختي لا تكبتي ما بداخلك بالعكس اخرجيه لاي شخص ترتاحين له وان لم تجدي فاخرجيه هنا في هذا المنتدى الذي يشكل اسرة رائعة يجمعها الحب في الله
وواصلي الدعاء بالصبر والثبات

[دانة قطر]

المشاركة الأصلية كتبت بواسطة fmfmfm هو رحل من دارالفناء إلى دار البقاء .جعله الله في الفردوس الأعلى. ولا يصله منك شيء غير الدعاء والصدقة ولا بأس بالفضفضة ولكن لاتجعلي الحزن ملا زما لك اطلبي الله ان يرزقك الصبر وأن يخلف عليك بخير فالحياة ستسير حتى الساعة وفيها الفرح وفيها الحزن والمؤمن لايحزن على ما فاته لأنه لم يكتب له.وكل ما يصيبنا من الله فهو خير وعلينا الرضا. أعانك الله ورزقك خلفا خيٌراوغفر الله للمسلمين أجمعين.

صدقتي يا الغاليه .. والحمد الله مدرى احسه فرحان ومستانس مندى مدرى شعور يجينى دايما ..

والحمد الله لا اترك صلاه ولا سجده الا اشركته بالدعااء .. والصدقه


ولكن .. انا اللى حاز بصدري .. انه طلع باول ايام شهر ذي الحجه وكنت وقتها صايمه طلع الشغل بدون لا يصحينى .. مثل كل يوم مثل ما احنا متعودين عشان افطره

وبعدها راح الشغل وتركنى نايمه .. وطلع من شغله راح شوي يجيب مصرووف العيد .. العيديه

وفي رجعته انقلبت سيارته وتوفى وقتها كان بالمستشفى وانا اتصل عليه طوول اليوم بس جواله مسكر

بعدها جاء العصر صليت ورحت بيت الوالده وانا بالطريق ارسلت له رساله اعاتبه فيه اقوله وينك

افتح جوالك ورد علي خرعتني

اتاريه بالمستشفى بين الحياه والموت .. بعدها وصلت بيت الوالده وكنت فوق مع خواتى اصلح لهم شيئ بجهازهم

الا اسمع امى تنادي اختى الكبيره نزلت اختى وانا لحقتها بس محد انتبه علي

الا اسمعهم يصيحون واختى صرخت نزلت بسرعه

امى كانت تبغى تمهد لى الخبر لان خالتى متزوجه ولد عمه زوجي

وتفاجأت امى بسماعى الخبر ما قدرت تخبي عني شيئ

امى تقولى امسكى نفسج انا اقول لها ايش فيه حد من اخوانى ولا ابوى صارله شي

امى تقولى حبيبتي تصبري زوجك مات وانا نازله من الدرج احس الدنيا تدور فينى ماني مصدقه

غير دموعى اللى عبرت شعوري بس وقتها اقول لاختى ابغى اروح المستشفى

ابغى اشوفه قالت شلون هو بالثلاجه الحين بكره بتشوفينه

قلت لها قولى لهم مالى خص ابغى اشوفه قبل لايدفنونه ..

والله ان طوول ليلي اتخيل الكفنه دخل علي وانا اعتذر من زوجي وهو ميت اعتذر انى ما كنت معاه قبل لايطلع

شيئ صعب والله يعنى لحظات احسها اكثر من مره ..

ورحت ثانى يوم بيتى لانى نمت عند امى يوم الوفاه رحت انتظر ابو زوجي يجيب زوجي قبل لا يدفنه

ابو زوجي دفن زوجي وانا انتظر دخلته ادفنه وانا ما شفته .. يعنى هذى اللحظه حسيت بالم فضيعععع

مادرى كيف اوصفه كنت متشوقه اشوف اخر ملامحه

بس ابو زوجي مارضى انى اشوفه وهو كذا خايف على انا وامه من الصدمه كانت له ظربه براسه ونزيف



الله يرزقنى شوفته بالاحلام دايما وهو مرتاح .. ويجعل ربي قبره روضه من رياض الجنه

[دانة قطر]

المشاركة الأصلية كتبت بواسطة ضحى الله يصبرك اختي ويعوضك خير ويخليك والديك اللي هم سندك بها لدنيا عموما اختي لا تكبتي ما بداخلك بالعكس اخرجيه لاي شخص ترتاحين له وان لم تجدي فاخرجيه هنا في هذا المنتدى الذي يشكل اسرة رائعة يجمعها الحب في الله وواصلي الدعاء بالصبر والثبات

امين ياارب يطول بعمرهم ويخليهم لي ذخر طوول العمر باذن الله ..


بس اختى هذا طبع فينى من زمان ما اقدر اطلع اللى فينى لاى احد ..


بس المنتدى اقدر مدرى ليش يمكن عشان الاخوه محد يشوفني وجها لوجه وانا اكتب ..

بس الحمد الله الحال افضل بفضل مساندتكم ..

مشكوره اختى ضحى ..:)

[الزاهرة]

إنما الدنيا فناء **** ليس للدنيا بقاء

إنما الدنيا كبحر **** يحتوي سمكا وحوت


الله يجبر مصيبتك أختي دانة قطر



ويعوضك بالخير

[دانة قطر]

المشاركة الأصلية كتبت بواسطة الزاهرة إنما الدنيا فناء **** ليس للدنيا بقاء إنما الدنيا كبحر **** يحتوي سمكا وحوت الله يجبر مصيبتك أختي دانة قطر ويعوضك بالخير

صدقتى اختى ...

بس الشوق لوااع .. والذكرى مره وخصوصا بيتنا امر عليه كل اسبوع لانى ازور اهله

مره بالاسبوع وعلى طريقى اشوف البيت ..

بس الحمد الله .. الله يثبتنى على صبري .. ويعوضنى


مشكوره اختى الزاهره جزاج الله كل خير ..:) الله يرزقج الخير والسعاده وراحه البال

:) وان شااء الله مع الايام يمكن اتغير

لانه زوجي متوفى من 6 اشهر بس ..


سررت بمشاركتج حزنى يالغاليه