[@ حنين @]

ياهلا ومرحبا بالغاليات .........
اشلونكم كل وحده باسمها وحده... وحده

يا حياالله من جانا ..............زارتنا البركه
اقلطم ...........اقلطم

زارتنا البركه والله ...........

يابنت جيبي القهوه والحلو يابنت ...........


ياعسى الله يحييكم من ممشاكم الى ملفاكم...



وراكم ما تقهون ........ تقهون................... يالله حيه
المكان وسيييييييع ويكفيكم ...وان ما شالكم تشيلكم العين ........مير الله يحيكم ويبقيكم..........


@ حنين @

[محبة الرحمن]

هلا حنون شخبارج

[محبة الرحمن]

قمر الرياض ما في دايت احين

الدوام قرب وبعدين بيصير الدايت العدل

[@ حنين @]

هلااااااااااااا وغلااااااااااااااا بالغالية :
محبة الرحمن .

أنا تمام والحمد الله .

انتي اشلونج ؟ بشريني عن أحوالج ؟؟

أختك :

@ حنين @

[هداية]

المشاركة الأصلية كتبت بواسطة الشـ جوري ـرقية هلا أختي هداية ... ابي فنجان قهوة ... صح على الطاري مبروووووووووووووك ;) وسام التعبير إذا حلمت بجيكِ على طول

تفضلي اقدعي ...

الله يبارك فيج ... ابشري والله .... بس انتي عطيني اشارة انك حلمتي :p

[راجيه الفرج]

أيها الأمل إبقي

الأخت راجية الفرج يارب تسمين بي قريب... راجية تسعدني عباراتك وتعليق : ) اختي في الله ..

كل الشكر لكى اختى في الله أيها الأمل إبقي.............بارك الله فيج يالواصله

شكلج تحبين الجمعة والسوالف ولمة الحريم وشاي الضحي

عاااااد أنا اقول الحلوات وين مختفين

أثركم هنيه وأنا بس أفرفر من منتدى لثاني ومهنا أحد

طحت عليكم

عاد يوم شفت (الدمعة) شاريه كيكه وتظيفكم عليها

قلت ما يبيلها لازم اطيح سوق كيكتها وانا ما حب شغل المحلات والمطاعم

عااااااااااااااااااااااااد علشان كذا تأخرت عليكم علي ما سويت القهوة لكم واللقيمات شغل بيت مهب مطاعم

والكلام لناس الكسالا اللي بس يشترووون .................ولا وش رايك .........(يالدمعه......!!)

وهاكم بعد زلابياااااااااااااااااااااااااااا

أدرى القهوة ما تصلح إلي مع الحلا السنع مهب كيكه وفنجان قهوة وش ذا التخبيص

تعرفون تسوووووون زلابيا أدرى إنكم ما تعرفون اللي تبى إتعلم تروح تشتري وتخلص...!؟!؟!؟

شكلكم ما تنفعون للمطابخ مهب مثلي ما غير مغرزه طبخ ونفخ

الحمد لله

[صافيا]

والله اذا الشغله فيها لقيمات وزلابيا

جيبو لنا ليالي لبنان وعيش السرايا وكنافة وحلبة ومعمول ووربات وبقلاوة و..... و ........ <<< الغربة عملت عمايلها فيي

[أيها الأمل أبقى]

هلا فيكم وهلابجديد ضيوفنا

اختي الغالية جوري الشرقيه وين كلنا لك ولطلباتك أختي بس آمري... تري بتوسط لك عند هداية باسمها الأزرق اسكتي

لا تعلمين احد يارب ترضى تعطيك.. :)

هلا ام عبدالرحمن جمعتنا أكتملت بطلتك

راجية والله استغربت قلت وين مايفوتها شيء هي راعيت واجب .. الدمع بوديك عند راجية تعطيك دوره بطبخ :)

قمر الرياض أختي وينك مختفية عاد السالفة عندك وش اخبار غيابك.. وأسعدني أختي قمر أول لقاء بك..

اخت هوازن من لقى أصحابه نسي أحبابه نسيتينا يوم شفت قمر الرياض :)

محبة الرحمن اسمك جميل وهلا بك محبة بيننا.

[أيها الأمل أبقى]

أختي هداية ادعي لك من قلبي واحبك الله الذي احببتيني فيه واظلنا بظله يوم لاظله الا ظله

هداية من صار وصل وأعجبني فيك هدفك وطموحك وفعلا التخطيط السليم يسهل تحقيق الآمال والطموحات وماشاء الله

عليك ولاحول ولا قوة الا بالله .. واشكر فيك سعة صدك .. وعفويتك المحببة والله احسست كأنك تحدثيني بشعورك

وبفرحتك....

أسال الله العزيز القدير لك التوفيق والسداد..

هداية اسمك الأزرق وش تصلحين فيه مو سرتي أحمر.. تري جوري الشرقية ما تبيه ولا وعدتها فيه

[أيها الأمل أبقى]

اهلين بالمشرفة لولوة الحماد رأيتك بين المتواجدين هلا بك افتقدناك لكن هذه هي الاجازة وظروف السفر اكرر ترحيبي بك

أختي ...