[@@بدر البدور@@]

سلطه ناتشوز...

المقادير كلها حسب الرغبه..
ناتشوز بالجبن ماركه دوريتوس
خس شرايح
ملفوف شرايح احمر وابيض
خيار مكعبات
جزر مكعبات
جبن تشيدر مبروش
الدريسنغ:
صلصه فرنسيه
عصير ليمون
ثوم
مايونيز
روب

الطريقه:
نخلط مقادير الدريسنغ ونخلطهم مع الخس والجبن والملفوف والخيار والجزر
نضفهم بالبايركس ونصف الناتشوز فوقهم وبالف عافيه

[@@بدر البدور@@]

بطاط وتونا...

المقادير:
بطاطه مشويه

جبن سائل ماركه فريتوز تحصلونه بمركز سلطان او استخدمو اي جبن تحبنه
عليه صغيره تونا
بصل ابيض شوي مقطع صغار
قفشه ذره كبيره
نص طماطه مقطعه حسب الرغبه

زبده
ملح
فلفل اسود
فلفل احمر او باريكا

الطريقه:
نفجج التونه بالشوكه ونضيف لها البصل والذره والطماط وملح وفلفل اسود واذا تحبون عصره ليمون
نفرغ البطاطه ونحاول نحافظ على الشكل... اذا انا بسويها بالبيت اقصها بالنص وافرغها على شكل قارب
نخلط الحشوه بملح وزبده وفلفل اسود وحطو اي شي تحبونه وجزء من الجبن.. اذا تحبونها ملسا تقدرون تضيفون مايونيز وحليب
نردها في البطاطه و ونصب فوقها كميه من الجبن وفوقهم التونه وبالف عافيه

[@@بدر البدور@@]

سلطه كباب...

ممكن هالطبق ينوكل بطريقتين كسلطه او كطبق رئيسي استخدمت كباب الحجه بعد ما نشفته من الدهن
الطماط المشوي مع الريحان والبصل بروحه ممكن يكون سلطه حلوه ... العصاره اللي تنزل من الطماط مع الليمون والريحان لذيذه وتكون احلى دريسنغ مع شوي ملح وفلفل اسود ورشه زيت

تقدرون تحشونها بساندويشات ممسوحه بحمص او مايونيز او بيستو

المقادير اللي رح اذكرها حق شخص واحد زيدو ونقصو حسب الرغبه... بتلاحظون اني ما ضفت لا ملح ولا زيت لاني حسيت اللي بالكباب كفايه


المقادير:
حبه كباب
طماطه ونص
حدود 25 ورقه ريحان
شريحه بصل مقصصه مكعبات
نص ليونه
رشه كمون

الطريقه:
نشوي الكباب بالشوايه ونحطه بجيس نايلون عشان تسهل عمليه نزع قشرتها وبعدين نقشرها ونقطعها مكعبات نخلطها مع البصل والريحان وعصير الليمون
نشوي الكباب ( او جاهز) ونقطعه ونضيفه للسلطه ونرش الكمون وبالف عافيه

[@@بدر البدور@@]

خطوه بخطوه من الحليب لي اللبنه ...







المقادير:

2 كوب حليب بودر
3-4 اكواب ماي دافي ( انا استخدم 2 بارد و2 حار )
علبه روب

الطريقة:
نذوب الحليب بالماي وعدل وبعدين نضيف له الروب ونخلطه عدل وبعدين نصبه بطاسه وحده او طاسات فرديه ونخليه بمكان دافي 12 ساعه الى يوم كامل وبعدين تخلونه بالثلاجه يوم كامل قبل الاستخدام وبهالطريقه سوينا الروب وخلصت الخطوه الاولى
والحين دور اللبنه... ورح نحتاج اما غتره او شاش او خام كتان او مريكن عشان الروب ينزل السوائل وتكون عندنا لبنه
انا اخلط شوي ملح مع الروب عشان لا تكون اللبنه ماصخه

وبعدين اخذ طاسه واحط فوقها مشخل ناعم..وفوقها غتره نظيفه مخصصه حق اللبنه واصب الروب فيها واضغطها واغطيها بواكس بيبر والغتره واخليها بالثلاجه بالقسم السفلي من يومين لي 3 ايام لين تجمد


اكورها بيدي واغمرها بزيت الزيتون واخليها يوم عشان تاخذ من نكهه زيت الزيتون واقدمها مع الريوق او مع السلطات وبالف عافيه... بتلاحظون ان الكور مو ناعمه اذا تبونها ناعمه مسحو ايدكم بالزيت قبل التشكيل انا الغي هالحركه

[@@بدر البدور@@]

سلطة اللبنه

المقادير:
2 كوب بربير بس الورق
1 كوب جرجير مقطع
1 كوب كرفس بس الورق
2 خياره شرايح مدوره
1 ونص كوب طماط مكعبات
لبنه مدعبله
سمسم
الدريسنغ
ربع كوب زيت زيتون
ربع كوب عصير ليمون
2 م ك دبس رمان
2م ك خل
ملح تقريبا نص قفشه صغيره
ربع قفشه صغيره كمون

الطريقة:
نخلط مقادير الدريسنغ عدل
نخلط البربير والجرجير والكرفس والخيار والطماط مع الدريسنغ ونصفه بصحن التقديم
ناخذ البنه ونمررها بالسمسم ونصفها بالصحن وبالف عافيه

[@@بدر البدور@@]

سلطه البطاطا المقليه...

المقادير:

2 بطاط مكعبات مقليه
حبه طماط مقطعه مكعبات
3 قفاش كبيره بقدونس مفروم
حبه بصل اخضر مقطعه شرايح
فص ثوم مهروس او تقريبا ربع قفشه صغيره
ربع قفشه صغيره بابريكا
ثلاث ارباع قفشه صغيره ملح
4 قفاش كبيره عصير ليمون
2-3 قفاش كبيره زيت زيتون

الطريقه:

نخلط البصل مع عصير الليمون والزيت والبابريكا والملح والطماط والثوم المهروس
نقلي البطاط وننشفه ونضيفه للخليط السابق
نضيف البقدونس ونخلطه ونقدمه وبالف عافيه

[حفيده جدتها]

فديتك ننتظر جديتك

[@@بدر البدور@@]

هلا الله منوره

[ام حمد الماجد]

يسلمووو وووووووووووو

[صدى الوجود]

يسلموووووووو