[رمحين]

بسم الله الرحمن الرحيم


والصلاة والسلام على اشرف الانبياء والمرسلين سيدنا محمد ابن عبدالله وعلى آله وصحبه اجمعين ..

السلام عليكم ورحمة الله وبركاته ..


هالطريقة اكتشفتها بالصدفة ورب العزة والجلال قبل اربع سنوات اثناء ماكنت غارق بعمليات حسابية في التحليل الفني لفك رموز حركة الشارت ( اسهم ، عملات ، بترول ، معادن ... ) وتوصلت لفك رموز الشارت ولله الحمد لكن كان يتكرر معي رقم صغينوووووووون بكل مرّة وهالرقم هو ( 0.0595238095 ) وبعد شيل وحط مع هالرقم اكتشفت انه يساعدني على حساب مساحة الدائرة .. المهم مالكم بالطويلة وخذوا الطريقة :- <<< ( اللي يبي يلطشها حلال على قلبه ماعندي مشكلة )

مربع القطر مخصوم منه هالرقم النسبي - رقمي انا - ( 21.42857143 % ) <<< احفظه وخله ياكل ويشرب معك ( من اول حفظّونا ط = 22 ÷ 7 = 3.142857143 ) وانا اقول احفظوا رقمي النسبي اللي فوق يعني زيّي زيّهم بس الطريقة القديمة فيها تجيب نص القطر وبعدين تحطّه تحت الجذر التربيعي وتضرب الناتج بالنسبة التقريبية ... يعني شغلة طويلة عريضة !! .. اما انا طريقتي القطر بنفسه واخصم منه رقمي النسبي وتطلع معك مساحة الدائرة ..

مثال :-

دائرة قطرها 10 ونبي نجيب مساحتها بطريقتي نسوّي كالتالي :-

10 × 10 = 100 مخصوم منها رقمي ( 21.42857143 % ) تطلع مساحتها 78.571428572

سبق ونزلت هالطريقة بثلاثة مواقع من اربع سنين ...

وسلامتكم ...

[وفااا]

:
:
يعطيك العافيه يا أخ رمحين

أول شيء حللني ياخوك

للوهلة الأولى قريت فيها الموضوع قلت علامه رمحين
خربها ... شفت الطريقة قلت يمكن إبتكار جديد للترقيم

بس بعدين حسبتها
وقلت يابنت جربي يمكن كلامه صح وإنتي اللي تفكيرك غلط

وبالنهاية طلعت براءة

" إن بعض الظـن إثــم "

اللهم بارك وعسى الله يفتح عليك

بس الرقم طويل أحفظ القانون وأخلص عمري
ولو إن طريقتك تطلع الناتج دايركت

عموما افتكينا من الدائرة ومشتقاتها لعل الفائدة تصل الأخرين

وشكرا لك .. ولإبتكارك

وحللني لاتنسى

دمت بكل خير
:
:

[رمحين]

معذرة اخواني .. كتبت مشاركة وحاولت ارسلها وانمسحت .. بارجع اعيدها بعد الصلاة ..

[رمحين]

المشاركة الأصلية كتبت بواسطة وفااا : : يعطيك العافيه يا أخ رمحين أول شيء حللني ياخوك للوهلة الأولى قريت فيها الموضوع قلت علامه رمحين خربها ... شفت الطريقة قلت يمكن إبتكار جديد للترقيم بس بعدين حسبتها وقلت يابنت جربي يمكن كلامه صح وإنتي اللي تفكيرك غلط وبالنهاية طلعت براءة " إن بعض الظـن إثــم " اللهم بارك وعسى الله يفتح عليك بس الرقم طويل أحفظ القانون وأخلص عمري ولو إن طريقتك تطلع الناتج دايركت عموما افتكينا من الدائرة ومشتقاتها لعل الفائدة تصل الأخرين وشكرا لك .. ولإبتكارك وحللني لاتنسى دمت بكل خير : :

الاخت وفااا .. الله يحلّك ويبيحك ويستر عليك ..

ولو اني ماعرفت على وشو احللك الا بعد ماقريت مشاركتك مره ثانية واستوقفتني عبارتك ( طريقة جديدة للترقيم ) وقعدت اضحك خاصة يوم اكتشفت ان الرقم الصغينووون اللي ورد بموضوعي يشبه ارقام الجوالات ، لكن يعلم الله اني مثل ماضحكني استنتاجك حسّني بخاطري خوفا لا تفسر عبارتك بقصد او بغير قصد الى شيء آخر ، ( فرب كلمة قالت لصاحبها دعني ) .. فتمنيت لو انك استغفرتي ربك بينك وبين نفسك ولا تطلبين مني احللك وابيحك على الهوا ..

ماعلينا ..

ندخل بصلب موضوعنا ، خلونا نعرف وش هالرقم الصغينوووون ( 0.0595238095 ) اللي يشبه رقم الجوال هالرقم هو مساحة نسبية لدرجة واحدة من 360 درجة ، ولو ضربنا هالرقم الصغير في 360 درجة يطلع معنا الرقم النسبي اللي هو سر شغلنا 21.43 % وهالرقم يشكل فرق المساحة مابين مساحة الدائرة ومساحة مربع القطر ..

والنقطة الثانية انت قلت ان رقمي النسبي طويل وصعب الحفظ وان اسهل لك تحفظين القانون ( ط نق2 ) وتخلصين ..

القانون يا اخت وفااا لو نبي نطلع قيمة ( ط 22 ÷ 7 ) يطلع رقمه ايضا طويل ( 3.14285714258 ) لكنهم اختزلوه الى رقمين عشرية وصار ( 3.14 ) وانا ممكن اختزل رقمي النسبي الى رقمين عشرية ( 21.43 % ) ماهنا فرق ..

فالمقصد مثل ما قلت انت سرعة الخطوات في ايجاد مساحة الدائرة ( بطريقتي خطوتين ) و ( بالطريقة ط نق2 اربع خطوات ) ..

ويعطيك الصحة والعافية ويحفظك ربي ..

ولك مني كل الشكر والتقدير

[Ŝђǿǿq Ťąbσύĸ]

رمــحــيــن

مــاشــاء اللــــه عـلـيـك

الـمـفـروض تـتـسـجـل الـطـريـقـه بـإسـمـك

وطـريــقــة شـرحـك واضــحــه ووافــيـــه مــاشــاء اللـــه

يـعـطـيك الـعـافـيه

[رمحين]

المشاركة الأصلية كتبت بواسطة شوق تبوك رمــحــيــن مــاشــاء اللــــه عـلـيـك الـمـفـروض تـتـسـجـل الـطـريـقـه بـإسـمـك وطـريــقــة شـرحـك واضــحــه ووافــيـــه مــاشــاء اللـــه يـعـطـيك الـعـافـيه

كلك وفا يشوق تبوك .. الله يجبر بخاطرك ..

لو تدرين شكثر ماعانيت من الجاحدين ماتصدقين واقربها امس !!

وانا طال عمرك لا ابحث عن انجاز او مجد شخصي ، وقلتها ببداية موضوعي اللي يبي يلطشها حلال على قلبه ، اهم شيء تاصل للمستفيد ، وهي مستعملة بصورة محدودة ببعض مدارس مكة المكرمة وجدة ( اجتهادات فردية من بعض المدرسين اللي تداخلوا معي بموضوعي باحد المنتديات قبل اربع سنين ) ..

ويعطيك الصحة والعافية ويحفظك ربي ..

ولك مني كل الشكر والتقدير


وجزاك الله خير

[N a N a]

الموضوع قيم جدا

بس استغرب شي

والغريب أكثر محد لاحظ هالامر

ههههههههههههههههه

الموضوع ليه حاطينه بمنتدى الشعر العامي والفصيح ؟؟

وش الرابط بين الموضوع وبين قسم الشعر ؟؟

او عشان فيه فصاحة ؟؟


جايز


ههههههههههههههههههههه


صدق من قال ... المعنى في بطن الشاعر

ههههههههههههههههه

[strange]

يعطيك العافية

المفروض الطريقة تسمى طريقة أبو رمح

بارك الله فيك

[روعة مشاعر]

يعطيك العااافيه