[وفااا]

.

.
.

ياطيـر مالـك والمسابيـق واللـوح

واللي الـى منـك تنكـرت صاحـي

رف الجناح وبعد الشـوف والشـوح

وحوم على العارض عزيزالضواحـي

وسلم على الجراح بلسـان مجـروح

وقلـه تـراه مـن الخطيـه مباحـي

وقله ترى صبره من الوجد مشحـوح

عود تراه ان طـول الهجـر راحـي

وقله رقيـت بـراس رجـمٍ بلحلـوح

‌ولقيت رجمـي والطمـان متواحـي

وقله مهيضني على السـدره النـوح

مـن راعبـيٍ فـي خوافيـه باحـي

وعطه الحروف ويكفي الحرف للبوح

عسـاه الـى منـه قـراه استراحـي

فيه الغرام ودمـع الأعيـان مسفـوح

ادله والـى منـي تذكـرت ساحـي

كله عليك ومنك ما صـار بالـروح

انت السبب فـي نازفـات الجراحـي

اول كلامك عـذب الانغـام مملـوح

بعجابك اللي مـن جميـع النواحـي

وآخر كلامك سـر الايـام مشـروح

اجتاحني بيـن الضلـوع اجتياحـي

وملكتنـي ملـك المماليـك بمـزوح

لين سـد المنـع بيديـك طاحـي

وصديت كن الود والعـرف مذبـوح

وخليتنـي كـنـي كسيرالجنـاحـي

مالك ورى قطع المعاليـق مصلـوح

ولالك ورى تعذيب روحي صلاحـي

وخلاصة الموضوع والقلـب مفتـوح

وفـي داخليـه للـمـوده مـراحـي

ان جيت صوتي من مناداك مبحـوح

وان رحت فالدنيـا وسيعـة مناحـي

وسرك ترى لو جرت ماهوب مفضوح

مانيب مـن عقـب المـوده يلاحـي

ومسموح منت بـ أول الناس مسمـوح

كـم واحـدٍ قفـا بلـيـا سمـاحـــــي

وكم من غرامٍ يدخل القلـب ويـروح

ايـام ويجيلـه مـن الغـدر ماحـــــي
.
.
عـلى ذمـة قـوقـل
للـشاعـر / صالـح السبيــل

دمتــم بخيــر
.
.

[عبدالرحمن الحربي]

وفااا


كعادتك


الروعة وفي الإنتقاء والتميز

[وفااا]

المشاركة الأصلية كتبت بواسطة عبدالرحمن الحربي وفااا كعادتك الروعة وفي الإنتقاء والتميز

.
.
الـروعــه تـواصــلكم يـا أبورنــا

شكــرا لــك
.
.

[محمدالعاصمي]

جميل جداا . الله يعطيكِ العافيه .


وشكراااالكِ

[وفااا]

المشاركة الأصلية كتبت بواسطة محمدالعاصمي جميل جداا . الله يعطيكِ العافيه . وشكراااالكِ

.
.
اللــه يعــافيــك اخــوي مـحمــد

شــاكـرة مرورك
.
.

[مها]

وقلـه تـراه مـن الخطيـه مباحـي

قصيده راااائعه صح لسااان الشاعر وسلمت يد الناااقل ...

[وفااا]

المشاركة الأصلية كتبت بواسطة مها وقلـه تـراه مـن الخطيـه مباحـي قصيده راااائعه صح لسااان الشاعر وسلمت يد الناااقل ...

.
.
ياهلا مهــا

اللــه يسلمــك وشكــرا لمــرورك
.
.

[صانعة في الحياة]

ومسموح منت بـ أول الناس مسمـوح

لا والله مو مسموح :(

شكرا وفااا على القصيدة بارك الله فيك

[وفااا]

المشاركة الأصلية كتبت بواسطة صانعة في الحياة ومسموح منت بـ أول الناس مسمـوح لا والله مو مسموح :( شكرا وفااا على القصيدة بارك الله فيك

.
.
العــفوووو يالغـاليــه

اللـــه لا يخلينــي من هالطــله
.
.

[نبض الحرف]

مالك ورى قطع المعاليـق مصلـوح

ولالك ورى تعذيب روحي صلاحـي