[روضـة]

[msg]ما شاء الله تبارك الرحمن[/msg]
السلام عليكم ورخمة الله وبركاته

اليوم كان عندنا ضيوف وشدة إنتباهي براءة هالطفله وعفويتها ولاحظت ان وجها فوتوجرافي فأغرتني قصدي أغرت عدستي ,
فقلت لها تعالي معاي فوق ما قبلت فاغريتها بالكافي وقلت لها عندي كافي وحلويات فوق فوافقت وصورتها كم صورة وها إللي طلع معاي .
هذي أول مشاركه لي بالبورتوريه والصورة فريش ..

أحب اسمع نقدكم وملاحظاتكم














على فكرة هذي الطفله وغده بالمعنى عندنا ما تضحق وساكته مع الغرب وبالزور سلمت علي
وهي من الأقارب وستأذنت من أمها إني أحط صورها على الويب سايت فوافقت.

اتمنى هالبورتريه ينال على إعجابكم

[زايرة]

المشاركة الأصلية كتبت بواسطة روضـة على فكرة هذي الطفله وغده

يحليـــــــــــــــــلها...الله يخليها لهلها...

كل هذي البراءة..وتقولين عنها وغده !!!

قلتيلها تعالي...وماصدقت المسكينة جات...ماتدري بالفخ اللي ناصبته لها يا روضه...

قولي لأمها عندي لها معرس ، مخلص KG1 وجاهز من مجاميعه...

[الحسنى]

ما شاء الله تبارك الله
تصويرك جميل أنت مبدعة يا روضـة

[حفيد الاسود]

ماشاء الله لاقوة الابالله

عسى بس اعطيتيها الهديه

[آزاده]

ماشاء الله تبارك الله احسن الخالقين,ربي يحفظها .
لقطات عفوية وموفقة يا روضة , ووفقتِ في اختيار السيبيا اكثر من الاخيرة الابيض والاسود.
تصوير الاطفال صعب ويحتاج الى صبر ومساير..
بس اتصدقين واضح انها ماعطتك وجه
عموما كل صورة اشوف شي يميزها عن البقية.

الأولى/ الاضائة افضل من البقية , الزاوية ممتازة , التعابير ياحليلها طفولية , ولمعان الشعر اعطى الصورة لمسة فنية رائعة .
تمنيت لو تركتي فراغ اكثر على اليسار وقصصتي اللي على اليمين اكثر .

الثانية / تمنيت لو المحروسة تنظر للكاميرا لأن تعابيرها تلقائية ,و كنتِ انت اعلى بشوي بنفس مستوى الطفلة .

الثالثة/ اعجبتني الزاوية ونظرتها الجانبية الجميلة وكأنها متأهبة لفعل شيء ما

وكثري من الضيوف ياروضة
ننتظر منك المزيد والمزيد ..
تقديري

[الزاهرة]

ماشاء الله لاقوة إلا بالله

الله يحفظها لأهلها يارب

تفرجنا على البنت ياروضة ونسينا تصويرك :)



ماشاء الله عليك الزاوية الثالثة جميـــلة جداً

الله يحفظها يااارب

[غفا]

روضه
الصور عفويه وبريئه جدا...ليس فيها اصطناع أو تكلف.....ماشاء الله على البنوته

لكن من عيونها واضح إنها تنتظر الحلاو...( أغريتيها بما فيه الكفايه روضه)....كأنها جلسة تحقيق (تبين الحلاو خلك عاقله)

الله يخليها ويحفظها لأهلها ...وشكرااا لك روضه وبالتوفيق إن شاء الله.

[روضـة]

زيزي سفاري

اهلاً بالسكرة..

المشاركة الأصلية كتبت بواسطة زايرة قولي لأمها عندي لها معرس ، مخلص KG1 وجاهز من مجاميعه...

يا حظا لقتلها عريس من الحين والبنات هالأيام مب لاقين
بس عاد نبا نعرف مواصفات المعرس من أي روضه متخرج , راضع حليب طبيعي ولا قواطي.. وشو من الرسوم يتابع ومن قدوته جريندايزر , جونكر ولابيكاتشو خو حنا من عق بناتنا جذا..

.
.

حصانه

باين إنج تحبين الأطفال والدليل الصورتين إللي حاطتنهم ما شاء الله عليهن الله يحفظهم
شكراً لإعجابك.
تألقتي بحضورج بارك الله فيك

.
.

أخوي حفيد الأسود

عيل كيف ما أعطيها إلاعطيتها وفلت على طول

شاكره لك مرورك بارك الله فيك خويه

.
.

الزاهرة
هذا إللي كنت متوقعته إنجذابكم للصغيرونه ونسيانكم تصويري
الله يحفظ البنت لهلها ويخليكم لأهلكم
لاحرمنا الله رقة وجودج

.
.

تجلينا إنتي حللتي الصور وهذا إللي أنا اريده
نسيت أذكر إعدادت اللقطات
CANON EOS 400D النوع SLR

Canon Lens EFS 18_55mm

الوضعيه TV , خاصية MONOCHROME

الشتر 5/1,فتحة العدسه 6,3 , الإيزو 400 , الإضاءه الفلاش

تمنيت لو تركتي فراغ اكثر على اليسار وقصصتي اللي على اليمين اكثر .

تعرفي إنه فعلن كانت توجد مساحه على اليسارفاضيه فقصصتها حسيت إنها ما لها داعي

تمنيت لو المحروسة تنظر للكاميرا لأن تعابيرها تلقائية ,و كنتِ انت اعلى بشوي بنفس مستوى الطفلة .

ما كنت ابغيها تنظرلي وتحس بتصويري لها كنت اريد الصور عفويه والحمدلله إنها ما كانت منتبهتلي عينها على الحلاوه إللي بيد إختي لكنها كانت كثيرة الحركه وكل الصور طلعت مهزوزه..

صدق انه تصوير الأطفال متعه ولكن يباله صبر

وكثري من الضيوف ياروضة

ولا يهمج الضيفة اليايه بنت أخوي وهذي عاد حبيبت عمتها.

تجلي كنت اتوقع أنج بتلاحظين أن الصور مهزوزه ..فاتتج هذي..

سررت يالغاليه بملاحظاتج وتعقيبج..

.
.
كنم فيفي كنم

خخخخخ لحن هندي..محد قالج تغلطي ما تعرفين إن فيه ناس شغلتهم تصيد الزلات..

[QUOTE=غفا
لكن من عيونها واضح إنها تنتظر الحلاو...( أغريتيها بما فيه الكفايه روضه)....كأنها جلسة تحقيق (تبين الحلاو خلك عاقله)

.[/QUOTE]

ههههههههه

تعرفي إني قلت لإختي انها ما تعطيها الحلاوه إلا بعد ماأ صورها والمسكينه كانت عينها على الحلاوه ولما شافت إنه طال إنتظارها قالت وهي معصبه هاتي حلاوه..!! خخخ فقلت لأختي خلاص عطيها وأول ما عطتها إختفت .
المهم خذت إلي أبيه منها وهي خذت إللي تبيه..سلم فستلم
فيفي كنم شرفني تواجدك ..

[أوراق]

ماشاء الله عليها وتبارك الرحمن الله يحفظها يارب


صج انج توأم أفكاري والله لو اقولج اش صار اول امس

جا خالي وعنده بنوته حلوه ربي يحفظها

المهم واسحبها فوق واقولها عندي جوكليت وحلاوه واغرقها بس علشان اصورها وهي مب راضيه اصورها والله لا يرويج الصور هههههههههه

لانها مب راضيه اخوانها معلمينها.. لا تخلين احد يصورج بينشرون اصورج ههههههههه بلوتوث هههه

ومسويه الاخت عمرها كبيره

على فكره هي لها سنتين بس

يختي ضحكتنييييي .. بس عجبتني ...




طبعا صورتها بس مب ذاك الزود.. بس ما اقدر انشرها لانها مب راضيه


وبصراحة احترم رايها ههههه


فديت اليهااااااااال اانااااااا

[زايرة]

المشاركة الأصلية كتبت بواسطة روضـة يا حظا لقتلها عريس من الحين والبنات هالأيام مب لاقين بس عاد نبا نعرف مواصفات المعرس من أي روضه متخرج , راضع حليب طبيعي ولا قواطي.. وشو من الرسوم يتابع ومن قدوته جريندايزر , جونكر ولابيكاتشو خو حنا من عق بناتنا جذا..

روضه المعرس اللي كلمتك عنه...
مره اشتريت له كلب (الله يعزك) ، وكان فرحااااااااان فيه ...
المهم ، جاني وقال : أبي أزوجه ، اشتري لي بعد كلبة انزين !!!! ...
ههههههههههههههه