[ابو الدانه]

السلام عليكم ورحمة الله وبركاته

يجماعه بنتي عمرها 3 ونص يوميا بالليل تبكي من الساعه 2 الى 3 فجرا واهيا نايمه اقعدها وتشوفني وتبكي ولما توصل الساعه 3 فجرا تتنفس نفس عميق وترد تنام عادي


هي تمارس خياتها بشكل طبيعي ومرخه وحبوبه بس بالليل تبكي

رحت للمطوع قرا عليها وقال ادهنا بزيت وشربها وسبحها من الماى ولا فاد


يجماعه ابي حل وجزاكم الله كل خير

[رفيعة الشان]

أخوي أبو الدانة أنا بعد عانيت من هالمشكلة بنتي كانت طول الليل تبكي لمدة ثلاث شهور
وبعدين صارت كل مالها تخف شوي.. يعني عادي مافيها شي!!!
وبعدين أنا أتوقّع إنها ماتحتاج مطاوعة لأن لو فيها شي كان فادها علاج المطوع اللي تقول..
حاول تراقبها أثناء اليوم وهي تلعب أو تاكل أو أي وقت يمكن فيه أحد يخوّفها سواء يقصد أو لا..
لأن الأطفال مايشوفون الأشياء اللي تخوّفهم ولا يتذكرونها إلا إذا ناموا..
والله يعينــــــــــــك!!!

[ابو الدانه]

فيعة الشان


بارك الله فيك وعلي مرورك الكريم

والله يا اختي هذى حالتها من اكثر من 6 شهور وغيرنا مكان نومها وحتي في بيت ثاني نفس المشكله البكاء يوميا من الساعه 2 الى 3 فجرا ثم تنام عادي

وبالنسبه لمراقبتها والله راقبتها فالبنت طبيعيه لابعد حدي ومرحه وحبوبه والكل يحبها ولله الحمد

ولا احد يخوفها ولا شي بس المشكله البكاء يوميا ساعه وامس وديتها لمطوع قرا عليها وقال لازم تتابع بالقراءه عليها وامس مع البكاء قامت ترفس وتضرب رجلها بالسرير بقوه ولا تحس


والله يجماعه مادري شسوي والله اشوفها تبكي ولا اعرف شنو اسوي لها


وجزاكم الله كل خير

[وفااا]

اخوي ابو الدانه

هونها وتهون ولا تشيل هم واستمر على القراءه والدعاء>>>>> ترى دعاء الوالدين مستجاب

يمكن اسم الله عليها معيونه ..

الله يحفظها ويشفيها يارب والله حدي تضايقت ..

طمنا عليها

[ابو الدانه]

وفااااا


اشكرك علي الدعاء انا اتحملها لاخر يوم بس ماتحمل بكاءها ولا اعرف شنو السبب

وهذى حادثه صارت لها لما كان عمرها سنه كنت قاص شعرها وامشي فيها انا وامها بالعربه اللى تحمل فيها الاطفال وندخل محل للعطور والموظفه اللى تبيع بالحمل شافتها قالت لامها شنو الحليب اللى تعطينه البنت لان صحتها ناصحه (يعني متينه ) انا مااكنت ادري بالسالفه قالت امها اعطيها حليب صناعي والله ثم والله ثم والله يجماعه ثاني يوم من قعدت البنت صوب الفم كله حبوب وداخل الفم حليب والرضعه ما تشربها بالمره وقالت لى زوجتي عن الساالفه واخذ بنتي واوديها المطوع وقرا عليها وتشاففت بفضل الله عز وجل


ببس انا لى 6 شهور واكثر علي البكاء بالليل


ادعو يجماعه ان الله يشفيها وترتاح وتريحيني معها


وجزاك الله خير

[أم سارة 1438]

شفاها الله وعافاها من كل داء

[توكل و يقيين]

السلام عليكم

ابني كذلك عانيت معه من هذا الأمر قبل ان يكمل السنتين ، حدث الامر في مدة قصيرة ربما ثلاثة أو أربعة أشهر ، و لم يكن الامر يوميا بل متقطعا، كان يستيقظ بالليل و يبكي و هو نائم و دون انقطاع ، و في مرة كان خائف مني و كأنه رأى شيئا مخيفا. كنت من شدة حيرتي اضع يدي على رأسه و أقرأ الكرسي و الاخلاص و المعوذات دون انقطاع ،و الحمد لله كان يهدأ و ينام، و اختفى الامر في مدة قصيرة.

هذه تجربتي أخي أتمنى أن تفيدك مع ابنتك شافاها الله و عفاها

[عذب الندى]

احيااانا الاطفال وقت المغرب يلعبووون برى او اهلهم يضحكونهم مرررره لدرجة الكركرة
حاولو من بعد المغرب مايكون لعبها شديد
وماتشوف أفلام كرتون ضرب او تخويف واحرصوا على تحصينها
واحتواءها
حفظها الله من كل شر