[fan]

قولوا لبو متعب ترى الشعب مقهـور ** يا خـادم البيتيـن امسـك عصـاهـا

ضاعت فلوس الناس مع كـل هامـور ** ومثلك يعرف البير ويعـرف غطاهـا

من سي لاسوأ وبين عاثـر ومعثـور ** وسهمك. وهو سهمك رموه بخلاهـا !

كيف اشكي العله علـى كـل دكتـور ** والطب عندك وانـت تعـرف دواهـا

ماخافـو الله خالـق النـار والـنـور ** حتـى الأرامـل شاركوهـا بعشـاهـا

ياقلبـي اللـي فيـه نيـران وحـرور ** ضاقت علي دنيـاي وسكـر فضاهـا

سوقك بلون الـدم باسبـاب مغـرور ** يضغط علـى سابـك وكسـر يداهـا

في عشر اواخر نرجي الذنب مغفـور ** قامـوا علينـا قومـة ٍ مـا وراهــا

واعمار صارت دمهـا اليـوم منثـور ** وخاب الرجاء باعمار واللـي رجاهـا

ياما بنينـا فوقهـا ابـراج وقصـور ** وراحت سدى والسوق دحـدر معاهـا

كم شاب قال ابغى اتزوج مـن الحـور ** وافلس وبيره جف مـا شـاف ماهـا

وكم راعي أسره أصبح الصبح مفقور ** العيـد بكـره واسرتـه مـا كساهـا

وقمت اتفكر وادرس الـراي والشـور ** قلت ازبن لصقر العروبـه .. ذراهـا

بكلمه تجي من عنده اليـوم مسـرور ** والسوق يرجع عشب يـروي ظماهـا

يادرعنا لا صـار بالكـون عاصـور ** كم صرخـة ٍ للنـاس تسمـع صداهـا

يالحر .. يابن الحر.. والحر مخبور ** قاد الحـرار الشامخـه فـي سماهـا

ما يلحقك يا سيـدي شـك وقصـور ** لكـن رسالـه ياصـلـك محتـواهـا

انـك ابونـا والرجـا فيـك موفـور ** عدلـك شمـل كـل الديـار وغشاهـا

جوني يعزوني على السـوق ماجـور ** قلـت البقـا بالشيـخ يطفـي لظاهـا

ويرد لون السوق عشبـي ويخضـور ** مثـل علـم دار السعـود وصفـاهـا

خيرك عميم وشاكر النـاس مشكـور ** ومـزن الحيـا عـم البـلاد وسقاهـا

انت الرجا بعد الولـي تدفـع الجـور ** واسلم عساك تـدوم وتحمـي حماهـا


منقول وصاحبها مجهول أو انه مات مغبون

[دلوعة نجد]

يسلمواااااااا على القصيد وننتظر المزيد

[الشــاهينة الأزديــة]

الناس في عيد يا Fun وسرور
..................... المداخن بالطيب دايرة في مداها



فلجل كم مليار راحت في دبور
..................... فـ بحب الدراهم ما توقف بكاها



فـ الله يفرج على كل معسور
........................... ويحمده على لقمة قد كلاها









شكراً لك وعيدك مبارك و Fun..





..

[مها]

ماشاء الله قصيد جزل وابو متعب يستاهل

صح لسانكم وعيدكم مبارك ولا عدمناكم ....

شكرا لكم ...

مـــهـــا...

[مها]

ماشاء الله قصيد جزل وابو متعب يستاهل

صح لسانكم وعيدكم مبارك ولا عدمناكم ....

شكرا لكم ...

مـــهـــا...

[زيــــاد]

والله أظاهر أنه مات مغبون هههههههههههه

مشاركه حلوه بصراحه , واشكرك على نقل القصيده .

[fan]

دلوعة نجد
من زمرة المتقين
مها
زياد
اشكر لكم مروركم الكريم وكل عام وانتم بألف صحة وسلامة
اختي من زمرة المتقين اشكرك على القصيدة الرااااااااااااااااائعة
ماشاء الله عليك جاهزة الله يعطيك العافية