[غيوم ممطره]

السلام عليكم ورحمة الله وبركاته



نسناس الحنين


هب نسناس الحنين ومالي بصده شجاعه
ومالت اغصان المشاعرفي مطر احلام لاحت

وارتفع صوتي يلبي ياهلا سمع ٍوطاعه
للمكان اللي دعاني لوجروحي منه صاحت

في رجاشوفته تمسح وحشة اسنين القطاعه
والدموع اللي من الكفين للكوعين ساحت

كنت اظنه يحتفي بي لاوطت رجلي بقاعه
كنت اظنه صامدٍ مثلي بوجه ايام راحت

مادريت انه خلا من صوت يطربني سماعه
كل حس ٍفيه ميت غير صرخ ابواب طاحت

الحمام اقفى وش اللي جاه في غفله وراعه
مالقيت الاغصونٍ في شقاها ما استراحت

وشاعرٍ يشعل حروفه في دجى ليل اللتياعه
فاقد الليل الحزين اللحون صدره لا تلاحت

الخلا يسكن زوايا البيت من عقب الجماعه
والصدى مزمارحزنٍ به سنين الهجر ناحت

قمت اناظر واتذكر والفكر ينشر شراعه
في بحر عمر ٍ طرى به ذكريات منه فاحت

الزمان اللي جمعنا كنه امس اوقبل ساعه
والملامح في خيالي مثل ماهي ما استزاحت

كيف كان احلا مكان ٍ نرتجي حلو اجتماعه
وكيف عشنابه مشاعر باقي بروحي ما باحت

وياعذاب اليوم عين ٍ تنظر لباقي متاعه
تتبع اطيوف ٍ بقت به من بقايا ارواح راحت

هب نسناس الحنين ومالي بصده شجاعه
ليتها أغصان المشاعر ما انثنت لأوهام لاحت.

~~~~~~~~~~~~~~~~~~~~~~~~~~~
للشاعره/ روح القمراء.