[الدكتور فهد بن سعود العصيمي]

الحمدلله والصلاة والسلام على رسول الله وعلى آله وصحبه أجمعين
وبعد:

حين قرأت خطاب الابنة الكريمة خلود الخالد، وهي من هي بمكانتها، قلت:

جتني وهي تعرف ورا ها (الستارة) = حيثنها من ناس والله قريبين
يا خلود مثلك ما يحط اعتذاره = ما يحطها يخلود كود الرديين
اللي على أدنى شيء يبيع داره = يلعب ويقفز دوم من فوق حبلين
انت مثال اهل الشرف والطهارة= لك موقف معروف بالعسر واللين
البعض يا الاجواد تكفيه إشارة = من يوم تبعثها يجونك ملبين
والبعض يا الاجواد كله بثارة = لي نية وحدة ونواياه عشرين
(هنا) سواة الثوب وأنت زراره = وحنا سواة الشوف وانت كما العين
هنا ترا (موقع) يشرف جواره = ما هو سواة اللي ميسوىٰ ريالين
حنا ترانا الأصل حنا الجَدارة = ما احنا سواة اللي يجي لك بوجهين
حنا (بشارة خير) نحمل بشارة = وش جاب يا الاجواد التين للطين
أقولها للي يكزّ الشراره = بالأمس ولا اليوم من حين لا حين
ومعي ترا اللؤلؤ بوسط المحارة = هم راس مالٍ لي ودايم قريبين
من داعمين أو يعملون بمهارة = إشراف أو تعبير بالحيل ذَرْبين
حنا على وضح النقا واعتباره = وسط المواقع دوم والله مجدّين
هنا المنارة والأصل والوزارة = أهلا هلا باللي يجينا على الدين




‏‫

[مها]

صح لسانك والدنا الفاضل
والغالية خلووود تستاااهل🌹

[خلوووود الخالد]

المشاركة الأصلية كتبت بواسطة الدكتور فهد بن سعود العصيمي الحمدلله والصلاة والسلام على رسول الله وعلى آله وصحبه أجمعين وبعد: حين قرأت خطاب الابنة الكريمة خلود الخالد، وهي من هي بمكانتها، قلت: جتني وهي تعرف ورا ها (الستارة) = حيثنها من ناس والله قريبين يا خلود مثلك ما يحط اعتذاره = ما يحطها يخلود كود الرديين اللي على أدنى شيء يبيع داره = يلعب ويقفز دوم من فوق حبلين انت مثال اهل الشرف والطهارة= لك موقف معروف بالعسر واللين البعض يا الاجواد تكفيه إشارة = من يوم تبعثها يجونك ملبين والبعض يا الاجواد كله بثارة = لي نية وحدة ونواياه عشرين (هنا) سواة الثوب وأنت زراره = وحنا سواة الشوف وانت كما العين هنا ترا (موقع) يشرف جواره = ما هو سواة اللي ميسوىٰ ريالين حنا ترانا الأصل حنا الجَدارة = ما احنا سواة اللي يجي لك بوجهين حنا (بشارة خير) نحمل بشارة = وش جاب يا الاجواد التين للطين أقولها للي يكزّ الشراره = بالأمس ولا اليوم من حين لا حين ومعي ترا اللؤلؤ بوسط المحارة = هم راس مالٍ لي ودايم قريبين من داعمين أو يعملون بمهارة = إشراف أو تعبير بالحيل ذَرْبين حنا على وضح النقا واعتباره = وسط المواقع دوم والله مجدّين هنا المنارة والأصل والوزارة = أهلا هلا باللي يجينا على الدين ‏‫

بسم القدير المعتلي باقتداره
مرسل بشاراته لنا بالنبيين

أكمل لنا دين الهدى والعمارة
مستخلفين الارض ونعمر الدين

والكون بامره منتظم في مساره
محكم نظامه بالسنن والموازين

الشمس تشرق والقمر في مداره
وفي كل آية نستدل ببراهين

ومن بعد ذكره نستهل العبارة :
الطير يكفخ فالسما بالجناحين

يحوم في جو الفضا في مهارة
والجو كنه مملكة للشياهين

والحر مايشبه طيور الحبارا
والناس تفرق فالطبع والمضامين

ولكل طبع اللي يشابه قراره
مضمون كل اثنين يشكل اثنين

اجناس وطباع البشر كالمغارة
ولكل شكل اللي لشكله شبيهين

وانا بفضل الله لقيت المحارة
الدان واللولو ومن طبعهم زين

متعليه من بيت شيخ وامارة
شيخة نسب ماهي بشيخة ملايين

وما ارافق الا كاسبين الصدارة
فالطيب ولا العلم والمنهج الدين

وانا بفضل الله لقيت : المنارة
وحطت رحالي في ديار الكريمين

في دار ابو خالد وفي وسط داره
منارة العلم الممنهج على الدين

واستبشروا بي خير موقع بشارة
وانا امثلهم على العسر واللين .

والشخص يعرف منهجه فاختياره
ولي منهجي ما اختار الا الوفيين .

وما مد كفي غير لاهل الجدارة
واميز اشباهي واعرف الرديين.




‏

[مها]

المشاركة الأصلية كتبت بواسطة خلوووود الخالد متعليه من بيت شيخ وامارة شيخة نسب ماهي بشيخة ملايين

والنعم بالجواد اللي أنتي منهم👍🏻👍🏻
أبيات جميلة جداً،، صح لسانك.🌹🌹

[خلوووود الخالد]

المشاركة الأصلية كتبت بواسطة مها والنعم بالجواد اللي أنتي منهم👍🏻👍🏻 أبيات جميلة جداً،، صح لسانك.🌹🌹

والنعم فيك اختي الغالية / مها
صح بدنك . لولا جمال ذائقتك لما اكتست
ابياتي بهالة الجمال هذه .


‏

[زهووور؛؛]

صح لسانك شيخنا والدنا الفاضل وتستاهلين خلود وأهنئك على هذا التميز
من المتابعين لاشعارك المتميزه

اقول في كلماتي العابره...

الاصاله ميزه في موقع بشاره ملبين ،،،،
لأصحاب الوفاء وحروف شعرهم فخر وتقدير

[خلوووود الخالد]

المشاركة الأصلية كتبت بواسطة زهووور؛؛ صح لسانك شيخنا والدنا الفاضل وتستاهلين خلود وأهنئك على هذا التميز من المتابعين لاشعارك المتميزه اقول في كلماتي العابره... الاصاله ميزه في موقع بشاره ملبين ،،،، لأصحاب الوفاء وحروف شعرهم فخر وتقدير

حياك الله اختي زهور
حضورك هنا ربيع واخضرار . تزهرين بمشاعرك الطيبة
فيتحول المكان إلى حديقة غناء.
لي شرف متابعتك ولك مني آكاليل زهر تليق بحضورك.


‏

[زهووور؛؛]

المشاركة الأصلية كتبت بواسطة خلوووود الخالد حياك الله اختي زهور حضورك هنا ربيع واخضرار . تزهرين بمشاعرك الطيبة فيتحول المكان إلى حديقة غناء. لي شرف متابعتك ولك مني آكاليل زهر تليق بحضورك. ‏

اشكرك..عالكلمات الرائعه خلوووود
ولك مني هذه تليق بك

عذب الكلام منظم كعقد اللول
بأبيات شعر تغنى بلحن الخلوووود

تحياتي لك وبالتوفيق يارب

[مها]

صح لسان شاعرتنا القديرة خلوووود الخاااالد🌹🌹
كم تمنيت أن أجيد الشعر حتى أمدحك ببيتين😞
ولكن أكرر صح لسانك وياهلاااااابك ومرحبااانورتي موقعك💚👍🏻

[خلوووود الخالد]

المشاركة الأصلية كتبت بواسطة مها صح لسان شاعرتنا القديرة خلوووود الخاااالد🌹🌹 كم تمنيت أن أجيد الشعر حتى أمدحك ببيتين😞 ولكن أكرر صح لسانك وياهلاااااابك ومرحبااانورتي موقعك💚👍🏻

حيا الله اختي الطيبة مها 🌷
الشعور يكفي احيانا عن الشعر
ومتابعتك قصيدة أحملها كقلادة اتزين بها.

افتقدت حضورك اليومين السابقين 🌷🌷



‏