[fan]

السلام عليكم ورحمة الله وبركاته000000000
اليكم هذه القصة العجيبة000000000

شاب حاول فضح فتاة ، شوفوا شو صار فيه
سألت الدكتور وش المواقف العجيبة الي مرت عليك ..؟؟
قال قلي وش النوع الي تبيه حوادث .. امراض نفسية .. قصص ..؟ وش تبي ؟؟
قلت اعجب ما مر عليك خلال عملك بالمستشفى ..
قال الشي الي موب طبيعي ومر علي خلال 13 سنة عمل بالمستشفى هو :
انه مرة احد المرضى شاب عمره 22 سنة جا يستشيرني بخصوص شي اعتقدت بالبداية انه بسيط وعلاجه مرة سهل ..
هو انه حسب ما قالت لي الممرضة قبل ما يدخل انه فيه بقع خال بيده ويبي
يستشيره بأي طريقة يشيله ...
يوم دخل علي الشاب لاحظت انه لابس قفازات وسلم علي وهو لابسهن ويوم حاولت معه يمين شمال ابي اشوف يده وبقع الخال عيا وقال انت استشاري وبس .........
قال الدكتور لهالشاب انا ما اقدر اساعدك الا اذا شفت الحاله بعيني .. اقتنع
الشاب بصعوبة فصخ القفازات .... قال الدكتور : شفت شي عجييييب
مكتوب ببقع الخال على يده اليمين بس اسم بنت ... فلانة بنت فلان
يقول انا احسبه بالبداية مكتوب بخط يد او وشم لكن يوم دققت فيه طلع فعلا
دم جامد او مثل ما يسمونه بقع خال ....
استغربت وسألت المريض كيف جاك هالشي هل هو من الولادة ..( الدكتور يقول توقعت انه ولد غير شرعي او من هالقبيل واسم امه مكتوب على يده من يوم ولد )
لكن الشاب رفض يتكلم ... ويوم حاول معه الدكتور وقاله استنتاجه انه يمكن
( هذا اسم امه وانه ولد غير شرعي واستفزه)
عصب الشاب وبكى وقعد يقول القصة للدكتور ..
قال الشاب ودموعه تنهمر : عرفت فتاة بنفس عمري عن طريق الهاتف و صارت بينا مكالمات على مدى 8 شهور وثقت فيها البنت فيني وقالت لي اسمها كامل وتعرفنا على بعض زين ...
ويوم من الأيام طلبت منها اننا نتقابل بأحد الأسواق والبنت رفضت رفض كلي
وصرت اترجاها على مدى شهر مافيه فايدة البنت اصرت انه ما تقابله طفح فيني الكيل وهددتها اني افضح اسمها لو ما قابلتني فرفضت وقالت انه عذاب اهلها خير لها من انها تقابله ...........
وفعلت فعلتي ونشرت اسمها بين اصحابي وكتبت اسمها على احد الجدران فلانة بنت فلان ...
بعدها بأسبوع او اسبوعين ظهرت البقع على يدي وما كانت بقع .... خط عادي كأنه مكتوبه بخط اليد وانكتبت على يدي بالضبط نفس الخط الي كتبته على احد الجدران ...
وانا نادم على الي سويته وودي لو اتخلص من يدي بأي طريقة ..
الدكتور : نعم انت غلطت اليس لديك اخوات تخاف ان يفعل بهن مثل ما فعلت انت ببنت
فلان الي مكتوب اسمها على يدك ؟
ولم يستطع الشاب نطق كلمة واخذ يجهش بالبكاء ...
الدكتور يكلمني الآن : بعد كذا حولته على مختص الليزر والحروق (مدري نسيت اسم اختصاصه )
واتفقو على موعد ويوم راح الأسم الي مكتوب على يد الشاب .. ارتاح نفسياً
ونام في المستشفى على احد الأسرة بعد هالتعب النفسي
لكن يوم صحى بصباح ذاك اليوم رجع على يده الأسم مثل ما كان عليه قبل لعملية ....
وحاولنا مره ثانية وثالثة تبقى بعد العملية مثل الحروق ومن بكرا ترجع مثل ما كانت بعد العملية ...!!
قلنا له انه مافيه علاج ثاني غير المراهم وانه راح تاخذ وقت طويل الين تختفي ..( الدكتور : حنا عارفين انه مافيه فايدة من المراهم لكن ما نبي الشاب يتعب نفسياً ويجيه شي ).
وكل شهر يجي هالشاب يراجع ويقول ما فاد المرهم وانا اقول له الصبر زين ..
ونصحته بأحد المرات انه يكلم البنت الي نشر اسمها ويروح يمسح الأسم الي كتبه على الجدار ...
فعلا راح مسح الأسم الي على الجدار وكتب بداله سبحان الله وبحمده سبحان الله العظيم ... ويوم كلم البنت بعد جهد لأنه ما كانت تبي ترد عليه ... وقال لها القصة
والبنت لأنه ما وصل لأهلها قصة انه كانت تكلم فلان واسمه مكتوب على احد الجدران
وانه هالشاب مسحه وكتب بداله تسبيح وتحميد الله ..
نصحته انه يتوب ويروح لمكة ويدعي له ... ويمسح اسم البنت الي على يده بماء زمزم خلال اسبوع او الين يروح الأسم ...
وفعلا الشاب سوى الي قالته البنت وقعد بمكة بعد كل صلاة يمسح الأسم على يده بماء زمزم وخلال 10 ايام يقول الشاب للدكتور انه سبحان الله .. والله
الأسم انمسح بعد صلاة الفجر من يدي مثل ما ينمسح الحبر من اليد اذا جاه مويه ... والدكتور يكمل كلامه يقول ومن ذاك اليوم ( قاطعته انا : متى هالسالفه ؟) قال : من 4 سنوات تقريباً ..ومن ذاك اليوم وهو كل شهر يزورني مرة وقال له انه تزوج تلك الفتاة الي حاول يفضحها بعد ما هداه الله 0000
وله منها ولد وبنت
والله يهدي شباب وبنات المسلمين ........

منقـــــــــــول للعبـــــــــــــرة

[يمامة الوادي]

سبحان الله والله يهدي الجميع

[مها]

سبحان الله العظيم ما شاء الله على البنت ثبتها الله رفظت مقابلته بكل قوة وشجاعة ...

من ترك شئ لله عوضه الله بأحسن منه الحمد لله تقابلا با لحلال وفقهما الله واصلح ذريتهم يا كريم ...

جزاك الله خيرا على نقل الموضوووع للعبرة ..

اختكم في الله ...

مـــهــا...

[fan]

اشكركم عزيزاتي000

يمامة الوادي

مها

[فراشه حمراء]

سبحان الله العظيم

جـــــــــزاك الله خير

[fan]

اشكرك فراشة على مرورك العطر00000000

[البصله السوريه]

شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية .

[انفاس غيمة]

سبحان الله قصة رائعة موفقة بإذن الله ... لك مني أجمل تحية .

[جو جو~]

شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .

[همس الخفوووق]

سبحان الله الله يهدي شباب وفتيات المسلمين