[حبة المحبه]

السلام عليكم ورحمة الله وبركاته

حبيت شويه نطلع من المطبخ ونغير الحديث هو منقول بس بيه فايده اتمنى تفيدكم


مهمه جدا وانا عن نفسي ملتزمه بيها والحمد لله وهي ( الوديعه لله ) وهي اني ااقول لولادي وهما خارجين الصبح اللهم اني استودعتك اولادي يا من لا تضيع ودائعه . وانا خارجه رايحه شغلي بقول برضه اللهم اني استودعتك امي و زوجي وابنائي ونفسي وبيتي ومالي يا من لا تضيع ودائعه . ولو زوجي خارج وانا في البيت برضه بقول اللهم اني استودعتك زوجي وقلبه وعقله وبصره ودينه وجوارحه وسيارته وخواتيم اعمالنا يا من لا تضيع ودائعه جربوا تخلوها علي لسانكم وقولوها علي كل حاجه تخافو عليها لدرجة اني بقولها ومن غير ماحس بيها من كتر مانا متعوده عليها لحد ماحصل معايا 3 مواقف خلوني مش مصدقه ووقفت وفكرت وقلت اشاركم معايا في فضل الدعاء البسيط ده اللي ممكن يغير حياتنا ببركته .

اول مره زوجي كان عنده مشوار مهم في محافظه تاني جمبنا تبعد عننا ساعه كده بالسياره وقالي انه رايح الصبح هيطلع من الشغل الساعه 8 صباحا علي طول علي هناك فانا قلتله ازاي هتسافر بعد شغل متواصل 16 ساعه لانه بيروح الساعه 4 عصرا ويخلص تاني يوم الساعه 8 صباحا وبيكون مرهق وتعبان المهم انه راح لانه كان لازم يروح ومعندوش وقت تاني غير كده .
لما رجعت البيت الساعه 4 لقيته بيقولي اسكتي مش كنت هموت النهارده لقيت نفسي عملت كده
قلتله ليه ايه اللي حصل قالي والله وانا سايق العربيه حسيت اني دايخ ونعسان وبفتح عيني بالعافيه وحسيت كده ان عيني غفلت وفجاه سمعت صوت عالي فتحت عنيه لقيت عربيه نقل جايه عليه بسرعه وكأن في حاجه مسكتها ولفتها بعيد عني وكنت مش مصدق كاني بتفرج علي فلم سينما الموقف طير النوم من عيني وفضلت صاحي لحد مارجعت البيت
انا مكانش في دماغي الدعاء ولا حاجه ولا حتي زوجي يعرف عن الدعاء ده اي حاجه وقلتله الحمدلله ربنا عالم ان احنا مالناش غيره ثم انت هنا في البلد دي وحمدت ربنا الف حمد والف شكرعلي سلامته
.

الموقف التاني . انا بروح كل يوم الصبح لشغلي مع سواق اجنبي وزوجته بتروح معانا لانها معايا في نفس المكان بيودينا الساعه 7 وييجي ياخدنا الساعه 4 اليوم ده كان جايب ابنه الصغير معاه وانا بحب الاطفال جدا فبدات الاعب فيه واضحك معاه لحد ماوصلت البيت نزلت من العربيه والله يابنات ولقيت نفسي من غير ما احس بقولهم استودعكم الله الذي لاتضيع ودائعه مع انهم مش بيفهمو عربي وعمري ماقلتهلهم انا قلته بس عشان الولد كان بيبصلي جامد وانا نازله وبيضحكلي ومكنش معايا في شنطتي اي حاجه اديهالو فقلت الدعاء ده والله لا ارادي .
الساعه 6 المغرب جاني خبر ان السواق وصل مراته وابنه البيت وخرج وفي الطريق عمل حادثه وعربيته ارتفعت بيه عن الارض 3 متر ولفت بيه خمس لفات وبقت عجينه وهو في المستشفي دلوقتي انا قلت تلاقيه مات جرينا ع المستشفي الاقيه والله والله سليم معافا مكنتش مصدقه عنيا ولا وداني وهو بيحكي اللي حصل وبيقول بالحرف الواحد ( انا كنت حاسس اني راكب مرجيحه )
شكله كان خايف ومزهول وزعلان جدا علي العربيه اللي اتحطمت لانها جديده ساعتها بدات افكر في الدعاء واسال نفسي معقوله يكون للدعاء المفعول السحري ده .

المره التالته من حوالي شهر وماما موجوده عندي عملتلها زياره عشان نفسها تروح مكه والمدينه وزي مقولتلكم ان الدعاء ده اصبع عاده بقولها كل يوم اول ما اصحي من النوم تلقائي كده الاقي حاجه بتلهمني اني اقوله ورحنا مكه وعملنا عمره والحمد لله وماما اتبسطت جدا ورحنا المدينه ودخلنا مسجد رسول الله ربنا يوعدكم كلكم انشاء الله وماما قالتلي انها عايزه تتوضي قبل ماتدخل الروضه قلتلها ماشي روحي انتي وخدي بنتي معاكي وانا هقعد هنا اخلي بالي من الحاجه لاني لو سبت بنتي مع الحاجه ممكن تتاخد منها وانا هستناكم . نزلت ماما وبنتي الحمامات واتوضوا وهما طالعين ماما طالعه بالسلم الاتوماتيك لان الحمامات تحت الارض وفجأه اسمع صوت صراخ طلعت اجري لقيت ماما بتدحرج من علي السلم والله اخدت السلم من اوله لاخره علي ضهرها وراسها ووقعت بطولها والله والله يا بنات ماما قامت ولا كأن حاجه حصلت مع ان ماما عمرها 70 سنه ووزنها 110 ربنا يخليهالي ويباركلي فيها والاقيها قامت تضحك ساعتها امنت بالله وعرفت ان الدعاء ده فعلا فيه سر

وربنا يعلمنا ما ينفعنا وينفعنا بما علمنا وانا اسفه اني طولت عليكم واكيد صدعتكم بس بتمني انكم تكرروا الدعاء ده في كل حاجه تستودعوا الله ابنائكم وازواجكم واهلكم واحبايبكم ومالكم وممتلكاتكم وصحتكم وخواتيم اعمالكم
والسلام عليكم ورحمة الله وبركاته

[UmMuhammad]

وهذه قصه اخرى



رجلٌ في أيّام سيّدِنا عمرَ جاءَ ومعَه ولدٌ كأنّه هوَ ، شَبَهُهُ بأبِيهِ إلى حَدٍّ بَعِيدٍ ،
الولدُ كانَ يُشْبِهُ أباهُ شَبَهًا قَوِيًّا ،استَغْرَبَ سيّدُنا عمرُ قالَ:
ما رأيتُ غُلامًا أَشْبَهَ بأبيهِ مِن شبَهِ هذا الغُلامِ بِكَ ،قال يا أميرَ المؤمنينَ
هذا الغُلامُ له قصةٌ ،جاءنا أمرٌ للغَزوِ، وكانتْ أمُّه حَامِلا به في الحالِ الأخيرِ،
فقلتُ اللهُمّ إني أستَودِعُكَ هذا الحَمْلَ .

ثم غابَ فلمَّا رجَعَ قيلَ لهُ ماتتِ امرأَتُكَ فحَزِنَ عليها ،ثم ذات ليلةٍ كانَ يجلِسُ
مع أهلِه في البَرّيةِ،مع أبناءِ عمِّه يتحَدَّثُ، فصَارَ يرى نارًا منَ القبُورِ لأنّ الجَبانةَ
التي دُفِنَتْ فيها كانَت مكشُوفةً ،قيلَ له هذا نَراه مِنْ قَبرِ زَوجَتِكَ فحَزِنَ قال
إنها كانت صَوّامةً قوّامَةً ، أي تُكثِرُ الصّلاةَ والصّيامَ ، فذَهَبَ معَهُم فإذا بالقَبْرِ فُرجةٌ ،
الأمُّ ميّتةٌ والولَدُ يَدِبُّ حَولهَا ثم سمِعَ هَاتِفًا :

يا أيُّها المُستَودِعُ ربَّهُ خُذْ ودِيْعَتَكَ ولو استَودَعْتَهُ أُمَّهُ لحَفِظَها







شـكــ وبارك الله فيك ـــرا لك ... لك مني أجمل تحية .

[حبة المحبه]

اللهم اني استودعك اهلي واحبتي فاحفظهم بحفظك الذي لا يرام وعينك التي لا تنام وابقهم لي سالمين معافين اللهم وارزقهم رزقا حلالا لا يظمؤا من بعده ابدا يا رزاق. اللهم وباعد بيننا وبين مصائب الدنيا وكافة الامراض والاسقام كما باعدت بين المشرق و المغرب


اختى ام محمد اسعدتنى مشاركتك دمتى ومن تحبين فى رعاية الله

[غيوم ممطره]

""ودائع الله لاتضيع أبدا""

جزاك الله خيرا "حبة المحبة",,
اشكرك على هالموضوع النافع.

والشكر موصول للأخت "UmMuhammad",,على الإضافة القيمة,,
فبارك الله بكما.

[أجمل إنسانه]

طرح رائع..
نغفل كثير عن هذا الشيء
ونحن بأمس الحاجة في هذا الوقت لسلامة انفسنا واهلنا وابناؤنا وأموالنا

الله يحفظنا بحفظه الذي لايرام ويحرسنا بعينه التي لاتنام في كل وقت ومكان

حفظك الله واسعدك اختي الفاضلة

[moree3]

الله أكبر الله أكبر

[moree3]

بسم الله الرحمن الرحيم

[moree3]

ما شاء الله

[moree3]

سبحان الله و بحمده سبحان الله العظيم

[Atheeer]

جزاك الله خيراا