[غيوم ممطره]

السلام عليكم ورحمة الله وبركاته


أ - ب - ت -وأمسح بإصبعي , يالله ذي غلطه
( على لسان براءة الطفله )



أ - ب - ت - وامسح بإصبعي ،يالله ذي غلطه .!
اهااا .. توني ذكرت الثاء ,يامحلاي ( شطوره ) ،


بسيطه .. ألبس إحساسْ الفقر .. مستقبلي بسطه !!
ــــــ ( فقيره ) أكتب احلامٍ غدت بالكسر /.. مجروره !

اشيل الضيمْ .. مابينْ ( الشوارع ) .. وارجع أحطه !
ــــــ أحط الضيمْ /.. مابينْ المحاني .. وأحتسي جوره !


واردد : بسكويت ,ألعاب ,مويه ,شبس بالشطه !!
وأجمعْ ( قرشْ : قرشْ ),وأشتري,( دفتر و سبوره )


( تسولتْ الصبر ) ويمر يوميْ أحتسي غبطه !
وأبل إمنْ ( المدامع ) خد صاير ( للظما ) صورة

لعقت الـ ( آه ) وأتمنى أذوق بإصبعي ( قشطه )
ــــــ زمنْ هز الأملْ وإتزحزحت ( جدرآنه و سوره )

عليمْ آلله ماغير ( الشقى ) مركونْ في ( شنطه )
ــــــ يرتبنيْ معه .... وإبلا هدف ( وأسباب مذكوره )


كتبني الوقت في آخر سطور الأغنيا / ( 0 ) نقطه !
مسحنيْ الحظ ..من ( لستة ) ضيوفه وأبدع بدوره .



راقت لي.

[فتنة غيم]

موفق بإذن الله ... لك مني أجمل تحية .

[عبد الله الصالح ,,]

عليمْ آلله ماغير ( الشقى ) مركونْ في ( شنطه )
ــــــ يرتبنيْ معه .... وإبلا هدف ( وأسباب مذكوره )
كتبني الوقت في آخر سطور الأغنيا / ( 0 ) نقطه !
مسحنيْ الحظ ..من ( لستة ) ضيوفه وأبدع بدوره .

تعبير صادق عن واقع حاله ..

سلمتِ أختي / غيوم ممطره ..