[غرآبيل ~7]

ابشر حضرتك شفني برى جرحي وانا قايم ..
نسيت اللي مضى منه سنه مرت ولا جيته ..

تعبت اقسى على نفسي وهذا شامت ولايم ..
طبول الناس فادتني وكل الهم داويته ..

الامن طحت ماقالو علامه بالعنا عايم ..
والامن قمت هلو بك عزيز وذايعَّ صيته ..

اخيرا فاق لي حظي تبسم حظي النايم ..
صحى عقب البطا يفرك عيونه ثم ضميته ..

الا ليت الزمن يمشي على مانشتهي دايم ..
او انه يقصر اشباره يهني من تمنيته ..

غريب وشايل الدنيا وجوَّه للأسف غايم ..
حزين ولا درى باللي يعانق حرفه وبيته ..

اشوفه في عيوني شيء لاعاشق ولا هايم ..
اخيله وارتجي وصله , ولو ماكنت حييته ..

اكابر بالجفى واقفي وانا حول الحمى حايم ..
شغوف بشوفة حروفه . ولو ماكنت لبيته ..

ابنشد حضرته , اللي عن دروب الهوى صايم ..
هل الاشواق تبطل صوم , تسلل سر واخفيته !؟ ..





قلمي لمن اختلس اشواقي

[((( روعة الايمان )))]

صح لسانك وعلا شانك
ابدااااع راقي
موفق بإذن الله ... لك مني أجمل تحية .

[غرآبيل ~7]

صح بدنك اشكر مرورك العطر

بالتوفيق

[جمانة الرشيدي]

صح لسان شاعر

وعاشت الايادي على النقل المميز

[غرآبيل ~7]

حياك الله ياجمانه عاشت أيامك اختي

أذا نقلت قصيدة اكتب اسم شاعرها* أشكر مرورك

[luluh90]

الله يعطيك العافيه

[غيوم ممطره]

آنتقاء رآئع ومفعم بآلجمال وآلرقي..

شكرا لك.

[أمينة أمين]

شـكــ وبارك الله فيك ـــرا لك ... لك مني أجمل تحية .

[أمينة أمين]

شـكــ وبارك الله فيك ـــرا لك ... لك مني أجمل تحية .