[قصيميه]

السلام عليكم ..
ياربي وش اسوي ؟؟؟ من جد انا زعلانة من حطيت الحلم حقي محد رد علي ويوم ردت علي الاخت المشرفه قالت غير مستوفي الشروط وانا ما اقدر احط اسمي واسم العائلة على العام انتم عارفين انة صعبه جدا من جد انا حزينة حتى رفع الموضوع ممنوع واذا علقت على نفس الموضوع محد يرد علي تكفووووووووووووووووووووووووووووون تكفوووووووووووووووووون ابي تفسير لكل الحلمين الي محطوطين على المنتداء من جد شااغليني واحد فسرة لي الفاتح ربي يجزه الجنة وولدية بس الشيخ فهد الله يحفظة قال اذا المعبر عرف ظروف زيادة للرائي يكون التفسر غير وانا حطيت ظروفي بس ما لقيت رد ومن صبح الاربعاء وانا احط الثاني للحين ما فيهه رد ابي رد ابي رد ابي رد ...
قدرو اني حرمة واني عجلة ولا احب الانتظار لاني انتظرت بمى يكفي لاني من زمان وانا ابي افسر احلامي بس ويوم لقيت المنتداء طرت من الفرحة .. عاد انتم يالمعبرين لالالا تحرموني من عطفكم وعلمكم والله اني احس استحي لما اطلب ان الشيخ فهد بنفسة يعبر لي ودي بس ارجع واقول الكل فيه خير وبركة ولا اقدر اطلب هذا الطلب لان اعرف ان فيه رؤائ اهم من احلامي ورحم الله امراًعرف قدر نفسه .. طولت عليكم صح ؟؟
العذر والسموحه.
ااقولا: ترى تكفى تهز الرجاجيل<<<< جدعت الكرة في مرمااهم
ـــــــــــــــــــــــــــــــــــــــــ

[رفيعــة الشــأن]

ياحبيلك ياقصيميه ههههههههههه حلوه جدعت الكوره في مرماهم

لايضيق صدرك ولا شيء ياوخيتي وان شاء الله بيفسرونها لك عاجلا غير اجل حبيبين هم وبيرحمونك
بس انتي تهبطي ولا تصيريت عجله
ترى العجله مهيب زينه يصير فيها حوادث الله يستر ههههههه

وبعدين هم مايطلبون اسم العائله

المطلوب هو
اسم اللي في الحلم فقط الاسم الاول
وعمرك
وهل انتي متزوجه ولا لا
وهل تعملين ام ربة بيت
ومتى وقت الرؤيا

هذا والله اعلم

وحياك الله معنا يااحلى قصيميه في الدنيااا

[رفيعــة الشــأن]

وعليكم السلام ورحمه الله وبركاااته

معليش نسيت ارد عليك السلام

[قصيميه]

هلا وغلا برفيعه الشان الله مير يرفعك الا اعلى شان قولي يارب ..
يااقلبي تري مااا احب اخالف القوانين بس مع العجلة وحب الشفايه والي اشوفه بالليل اخترق القوانين والنظمة .. بعدين تري ما اشارك اخاف على نكي لا يخرب ولا شعري يصير شمس الشموسة اجي ولا اشارك ابد بس اطلطل بخشش الموضيع وادربي رويسي غديني افسر احلامي بنفسي ..
معليش تري ما انقش احب الهذر والسوالف اخر الليول ..واول القواايل <<<<< يااذي يااذيك وشكلها ما تعرف النوم والهجدة ... احم كح

[رفيعــة الشــأن]

بسم الله الرحمن الرحيم
عاد اخر الليول واول القوايل
وش ناويه عليه انتي شكل فيك من ربع نوراي ههههههههههه

اقري سوره البقره كل يوم
وحلوه شمس الشموسه هههههههههههههههههههههههه الله ياخذ شيطانك

وتلقينك لافسرتي لنفسك الحلم يصير بجهه والتفسير بجهه ثانيه

اتبعي المثل اللي يقول
خلي الخبز لخبازه ههههه

[نوراي]

المشاركة الأصلية كتبت بواسطة رفيعــة الشــأن وش ناويه عليه انتي شكل فيك من ربع نوراي ههههههههههه

واللي .. والله العظيم محاربتهم وما اعرفهم لا من بعيد ولا من قريب..لاتصدقونها ..

رفوعه لا تخرعين البُنية ..


يا ناس رفوعة خذت الراية من بعدي ..ومتقاسمتها مع ثمر الرياض ..

[قصيميه]

لالا تروحين تكفين ابي اسولف معك

[رفيعــة الشــأن]

المشاركة الأصلية كتبت بواسطة قصيميه لالا تروحين تكفين ابي اسولف معك

ياحبيلك ماشفت تكفين ولا كان جالسه معليش يالغاليه
مرره كنت منتهي فيني النوم

يالله خيرها بغيرها بس انا حبيت ابعد الحزن اللي دخل قلبك
يوم شفته بدا يروح طلعت

[ورد الريـاض]

هلا وغلا بالقصمان كلهم لافرق الله شملهم ههه

شوفي حبيبتي هالرابط ومادام انك راعيه سوالف عازمتك على مواضيع الترفيهي حياك هونيك

http://www.22522.com/vb/showthread.php?t=34919

[مها]

حياك الله اختي قصيميه . الله ييسر امرك ويعبر لك رؤآك بأذن الله ...

اختك في الله ...

مـــهـــا...