[هدى وهداية]

الله يومك صغير لو تذكرها
كنت أصغر عيالها وأكبر امانيها


كنك مرايه لها لو ماتناظرها
ماكحلت عينها ولا حنت إيديها


مرت عليها ليالي ماتصورها
لو قلت ماقلت ماصورت ماضيها


واتحملت من همومك في خواطرها
من وين مارحت او ماجيت ماليها


من أول الخطوة اللي في تعثرها
حتى آخر الخطوة اللي تو ماشيها


تسقيك منها وتلعب في ضفايرها
ايدين تروى عروقك من سواقيها


وان نامت الليل صحت لك ضمايرها
تخاف تحتاجها والا تناديها


كم لعبت قد شرتها وانت تكسرها
ومرة ثانيه ترجع وتشريها


تقدر على كل شيء بس خاطرها
مايحتمل دمعة في عين غاليها


ما تذكر دروسك اللي ماتذاكرها
وخوفها وانت وسط البيت ترميها


بشرتها بالنجاح وهل ناظرها
يادمعة للفرح سيلي وضميها


كم ليلة غبتها وابطيت ساهرها
نامت وقامت وخافت من تواليها


تجلس ورى الباب وتقلب ستايرها
وتذوي مثل شمعة بالبيت ناسيها


تذوب واجفف الدمعه على اخرها
ياخوفي انك على هالحال تنهيها


ماهي بحمل السهر حتى تسهرها
اليوم شابت وحق انك تراعيها


ماهو بحق عقب هالعمر تنهرها
لا اطير عنها وريشك حطت ايديها


وليا تزوجت خذ بنت تقدرها
تبر فيها مثل برك وتغليها


حتى لو الزوجة أخطت دون خاطرها
وسوت لها حاجة ماهي بترضيها


قل يامره هذي امي في خواطرها
شيء ولا ودها تقول وماليها


ولا يزعلني الا اللي مزعلها
ولا يعنيني الا اللي معنيها


وشلون ابصبر على اللي مايقدرها
الله لايخلي ترابي من مواطيها


نصيحة قلتها للي تذكرها
الوالدة كلمة صعب معانيها


ياللي عيونك على الجنه تناظرها
طلبك غالي ولكن تحت رجليها



م/ن

[نساااايم]

رااااائعة



يعطيك العافية

[غيوم ممطره]

نصيحة قلتها للي تذكرها
الوالدة كلمة صعب معانيها


ياللي عيونك على الجنه تناظرها
طلبك غالي ولكن تحت رجليها

قصيدة نالت الإعجاب برقي هذا الطرح,,
ذائقتك مميزة.

[هدى وهداية]

الف شكر لمروركم اسعدكم ربي

[همس الوعد]

مهما بذلنا العطاء والبر لامهاتنا فلا نوفيهم حقهم
اللهم احفظ امهاتنا ووالدينا وارزقنابرهم ياحي ياقيوم
اشكرررررك اختي من كل قلبي

[هدى وهداية]

اللهم آمين
شكرا لمرورك ربي يسعدك

[العبير الطائفي]

شـكــ وبارك الله فيك ـــرا لك ... لك مني أجمل تحية .

[هدى وهداية]

الف شكر لمرورك

[ضــوء القمر]

جزآك الله خيراً

[سارونه السوسو]

سبحان الله وبحمده سبحان الله العظيم