[عبدالرحمن الحربي]

يابنت أرجوك أنا مأقدر كفانـي ماضـي الغلطـات
أخـاف الله يعذبنـي وأنــا خــواف يابنـيـه

واخـاف ابساعـه اللـذه يجينـا هـادم اللـذات
ويأخذ من حشـى جوفـي بقايـا روحـي الحيـه

أنا ليّه ثمان اسنين وأنا مدمـن علـى الشهـوات
ديـار الفسـق حاستهـا مواطـي تحـت رجليـه

عيوني من كبـر همـي تخلـط الـدم والعبـرات
مِسيل الدمـع مـن عينـي حفـر بالخـد ماريـه

صحيح إنك جميله بس تبنا مـن هـوى الزينـات
تركنا الحـب غصـب وطـوع للعيـن الشقاويـه

يابنت أنتي على بالك أبأخـذ مـن بنـات الشـات
أجل مجنـون أنـا يابنـت أشيـل العقـل بيديّـه

ترى أكبر شيء يربطني مِعك **** ابـو شاشـات
وهاتـف ينقـل أشواقـي علـى نبـرات سلكيـه

وترى كل العلوم اللـي عطيتـك بالهـوى كذبـات
وحتـى دمعتـي يـوم الفـراق الصعـب كذبيـه

هـذاك اليـوم ماهلـت عيونـي لجلـك الدمعـات
لأن الدمـع ماينثـر بقـصـه حــب وهمـيـه

أنا أضحك مِعك واضحك منك وعليك أكثّر الضحكات
كأنـي بالهـوى جـنـي يعـبـي راس جنـيـه

وأنا ماني بخكري يلبـس القمصـان والشرتـات
ويفـرح قلبـه المسكيـن إذا حــب الدوينّـيـه

أنا مـن لابـةٍ أروت ضمايـا سيوفهـا الغـزوات
خلاياجسمـنـا عـاشـت عـلـى دم القبيلـيـه

ودهنتي شعرك الاسـود بألـوانٍ مـن الصبغـات
وعيـت تقبـل الصبغـه ملامـحـك الخليجـيـه

وحشرتي ردفـك المسكيـن بالبنطـال والجنـزات
خلاقـيـنٍ تصنّعـهـا مـزاجـات اليـهـوديـه

عشاني ميتٍ فـي ثغـرك الأحمـر أبـو لمعـات
تحسبينـي أبرضـخ لـك لأن إشفـاك ورديــه

ورب الكون مأرضى فيك لو إنك شيخـة الحلـوات
وإذا صمـل علـيّ العلـم أكـب ارض السعوديـه

يابنت الناس عزك فـي سـوادٍ يستـر العـورات
وعزي في شماغ أحمر وثـوب أبيـض وطاقيـه

سعودييـن نفخـر فـي عبـايـات السعـوديـات
نغـض الطـرف إجـلالً إذا شفنـا السعـوديـه

وخليجييـن نفخـر فـي عبـايـات الخليجـيـات
نغـض الطـرف إجـلالً إذا شفـنـا الخليجـيـه

الشاعر / عبد الرحمن العوفي الحربي

منقووووووووووووووول

ليست لي فقط تشابه أسماء

[ورد الريـاض]

ابيات حلوه ونقل احلى

تشكرااااات عبدالرحمن الله يعطيك العافيه

[عبدالرحمن الحربي]

شكرأ أختي قمر الرياض

على مرورك الرائع

[الابتسام]

بسم الله الرحمن الرحيم

كلمات رائعة وراقية، تحمل الكثير من العظة والتأمل، بارك الله فيك أخي الفاضل لهذا النقل المتميز.

[عبدالرحمن الحربي]

الأروع مرورك أختي الابتسام

[شافي الشكري]

يابنت أرجوك أنا مأقدر كفانـي ماضـي الغلطـات
أخـاف الله يعذبنـي وأنــا خــواف يابنـيـه

واخـاف ابساعـه اللـذه يجينـا هـادم اللـذات
ويأخذ من حشـى جوفـي بقايـا روحـي الحيـه
ــــــــــــــــــ

[move=left]قصيدة رائعة أخي عبدالرحمن
بارك الله فيك على نقلك الرائع[/move]

[عبدالرحمن الحربي]

شافي الشكري

بارك الله فيك

[صانعة في الحياة]

يابنت الناس عزك فـي سـوادٍ يستـر العـورات
وعزي في شماغ أحمر وثـوب أبيـض وطاقيـه

سعودييـن نفخـر فـي عبـايـات السعـوديـات
نغـض الطـرف إجـلالً إذا شفنـا السعـوديـه


صح لسانك ولسن قايلها ..

جدا رائعة بارك الله فيك

شاكرين لك نقلك الرائع

[الطامحة إلي الفردوس]

صححححححح لسااااااااااااااااانك

[عبدالرحمن الحربي]

صانعة في الحياة
طامحة الى الفردوس


شكرا لمروركم الرائع