[حامد نوار]

بسم الله الرحمن الرحيم
السلام عليكم ورحمة الله وبركاته



اخذت من وقتي دروس وتجاريب
.......... واصبحت افكر بالليال وغثاها

ولقيت فيها معكرين المشاريب
............ اللي بعيدٍ بالمشاكـل مداها

دنيا ً تقلّب صاحي الفكر تقليب
..... ما ينعرف وش وجهها من قفاهـا

كم واحدٍ راسه تكامل به الشيب
...........مما يشوف من الليال وعناها

يصبر وصبره ماخفى عالم الغيب
...... يرجي مع اللي عند ربي رجاهـا

يشوف بعيونه كبار العذاريب
............في عالمٍ توذي ويكثر وذاها

أحدٍ يودي علم والثاني يجيب
............. ناس تنم ويقطع الله نماها

احدٍ بقلبه حب شذب العراقيب
....... يخطي ونفسه ما تحسب خطاها

واحدٍ يسوي للاوادم ملاعيب
...... يأكل حقوق الناس وانكر شقاها

واحد استقام وماشي صح و أمصيب
......... ثم انقلب واطلق لنفسه هواها

هذي عقوبة من كبار العواقيب
.......... بلواً كبيرة ما يحصل ادواها

خايب ومن يمشي مثل مشيه يخيب
........ كيف المذله والمهونه رضاها

ما حسبّ ليومٍ يبي زود تحسيب
........ يومٍ جميع الناس تأخذ جزاها

أما لجنة خلد والا لواهيب
.............. نارٍ توقد ويتزايد لضاها

أمرين مالحدٍ تصدد وتجنيب
...........أمر من الله ينكتب له حداها

يالله تبعدنا عن الشك والريب
...... وتهدي من اذنوبه لنفسه جناها

وتجعل لنا الجنة منازل هل الطيب
........ هذي مناة النفس حقق امناها


منقول,,,,,,,,,,,,,,,

[هديل35]

دنيا ً تقلّب صاحي الفكر تقليب
..... ما ينعرف وش وجهها من قفاهـا

وهذا هو الواقع 100%

احسنت نقلا.

[ميسم الروح]

كم واحدٍ راسه تكامل به الشيب
...........مما يشوف من الليال وعناها

كلمات رائعة
عاشت الايادي

[جمانة الرشيدي]

شـكــ وبارك الله فيك ـــرا لك ... لك مني أجمل تحية .

[غيوم ممطره]

اخذت من وقتي دروس وتجاريب
.......... واصبحت افكر بالليال وغثاها

بيت شعري لامس احساسي,,
شكرا على نقلك أخي الكريم.