[دحمي]

الجزء الثاني من خذ وخل




السلام عليكم ورحمة الله وبركاته



هالمره اقصد الاحداث تصير عند الاشارة (بعد ما تصير الاشاره حمرا)!

كثير منكم شاف هالامور بس ما عطاها اهتمام (لقافه مثلي).
اول ما تصير الاشارة حمرا تبداء السيارات تصف ورا بعض وحده وحده وبعد شوي تجي سياره مالها داعي وتنقز من المسار الي هي فيه وتدخل على المسار الثاني عشان فيه فراغ صغير اقرب للاشارة من مكانه الاول والمشكله انه هالسياره جت معترضه نصفها في مسار والنصف الثاني في مسار ماخذه مكانين يعني عاد السياره الي جت بعدها راعيها ما غير يشيل ويحط ويقول الله من قل الصبر مهوب صابر دقيقه لين تولع الاشاره خضرا وهو طبعا موجه نظرات قويه للسياره الثانيه المعترضه(يتحرش في السواق الثاني لو طاحت عيونهم على بعض عز الله بتطير الشمغ وتشتغل العقل ),ماعلينا منهم اخرتهم ان تمتعطو الشوش (تضاربو)مردهم لقسم الشرطه بتجيهم الدوريه الزرقا وبتضفهم وعاد وش زين اشكالهم طواقي وعقل والشمغ طارت مع الهواى والا بياخذها بنقالي والا هندي مار من عندهم. زي ما قلت اول ما علينا منهم الثياب توصخت والحرمه بتنهبل في البيت (تقول لزوجها وش خليت للبزران منت بعيد عنهم).ماعلينا منهم (كني طولت في هالاثنين ماورانا الا هم)عاد كانت السيارت واقفه هاديه وما فيه احسن منها وش حليلهم السواقين لاهين :

ولو تلتفت على يسارك بتشوف السياره الي جنبك كشخه ومظلله (عاد اللقافه تشتغل وش في داخل هالسياره)وتركز في السياره الي جنبها (يسار السياره المظلله )تلقا السواق لاهي مشغل نفسه في غترته كل شوي يزينها لو التفت مره وحده عود يفك الغتره ويشخص بها مره ثانيه وعلى هالحال (الله يعين هالغتره بتتفكك خيوطها )الظاهر انه معزوم .وتلتفت على يمينك وتلقي سواق ثاني غير الاول وغير شغله ملهي نفسه فيها تلقى السواق لاهي في الرادو يفره يمين ويسار (كنه من شيابنا اول اذا بغو يسمعون اذاعت لندن......هنا لندن صوت العرب ....تننننا)المهم كل ما لقا له قناة يوقف شوي وما يمديه يريح ظهره شوي الا وهو معود يحثبر في الرادو يغير الموجه(ياخي شغله والا طفه) اشغلتني معك (ابي اعرف وش يسمع)ما علينا منه هو يسمع اذاعة القناة الاولي من الرياض والا يسمع الاذاعه الثانيه من مكه المكرمه الله يشرفها.ماعلينا منه بس عاد هو وش كان يسمع ابي اعرف .ماعلينا منه اشغلت نفسي به .ولو ركزت في السياره الي جنبها لقيت سواق مشغول في شي ثاني غيرهم كلهم كل شوي مطلع له منديل يمسح به ............................................. وش تتوقعون يمسح في الحلقه القادمه ان شاء الله.






احداث الحلقه القادمه

وش كان يمسح السواق بالمنديل

السياره الي ورا مشكله كبيره من جد كبيره




تحياتي

[مها]

ههههههههه....

اكييييد يمسح العرق ...

يا حبي لهم والله شيابنا اللي يسمعوووون الرادو ..

يوسع صدرك اخي دحيم على ا لسواليف الحلوووووه اسعدتنا بها الله يسعدك ...

مشكووووووور......

اختكم ...

مـــهـــا....

[دحمي]

المشاركة الأصلية كتبت بواسطة مها ههههههههه.... اكييييد يمسح العرق ... يا حبي لهم والله شيابنا اللي يسمعوووون الرادو .. يوسع صدرك اخي دحيم على ا لسواليف الحلوووووه اسعدتنا بها الله يسعدك ... مشكووووووور...... اختكم ... مـــهـــا....

العفو مها

ادري انك تقصديني (الرادو هااااااه)



ما دامك تحبين الشياب عندي لك اقتراح دار العجزه والمسنين محتاجين متبرعين لخدمه الالشيبان الي هناك

وفرصه تظهرين لهم عرfون المحبه


الله يسعدك ويوفقك

[ورد الريـاض]

ماشاء الله عليك يالدحمي قاعد قدام سينما مو إشاره :)

شكل الإشاره تولع خضراء وانت ماتدري الا من البواري خخخ

[دحمي]

المشاركة الأصلية كتبت بواسطة قمـر الريـاض ماشاء الله عليك يالدحمي قاعد قدام سينما مو إشاره :) شكل الإشاره تولع خضراء وانت ماتدري الا من البواري خخخ

اما سينما صح عليك واحسن سينما على الهواء مباشره



مهوب مثل هالافلام كتابات واسامي ابطال مثل:

بطوله

المفهي


ضيف الشرف فتى حارتنا

عزيز فحطه


و

اخراج المخرج الكبير


موديهم في داهيه

والله ياقمر كنك شايفتني ما يصحيني من التلفت الا بوراي السيارت واحيانا تطفى السياره من الروعه

جزاك الله خير

[خــلــود]

هههههههههههههههههههههههههههههههههههههههههههههههههه ههههههههههههههههههه
انتظر الجزء التاني

[دحمي]

المشاركة الأصلية كتبت بواسطة خــلــود هههههههههههههههههههههههههههههههههههههههههههههههههه ههههههههههههههههههه انتظر الجزء التاني

ان شاء الله خلود بنعرض الجزء الثاني بس بطل الفلم رايح ايجازه لا ابها يدور البراد والخوفه من انه يفهي وهو يسوق السياره ويطيح من جبال ابها وعاد من صغر جبالهم تشوف السياره الي تحت كنها لنبة كشاف سيكل

انتظري الجزء الثاني ورددي ما اطولك ياليل

شكرا على المرور

حلواااااااااااااااااااااااااااااااااااااا
هههههههههههههههههه ولا تزعل نضحك عشانك
ولا تعيدهـــــــــــــــــــــــــــــــــــــا

[دحمي]

المشاركة الأصلية كتبت بواسطة وعووود حلواااااااااااااااااااااااااااااااااااااا هههههههههههههههههه ولا تزعل نضحك عشانك ولا تعيدهـــــــــــــــــــــــــــــــــــــا

وعوود لاتضحكين بقوه تراك صحيتي الجيران

يعني كل هذي ضحكه مجامله اجل لين ضحكتي من قلب وش بيصير ببيبلغون الشرطه الجيران




شكرا على المرور

[** فــادي **]

تسلم يا الدحمي على هذي القصه الرهيبه

مشكور وما قصرت اخوي


اخـــــــــوكم//**فــــادي**