[ارجو جنة ربي]

المهم الشاب طلع شاعر
وما قصر فيها ......كمن بيت عشان تتأدب
لكن >>>>المفاجأه ؟؟؟؟



تابع القصيدة



يقول:
كل شبر بهالوسيعـه ملـك ربـي تعلميـن




وأعلم إن اللي خلقني هو خلق لـك هالعيـون




لكن انتي من جلستي وانتـي فينـي تحدقيـن




كن ما به ناس غيري بهالكراسـي يجلسـون




لو سمحتي .. عاد أسمعي وحتى لو ما تسمحيـن




المهـم اللـي بقولـه تسمعينـه و يسمعـون




ع الأقل ليا ناظرتك سـوي روحـك تستحيـن




غضي طرفك مثل غيرك خوف ربعي يلمحون




الركادة عاد زينة والحياء فـي البنـت زيـن




وفيـك جآزم لا ركـادة ولا حيـاءٍ يـذكـرون




تعرفينـي ؟! أعرفـك ؟! ماأذكـر إنــا ملتقـيـن




لا أعرفك من تكوني و لا تعرفي مـن أكـون




وإطمأني إن كان قصدك بس فينـي تشبهيـن




ما هـو أنـا إلي تعرفيـه والبشـر يتشابهـون




مـا دريتـي من التشابـه يخلـق الله أربعيـن




وأعرف أربع يشبهنك بـس والله يستحـون




وإن كان قصدك شي ثاني عاد قولي وش تبين




خايف إنا نصير فرجة وإللي ماشتروا يتفرجـون




وإذا ببالك عاجبتنـي لا يحوشـك تحلميـن




صح ربعي من جمالك فيـك صـار يمدحـون




بس وش لي في حلاتك دام فيهـا ترخصيـن




حشمة البنـت وحياهـا والكرامـة يلفتـون




ولو توفر فيك هـذا مـع حلاتـك تبشريـن




ما هو أنا ألف غيري بـاب بيتـك يطرقـون




وش علامك رغم كل اللي أقولـه وتسكتيـن




مو طبيعي هالسكوت وهالبـرود وهالسكـون




إنتـي خرسـا أسألـك ولا منتي تسمعيـن؟؟




قالوا ربعي ذي كفيفـة قلـت لا لا تمزحـون




لين شفتك يوم رحتـي يمسكونـك باليديـن




ما دريت إلا عيونـي أربـع أربـع يذرفـون




آه ياني منه مشهـد يـوم شفتـك ترحليـن




جيت اشوف عيون ربعي لقيت الكـل يدمعـون




يالكفيفة يالعفيفـة إن قلـت آسـف تقبليـن؟؟




يغفر الله ذنوب عبده ليا خطا وهـل تغفـرون؟؟؟؟


: لا تحكم بالتسرع على اي شي


(ان بعض الظن اثم)

مما راق لي كثــير منقول

[@الحياة حلوه@]

قصيدة راااااااااائعة جدا ماشاءالله

خالجت جميع أحاسيسي

[ارجو جنة ربي]

المشاركة الأصلية كتبت بواسطة @الحياة حلوه@ قصيدة راااااااااائعة جدا ماشاءالله خالجت جميع أحاسيسي

تسلمين والله عالمرور
هي بالاول حلوه بس بالاخير تحزن لان البنت بالاخير طلعت ماتشوف

[الركن اليماني]

راقت لي كثيرا
تسلمين عالنقل الرائع
موفقة

[ارجو جنة ربي]

المشاركة الأصلية كتبت بواسطة اسكنتك قلبي راقت لي كثيرا تسلمين عالنقل الرائع موفقة

يسلموووووو اشكرك عالمرور

["الخنساء"]

السلام عليكم ورحمة الله وبركاته

تسلمين غاليتي على الانتقاء الرائع..تراني توقعت أنها مكفوفة، والشاعر أصابه غرور وأسرع في إصدار حكمه!

درس جميل لمن يأخذ بالمظاهر ويحكم عليها سريع..

جزاك الله خيرا

ممكن توضحيلي معنى بعض الكلمات التي لم أفهمها؟

الركادة، حوشك، ربعي، حلاتك

[ارجو جنة ربي]

وعليكم السلام ورحمة الله وبركاته هلا والله بالخنساء نورت الصفحه بتواجدك
ماعرفتي معاني الكلمات
راح احاول افهمك بقدر ماانا فهمته الركاده معناها الثقل البنت تكون ثقيله أو رزينه ويكون عندها حياء وقد تكون معنى الركاده عدم التسرع بالامر /في اعتقادي انتوا تقولون الرزينه هي الرصينه صح
لايحوشك معناها في اعتقادي لاتتوقعين /ترى بعض الكلمات نفهمها كذا مايحتاجلها تفسير تدخل عالطاير
ربعي معناها الاصدقاء او الاصحاب
حلاتك سهله معناها الجمال/ هو قصده لواجتمع الحياء مع الجمال كان احسن قالها تبشرين
فهمتي لك خيتوه

["الخنساء"]

المشاركة الأصلية كتبت بواسطة ارجو جنة ربي وعليكم السلام ورحمة الله وبركاته هلا والله بالخنساء نورت الصفحه بتواجدك ماعرفتي معاني الكلمات راح احاول افهمك بقدر ماانا فهمته الركاده معناها الثقل البنت تكون ثقيله أو رزينه ويكون عندها حياء وقد تكون معنى الركاده عدم التسرع بالامر /في اعتقادي انتوا تقولون الرزينه هي الرصينه صح لايحوشك معناها في اعتقادي لاتتوقعين /ترى بعض الكلمات نفهمها كذا مايحتاجلها تفسير تدخل عالطاير ربعي معناها الاصدقاء او الاصحاب حلاتك سهله معناها الجمال/ هو قصده لواجتمع الحياء مع الجمال كان احسن قالها تبشرين فهمتي لك خيتوه

الآن فهمت ههههههههه مشكوووووووووووورة عزيزتي

نعم نقول رزينة ههههه

[أم عابد]

تسلمين يااختي على القصيده..
وابياتها رااائعه برغم الجذب بين مطلعها اللي يستفز وختامها اللي يحزن..
التسرع شين..

[ارجو جنة ربي]

المشاركة الأصلية كتبت بواسطة ْإطـلآلـة آلعيــد ْ تسلمين يااختي على القصيده.. وابياتها رااائعه برغم الجذب بين مطلعها اللي يستفز وختامها اللي يحزن.. التسرع شين..

ايه ظلم البنت وبالاخير طلب المغفره
تسلمييين اسعدني مرورك