[xo5px]

.
--------------
فـِ♡ـيْ احد أيام رمضان المباركه ماخذة اجازة من الصيام. خلصت صلاة الفجر وكلاً ذهب الى غرفة نوووومه.
وأنا انطلقت للمطبخ اخذت فيمتو وشبس وطلعت لغرفة التلفزيون مبتهجة. وبينما انا في خضم البلع والكركرة على مسلسل كوميدي كنت اتابعه وداخله جوووووووووووو الا والباب ينفتح واشوف وجهه ويطلع اخوي (يونس)طالب بالمرحلة المتوسطةرو صاحب عيون عسلية وحواجب كحيلة كان يونس في اشد الدهشة والانبهاروالتعجب حتى ظننت انه قد يموت بسكتتن قلبية.
يونس : ماصمتيييييييييييييي؟

انا في ايدي كأس ملئ بالثلج وكيس شبس كبر وجه اخوي :ليه انت صايم
يونس : وجع من جدك تسألين هالسؤال ؟
انا بكل ثقة وبجاحة :والله انت بعد سألتني هالسؤال.
يونس :والله انتي اللي جالسة تبلعين وتشربين مو ب انا.
مممن شفت الولد ماعنده نية يفهم. استوعبت انه ياإما كان غايب في درس الفقه منهج سادس. أو ان مدرسهم طمر الدرس. ولا وش ذا الدلاخة.
ومافيه مجال اصير ناسية وانا مجهزة العدة.
المهم قلت في نفسي والله ما اعلمه انا ذا العلوم. فجأة قلت له:اسمع بقولك سر بس بذمتك لايدرون امي وابوي ولا احد. اوعدني ماتعلم احد لمن امووووت.
قال : والله ما اقووووووووول لاحد اقسسسسم بالله.
خرجت عدت ايمااان من اخي يونس بحمااااااس مشبع بسعابيل متناثرة.
قلت له : اجل بصراحة انا مسيحية. قال لا والله !!!!!!!قولي قسم بالله.
قلت له : انا مسيحية ولا اقدر احلف لان ديني غيركم. عشت الدور ع طول. بس بقولك القصة يمكن تخف روعتك شوي. وتقدر تفهمني وتحتويني
انا يوم ولدت اهلي ماكانوا مهتمين فيني زيك الحين. كانوا بس يخلوني عند التلفزيون ويروحون يتمشون تعرف انا اول طفل وكانوا توهم صغار وطايشين مدري ليه جابوني بسرعة وهم مايبغوني
فجأة شفت عبرة خنقت يونس ذو القلب الكبير وهو يتابع بصمت و فضووول وغباءقال طيب انتي ليش تلبسين عباية !وانتي منتيب زينا رديت بنفس النبرة الكسيرة : حتى الفلبينات يلبسون عباية عادي زي السعوديات
ورجع من جديد يسأل : طيب ماعلموك المدرسة الاسلام؟
لا كنت انام في الحصص واغش في الاختبارات.
ثم اكملت القصة. فلما كبرت وجيت انت حبوك امي وابوي من كللل قلبهم وخافوا اني انتبه لهالحب واحسدك فقام ابوي يبي يلهيني جاب لي نت وقال هذا لك وخذوك انت معاهم
المهم صرت احس فيه سر لازم اعرفه وصرت ادور في هالنت حتى اخذتني رياح الاقدار الى الام تريزا. وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبوك
بعدها صرت احبها واناديها ماما
ومع الوقت علمتني المسيحية وصرت مسيحية واهلي مايدرووون
يونس :بلم وهو في حيرة وده يرد ولا هوب عارف خاصة انه حس نفسه السبب وتعاطف معاي صمت لبرهة وفجأة قال : طيب ماتفكرين تسلمييييبن ؟
لا اخفيكم
جتني ضحكة كبييييييييييرة
الا اني بلعتها لدرجةصبت دموعي وسويت نفسي ابكي. قلت له بصوت مخنوق :بس ما اعرفه انا ما اعرف الا امي تيريزا
هههههههههههههههههههههههههههههههه
داخ راسي من كثرة الخراط عليه وجاني نوم. قمت عطيته كاسي بعد ماشربته وقلت خذ رجعه للمطبخ انا تعبت من الصياح بروح انام.
جاء يوم الغد. وفجأة سمعت شي يخربش تحت باب غرفتي. قما بشوف مادريت الا كتيب ديني من تحت الباب واشوفه عنوان. Islam. وافتح الباب بسرعة بشوف من حطته الا واسمع بابغرفة اخوي يتسكر بقوووة هههههههههههههههههههههههه يا انا ضحكت ضحكة بغت ينتكسر شبابيك غرفتي خلاص معد استحمل هالولد التحفة نعنبوا بليسه وش ذا الدلاخة طيب يوم انك بتدعوني ليه جايب لي كتاب دعوة انجليزي. شايفني شغالة
علباله يوم صرت مسيحية معد افهم عربي ههههههه
المهم بعد هالضحك نسيت الكذبة ولهيت بالهدنيا. ......
ومر كم يوم وصدف يونس مر جنب غرفتي وانا لابسة جلالي واصلي وانا اسجد مادريت الا بصوت رجول تركض متجه نحوي واجلس من السجود الا ويونس يصيح ويحب راسي انا خلااااااااااص بفطس ضحك. يالله كملت التشهد وسلمت الا وياخذني بالاحضان يوووونس صاحب القلب الكبير الحمددددددددلله اسلمتي ودموعة تقطر على كتفي بس والله رحمته جاني الصياح صدق. المهم ويمر ابوي قدام المشهد الترجيدي وينهبل. قال : وجععععععع خير انهبلتوا وش صاير ?
ويونس من هول سعادته كب العفش والعش والقش كله قال بنتك اسللللللللللللمت اسلللللللمت
وللاسف بعدها انجلدت بس عادي مايجي شي جنب الكذبه الكبيرة ومشت ع يونس الحبوب وكتيبه الدعوي ببروزه عندي لمن يكبر واهدده فيه بالمسقبل.
يمه متت ضحك

[لمياء ال]

ههههههههههههههه مو صاحيه

[أم عابد]

خطييييييييييييييييييييييييييييييييره الفكره..

[السعاده قادمه]

هههههههههههههه
الله وانتي ومقالبك
واخيك مشتى عليه
الله يكون بعون دراستن

[جوري الحربي4]

شكلي بسويها
صحيح تقع احراجات بعضهم ما يدرون ايش السالفه

[xo5px]

هههههههههههههه
يسلمو قلبوؤوؤو منورين صفحتي

[ربي انت رجائي]

هههههههههههههههههههههه والله تحفه هالقصه

[ربي انت رجائي]

ذكرتيني بيوم دخل علي اخوي وانا الحس الديم الي مسويه منه حلى خخخخخخخخ
كان يقول لي صايمه كان اتفل واقول نسيت خخخخخخخخخخخخخخخخ

[سوزان نور]

شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية .

[خالدعبدالرحمن 8]

شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية .