[طالبة الحق]

السلام عليكم ورحمة الله وبركاته
وشرايكم بابياي(((عادي ولا تحاتي))
اتمنى اعجبتكم واعجبتك صانعة

مدامك اخترت دربك لوحدك
انا فيني لا تفكر ولا توله ولا تحاتي
أنا جنة الفرحه أعيشها ببعدك
دليلي صرخة عيوني وحزني بدمعاتي
وإذا نظرات الحزن تسعدك
أجل و الله بقولها صدق لا تحاتي
مدام الزمن عن الغالي بصدك
خسارة يازمن غدار ما ترحم وناتي
أناما راح أندم ولا يهزني كثر عنادك
أقولها لك عادي غالي و لا أحاتي
لأني صدق أنطقها وقلبي جد يودك
ورغم همومي وصرخة قلبي و أهاتي
أبنطقها و بقول حول هالعالم أودك
أي أحبك وهي كلمه تخفف وناتي
ماهي كلمه أكررها أنا لجل ردك
ولا هي كلمه أكتبها لجل أضيع أوقاتي
والحين برسلها لحراس حدودك
بلغ جميع من كان توصلك أبياتي
همي ترى كثره وان قل مافادك
صحيح عايش بهمي والهم في حياتي
لكن ماني محتاس ولا هي فرحتي صدك
بس تبي تعرف وش سرالفرحه في حياتي
فرحتي احساسي بربي وبصبرني على بعادك
فرحتي ذكر الله والله تنسيني أهاتي
وشكرا مع تمنياتي لكم بالتوفيق

[عسـاف]

صح السانك اختي طالبة
وقصيده جميله

[صانعة في الحياة]

أولا اهلا بك في منتدى العصيمي وحياك الله

منوره ماشاء الله وأنا معكم دائما ..

والقصيده رائعة ماشاء الله وشهدتي فيك مجروحه

الى مزيد من التقدم والتالق في سماء دار العصيمي ان شاء الله

بارك الله فيك مشكوره

[طالبة الحق]

مناسبة القصيد ه لصديقة اختارت درب البعاد
وودعتها بهذي القصيدة واصبحت مثلا لي من اراد البعاد
فليذهب ولكن ليعلم انالله معي
وشكرا

[@ حنين @]

وعليكم السلام ورحمة الله وبركاته :

صح لسانج ولاهنتي على هالأبيات الجزلة .............


واستلمي هذي الأبيات مني وهي بقلمي المتواضع :


لاتقولين انك حزينة ودنيتك صارت حزينة

قدر المكتوب ربك والله أعلم بعطاه

اطلبي الله في صلاتك وابتعدي عن كل شينه

كملي المشوار كنك ما عثرتي بمبتداه

بالأمل عيشي بحياتك واطلقي النفس السجينه

من مشى في درب يلقى مابغاه بمنتهاه

لاترددي في مكانك تحسبين هموم(ن) دفينه

كل مافات وتعدى شنو تبين فيه وش وراه

مامضالك من تجارب خليها عندك خزينه

الخطا درب الصواب وكل(ن) يحدد خطاه .................


وسلامة من تاااابع ,,,,,,,,,,,,


أختك في الله :

@ حنين @

[شافي الشكري]

معاني جميلة أختي طالبة الحق ومشاعر طيبة
أتمنالك التوفيق ولكن ركزي على وزن الأبيات مرة ثانية
بارك الله فيك أختي الكريمة طالبة الحق

[طالبة الحق]

كملي المشوار كنك ما عثرتي بمبتداه

بالأمل عيشي بحياتك واطلقي النفس السجينه
ومشكوره على الابيات
مشكوره أختي حنين على مرورك وصحيح الحياة تجارب ودعواتك ومشكور اخوي شريف
وانشاء الله ابشر
الله يجزاكم خير صدق منتديات العصيمي مافيه احلى منه لأني بين اخوتي
أختكم في الله
طالبة الحق

[لولو درة فلسطين]

اختي طالبة الحق جزاك الله خيرا

اختك في الله
لولو درة فلسطين

[غدي 1]

[move=down]يعطيك العافيه[/move]

[طالبة الحق]

مشكوره اختي على مرورك والله يجزاكم خير ويوفقكم