[يمامة الوادي]

انا د يني ود ين هذي الحركه





ســـــــــــــؤال ... ؟؟

هل .. سمعتم هذه العباره او ما يشابها .. انا ديني ودين احد يعطيني اشكل او انا ديني ودين احد يمزح معايه وانا توني قاعد من النوم او او او ..؟
المهم فيها كلمة ديني ودين............. ؟؟

انا على حد علمي مع تحفظي ( وين العلم.. يابو علمي ) انها كلمه عابره ولا تعني شيء معين ولكنها عباره انتشرت للاسف .او ان لها علاقه بالدين ..؟؟ الله اعلم ..

وفي اعتقادي (انفكينا من حد علمي طلع لنا باعتقادي )

انها لا ترتبط بالدين ولكن ترتبط بمعنى الحساسيه(وش ؟حساسيه ؟ تقصد الاستياء) في التعامل بين الناس

مثال: ان اقول او تقول لي يااااااخي انا ما اداني الفلسفه على راسي .. << طيب على عيني وراسي ابشر .. بس حبيت اوضح لك وجهة نظري ... انت وش رايك..؟؟

يهمني رايك لو ما يهمني ما كتبت لك

لكن تعال ابيك في كلمة راس بيني وبينك.. ممكن .. ؟ << مشكور انك وافقت .. طيب ..

احياناً نسمع كلمه ابشع..!!

مثال : يجيك واحد يقول ياخي انا دين امي خالع وقافله معي .. <<

امااا هذي واضحه وفاضحه...

مستعجل تبيني اقفل السالفه . او عندك سعة صدر .. ترا الدعوى حبيه .. نمون = ميانه .. لولا غلاك يالحبيب ما كتبت .

وقبل كذا انا اخاف على مجتمعي من الهاويه

من جد .. انت وش رايك ..؟؟

<< يمكن ترد تقول ياخي ما عمرنا سمعناها .. ارد عليك اقول ســـلامات , تكفاااااااا,

ترا يكفيك الانترنت فيه كلمات تحفه ..

مثال : برب , بااااك , ولكم بااك , ويسلمووووووو , وسلملم .. نضحك على بعض .!!.؟؟

وبلاش اقول اكثر خليني ساكت احسن

.. الله يستر اشوف ســـــؤال جاي من عندك ارض جو .. تبي تقول : وش المــطلوب ..؟؟

حلووووو دام انك تبي تقعد تناقشني ابـشـــر << يموووووون

يالحبيب يالطيب يالغالي انا ابي اوصل معاك لنقطه مهمه ..

وهي : البحث عن حلول جذريه لنحمي انفسنا ومجتمعنا من الوقوع في الاثم من سقطات السنتنا ..

وفيما معناه : وهل يكب الناس في النار الا حصائد السنتهم ..او كما قال صلى الله عليه وسلم ..!!

طيب .. ليش ساكت .!!.؟ قاعد تفكر ..؟؟ الله يســـــعدك قول آآمين

اســـــــــــمع انا ماني متفلسف ولا راح اغير الكون ..

بقولك رايي وانت احكم /

انا اشوف انه نبتعد عن الكلمات السيئه او اللي نشك فيها ونسئل اهل العلم

والحمدلله شيوخنا وعلمائنا الافاضل متواجدين وما يبخلون بعلمهم ..

بعدين ياخي ما راح نعجز نلاقي كلام طيب قاموس اللغه العربيه مجنبينه وما استخدمناه مدري يمكن مخلينه احتياط واذا عندك راي ثاني قول !!..؟ منكم نستفيد ..

خذ راحتك قول كل اللي عندك .. قاعدين والحمدلله في سعه ومافيه احد محاصرنا..

لكن متفقين انا وانت والثاني والثالث ان فيه رقيب يشوف ومطلع . يعلم خائنة الاعين وما تخفي الصدور

ســــــبحانه .. اللهم انا نسألك رضاك والجنه

يالطيب , يالحبيب .. وينك .. !!؟

قبل لا اطلع باقي عندي كم كلمه بسيطه وفيها طلب .. ممكن ..!!؟

<< شاكر لك ومقدر سلفاً سعة صدرك وموافقتك

انا ابي منك شيء واحد الان .. << لالا مو سلف عنــــدي وعندك خير الحمدلله

ابيك تدعي لي بظهر الغيب وتنشر ملاحظاتي على الزملاء والاصدقاء

عشان نستخدم كلمات طيبه ومردودها في الاخره طيب باذن الله ..

وبيني وبينيك ياخي مقهور من عبارات كثيره تنقال لكن ماباليد حيله

هذي محاوله مني للتنبيه وانت بعد حاول اذا لقيت كلمه منا ولا منه نستبدلها بالافضل

انشر الخير وما راح تندم باذن الله ..

انا متاكد انك بتلاقي كلمات كثيره لا تليق بنا كمسلمين ولا تليق بعاداتنا

وانت عارف ابليس حريص يدور الشغلات هذي يحتاج ناس معاه في جهنم والعياذ بالله ..

عاد ان طولت عليك سامحنا..

وصدقني من محبه لك كتبت واجري واجرك على الله نسئله سبحانه ان لا يحرمنا الاجر ..

تفضلو بقبول فائق تقديري ووافر احترامي ,,
العمدة

[مها]

جزاك الله خير الجزاء غاليتي يمامة ...

مــهـــا..

[يمامة الوادي]

الله يسلمك وشكرا لمرورك