[جهير37]

السلام عليكم
بدوووووووويه بالزواااااااااااااج متغطيه عدل
(لابسه فستان مع اكمام ).. جسمها محترق ومتشووهه
وشكلها يفشل هالبدوووويه .. ماتعرف تلبس على المووضه
هذا اللي صار وربي
<<<< هذا كلام كل اللي حضر بالزواج
وسمعته بأذااني وسمعوووه ناس كثير كانوا حاضرين تدروون ليش
لانها الوحيده اللي متستره والباقي لابسين عاااري

صارت اللي تخاف ربها محترقه ومشوهه واللي مفصخه
هذي ستايل وكشخه
صارت اللي تتستر يطلعون عليها اشاعات
يعني مايكفيهم ذنوبهم يبونها تتعرى ويكسبون اثمها
صارت اللي تغطي ايدينها وسيقانها وفخووذها ( معليش على الوصف )بدوووويه ومو ستايل ولاتعرف تكشخ لا مو بس كذا صارت تفشششل ومعقده وفيها حاله نفسيه
يعني افهم انه اهم شي الكشخه وستايلك
مو مهم يعني ربك ولا مهم دينك ولا مهم رسولك
لاتقوليييين ايماني بقلبي
ولاتقولييييين الزواج كله حريم وين المشكله
في مشكله ومليون مشكله وانتي بداخلك تدرين انه حراااام
بس هذا الشيطان يزين لك المعصيه
نـــداء لكل وحده تقول عن اللي تتتسر انها معقده ومحترقه وبدوويه ( وما ادري ليش البدو طايحين من عيون بعض الناس .الله يهديهم بس )
اذا هذي بداوه يازينها من بداوه لانها بتحبب ربي فيني
واذا هذي عقده نفسيه ياحلاتها من عقده واسال الله انها ماتروح عني ولا عن اي بنت مسلمه تعتز بدينها
يعني بالله اذا ماطلعت ايدك شنو بيصير .. بيتغير اسمك مثلا
محد بيجي بيخطبك يعني ..
ليش يابنات والله الستر زين

ياحلو الوحده تسوي من نفس الفستان مسويه اكمام ناعمه حلوه
منها ماتغضبين ربك اللي خلقك وهذا اهم شي ومنها ستر ومنها يطلع شكلك حلو
والله احسن بكثثثثثير من هالعاري..اللي ماوراه الا الحسد
طيب انتي انتي ياللي تلبسين عاري وتقولين هذي محترقه ماتخافين بكرا تتشوهين وتحترقين بنار جهنم والسبب لبسك
شنو بتقولين حق ربنا يوم العرض
بتقولين والله انا ستايل وكشخه استغفر الله يارب
ترى امك وصديقاتك وخواتك وبناتك ماينفعونك
وبتاخذين اثم كل وحده انتي لبستيها او قلدتك في لبسك
لاتخلين الله اهون الناظرين لك .. انتبهي

واللي حرق قلبي اكثر وزاد همي هم اسال الله ان يهديهم

(شفت وحده مطلعه الفخوذ كلها وكل شوي تعدل فستانها ترفعه وكل شوي يطلع طرف الكلللوت وامها بجنبها تصفقلها
على شنو التشجيع والتصفيق
<<< ترى بكرا ربي بيذكرك بهالموقف وساعتها دوري اجابه تفكك من نار جهنم
ربي غفور رحيم ولكنه شديد العقااااب
(سامحوني بس وربي اكتب وقلبي يحترق الى هالدرجه وصلنا .. هذي اللي كذا وين امها .. اختها اخوها ابوها .. والله ربي بيسالكم عنها وعن لبسها يا اهلها .. خافوا الله
كلكم راع وكلكم مسوووول عن رعيته )

وحده ثانيه بنفس الزواج لابسه بدون اكمام مرت جنبها وحده متستره طالعتلها من فوق لتحت شفتها انا ومعاي كم وحده قاعدين على طاوله
كأنها تقووول شنو هالعقد النفسيه لمتى الناس تتطور
<< نفس الشي الوعد يوم القيامه والعالم كله بيكون مجتمع وقتها وبنسمع اجابتك يالكشخه _

وحده ثانيه زواج اخوها .. فصلت فستان
فتحت الصدر واصله ليييييييييييين فوق السره واطراف صدرها من فوق وعلى الجنب كله طالع لين فوق السره فاهمين علي وبدون اكمام بعد << بالله هذا لبس وحده تقول انها مسلمه لا وصديقاتها يقولون لها واااي شحلاتك مره ذووق انتي مرره ستايلك حلو وكشخه ومن وراها والله انهم يقولون شوف شلون مفصخه ووحده ثانيه بنفس الزواج الظهر كله طالع وامها وخواتها عاجبهم الفستااااااان 

وحده من صديقاتي مدرسه معاي بالدوام شغالتها فلبينه تقولها حنا بالفلبين العروس عندنا مااتتتعرى مثلكم.. يادوووب اليدين طالعه حنا ماشاء الله الصدر والظهر كله طالع . يعني صاروا حتى الكفار استغفر الله استر مننا بلبسهم


ياحبيباتي ياخواتي يا امهات المستقبل .. لاتزعلون علي وربي احبكم في الله وخايفه عليكم اذا صار يوم العرض
لمتى والشيطان يلعب فينا
والله اذا رضيتي ربك .. ربي بيسخرلك كل هالناس اللي حولك
مايحتاج تلبسين وتاخذين ذنوب علشان تعجبين غيرك
انتي متخيله لو انتي تسترتي وصديقتك تسترت وخواتك وبناتك واهلك .. وجيرانكم شوي شوي بنلقى زواجاتنا كلها حشمه وستر ويصير ندش الزواج ونطلع وحنا ماعلينا اي ذنوب بأذن الله ولك الاجر ان شاء الله
بالاخير ابيكم تسامحوني على اسلوبي يمكن مايعجب البعض منكم .. بس والله اللي شفته خله الدمووع تنزل من عيوني بدون ما احس .. والله اني ماكتبته لارياء ولا زياده في عدد مواضيعي .. كتبته لاني خايفه عليكم ولاني احبكم في الله .. ولاني داريه انه بقلوبكم الخير الكثثييير ولاني خايفه ربي يسالني ليش مانصحتي يوم شفتي الغلط
تكفون انشرووه وارفعوا الموضوع ولو بكلمه يمكن تشوفه وحده من البنات ويفيدها
واللي عندها صديقات بالايميل تنشره بالايميل
ماتدروون يمكن وحده تتوب ولي ولك الاجر باذن الله ونكون حنا سبب بعد الله
اسال الله ان يهديني ويهدي بنات المسلمين لما يحب ويرضا واسال الله الستر لي ولخواتي ولبنات المسلمين
اللهم بلغت اللهم فأشهد

منقول

[عاشقة الايتام]

جزاك الله خير اختي على هالموضوووووع

بصراحه الزمن صار يخوف والناس صارووووو مايهمهم غير الموضه والتقليد الاعمى

ولم يهتمووووو للذنب المترتب على افعالهن فعن ابي هريرة رضي الله عنه ان رسول صلى الله عليه وسلم

قال :(صنفان من اهل النار لم أرهما:وذكر منهما (نساء كاسيات عاريات)) فهن كاسيات من حيث الظاهر لكنهن

عاريات لضيق لباسهن وتجسد عوراتهن وظهور مفاتنهن

ولتتذكر كل امراه ان نبينا محمد صلى الله عليه وسلم ذكر ان في اخر الزمان يصبح المرء القابض على دينه

كالقابض على الجمر

فهنيآ لمن قبضت على دينها والتزمت حجابها واحتشمت في لباسها وانتصرت بقوة ايمانها بالله ورسوله على

هذه الفتنه التي حلت بنا

تقبليييييييييي مرووووووووووووووووووووووووري

[جهير37]

المشاركة الأصلية كتبت بواسطة عاشقة الايتام جزاك الله خير اختي على هالموضوووووع بصراحه الزمن صار يخوف والناس صارووووو مايهمهم غير الموضه والتقليد الاعمى ولم يهتمووووو للذنب المترتب على افعالهن فعن ابي هريرة رضي الله عنه ان رسول صلى الله عليه وسلم قال :(صنفان من اهل النار لم أرهما:وذكر منهما (نساء كاسيات عاريات)) فهن كاسيات من حيث الظاهر لكنهن عاريات لضيق لباسهن وتجسد عوراتهن وظهور مفاتنهن ولتتذكر كل امراه ان نبينا محمد صلى الله عليه وسلم ذكر ان في اخر الزمان يصبح المرء القابض على دينه كالقابض على الجمر فهنيآ لمن قبضت على دينها والتزمت حجابها واحتشمت في لباسها وانتصرت بقوة ايمانها بالله ورسوله على هذه الفتنه التي حلت بنا تقبليييييييييي مرووووووووووووووووووووووووري

جوزيت خير على وسدد الله خطاك .
النصيحه النصيحه لو من هذا المنتدى المبارك

[حبة المحبه]

والله العظيم نفرح من نشوف الالتزام

بالحجاب والدين من بنات المسلمين فى المملكه لان نحس انهم اصل الدين وان الاسلام بخير ولانى اعتبرهم قدوة للمراة المسلمه ونشعر بخوف من نشوف ونسمع عن بنات يقلدو الغرب فى لبس او عادات او تقاليد والله فى ناس تقلدكم ان كان التزام او غيره لانكم فى ارض هى قبلة الاسلام

ومادام التزامكم بالدين بخير فالاسلام فى خير وهذا يضيفلكم شئ يمكن ماكنتوا تعرفونه لانكم من ارض الحرمين التى فضلها الله على بقاع الارض فانتم والاسلام بخير مادمتم تطبقون شرع الله

[جهير37]

المشاركة الأصلية كتبت بواسطة حبة المحبه والله العظيم نفرح من نشوف الالتزام بالحجاب والدين من بنات المسلمين فى المملكه لان نحس انهم اصل الدين وان الاسلام بخير ولانى اعتبرهم قدوة للمراة المسلمه ونشعر بخوف من نشوف ونسمع عن بنات يقلدو الغرب فى لبس او عادات او تقاليد والله فى ناس تقلدكم ان كان التزام او غيره لانكم فى ارض هى قبلة الاسلام ومادام التزامكم بالدين بخير فالاسلام فى خير وهذا يضيفلكم شئ يمكن ماكنتوا تعرفونه لانكم من ارض الحرمين التى فضلها الله على بقاع الارض فانتم والاسلام بخير مادمتم تطبقون شرع الله

التقليد الاعمي عبارة عن نقص في الثقه تحاول تكملها بالبس االغربي .
فنحن أمه نعتز بلباسنا .
وجذب الانظار لها
الحمدلله الذي عافانا مماأبتلاهم به وفضلنا على كثير ممن خلق تفضيلا .

[شــذى]

جزاك الله خير
في ميزان حستاتك
والله يكثر من أمثالك

[جهير37]

المشاركة الأصلية كتبت بواسطة شــذى جزاك الله خير في ميزان حستاتك والله يكثر من أمثالك

وإياك أختي شذى .
اللهم أمين

[المومنةبالله]

بارك الله فيك يا ليت كل البنات يقراونها شكرا لك

[جهير37]

المشاركة الأصلية كتبت بواسطة المومنةبالله بارك الله فيك يا ليت كل البنات يقراونها شكرا لك

وإياك أختي المومنه بالله .
أنقلوها للمنتديات

[siham bou]

السلام عليكم ورحمة الله وبركاته
مشكورة اختي على هذا الموضوع
و الله انو اللباس الفاضح مو بالاعراس ووسط الحريم بل اصبحنا نراه حتى في الشارع و العمل ............
الله يجعلك هذه النصائح في ميزان حسناتك
الله يبارك فيك و يكثر من امثالك