[عبرة قهر]

في ليلة عرسها تبكي ..
حزينه و قلبها يحكي ..
تقول الحمد لك ربي على كل حال ..
على الصحه .. على النعمه ..
على قلبٍ شكى همه ..
وصبرٍ طال ..

تجيها أمها وتقول ..
خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..

تجاوبها ..
أبي أعرف ..
أبوي شلّي استفاده الحين .. ؟!
لو ذابحني كان ابرك ..
وزوجي .. اش ذنبه المسكين ؟
يعيش باقي العمر .. مع جثه تتحرك !
عليك الله يا يمّه .. قوليلي اشلون اضمّه .. ؟!
واذا ودّه يكلمني .. وشاف دموعي فـ عيوني ..
قولي اشلون اكلمه .. ؟!
واذا ناداني بإسمي ..
وانا أخطيت في إسمه ..
يا ترى وش موقفه مني ..
وهو يسمع اسم غيره ؟!!
تجيها أمها وتقول ..
خلاص فضيها من سيره ..
خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..
بقولك شي يا يمّه .. وخليها من الأسرار ..
أبكتب له رسالة شوق ..
بشاكيه الألم والعوق ..
عقب ما أنتهي منها ..
بكل الحرص أرسليها ..
وخبيها عن الأنظار ..
وابي منّك وعد صادق ..
توصليها لذاك المغرم العاشق ..
وبعد ما يوصلك ردّه ..
على طول بلغيني بآخر الأخبار ..
ربع ساعه يا يمّه ..
عطيني بس ربع ساعه ..
أبكتب له عن اللي طفّى ما في القلب ولاعه ..
أبكتب له الين دمع القلم ما يجف ..
تعالي بعدها واستلمي ما في الظرف ..
وكتبت من حزنها ابيات ..
تقول فيها ..
سلاماتي .. تحياتي .. وأشـواقـي الشديده ..........
.......... على اللي روحه قبالي .. وأنفـاسـه بعيده
على اللي افترقنا غصب عن عينـي وعينه ..........
.......... بعد ما كنت انا وهو نحلم بلحـظـه سعيده
بعيش بغربتي لحـالـي .. وهـو الله يعينه ..........
.......... يكمّل نصفه الثاني .. ويلـقـى مـن تريده
مثل ما قالت امـي .. مـا لـنـا إلا قدرنا ..........
.......... والا مـن زمـان المفتـرض إيـدي بإيده
يسامحك الله يالوالـد .. علـى عمـرٍ قتلته ..........
.......... بعد ما ماتت ابنيتـك وش اللـي بتستفيده ؟
أنا آسفه على اعذاري .. وربي غصب عني ..........
.......... نعم بتزوّج فلان .. بس بعيش عمري وحيده
محّد ممكـن انّـه يملا عيـونـي بدونك ..........
.......... تذكّر كلمتي هـذي .. أنـا فـ حبّـك شهيده
تذكّر كلمتي أرجـوك .. لأنهـا مـن فؤادي ..........
.......... فؤادي اللي ذبحوه اليوم.. وطعنوه فـ وريده
تذكّر كلمةٍ فيهـا شـعوري ومـا طـرى لي ..........
.......... أنا فـ حبك شهيده .. وذي ترى آخر قصيده
وجتها الوالده عندها ..
وهي تحاول تغض الطرف ..
وتسألها ..
وش اللي بداخله هالظرف ؟!

أبيات ..

هي أبيات .. لحبٍ من حياتي فات ..
لحبٍ من حياتي طار ...
بسرعه ارجوك أرسليها ..
وهي تذرف .. دموعٍ نار ..
على هونك يا يمّه ..
على هونك ..

خلاص اطّمني انتي ..
برسل ما كتبتي ..
واستعدّي ..
بعد شوي بيزفونك ..
يزفوني ؟!!
وربي كان أهون لو يكفنوني .. !!

بعد ايّام ..
تسافر لاجل تقضي في فرنسا .. شهر العسل ..
والمكتوب للعاشق وصل ..!

وهي مع زوجها تضحك ..
وهو من فرحته يضحك ..
يقول افديك انا بروحي ..
وبيتي .. ومالي .. والأهل ..
وهي تقول اشكرك بالحيل ..
لأنك من جديد .. رجّعت في قلبي الأمل ..
وساعه بعد ساعه ..
فرحتهم تزيد ..
في الصبح يتجولون من باريس .. لحتى ليل ..
وفي الفندق .. يشربون قهوه بالهيل ..
بعدها يسهرون .. كل الليل ..
وحانت ساعة الردة ..
بعد ما طالت المدة ..
وموعدهم بعد ساعات ..
لاجل ما توصل الرحله على أرض الدمام ..

وأول ما وطوا أرض المطار ..
من الفرحه بكوا ..
واستقبلوهم أهلهم باحضانهم ..
سلامات .. سلامات .. عساكم بس تهنيتوا ..
يجاوبهم ... الله يسلمكم ..
والحمد لله الهنا في حجرنا بات ..
تطير البنت ناحية أمّها ..

اشتقت لك حيل يمّه ..
وهاتي حضنك الدافي ..
ترى مشتاقه أضمّه ..
وعلميني عن احوالك ..
عن اخبارك .. عساك بخير ؟
بخير يا بنيّـتي .. دامك بخير ..
بس ما سألتيني .. ؟!
خير يا يمّه .. خير ؟!
نسيتي إنك ارسلتي رساله ..
قبل ما ترحلين بخير وسهاله .. ؟!
صحيح ... توني تذكّرت !!!
أرسل لك جواب ..؟
بعد ما ارسلتها ..
صرت انتظر منّه خطاب ..
ومرّت ايام وليالي وساعات ..
بعد مدّه .. شهر أو يمكن شويه يزيد ..
لقيت نفس الرساله .. عند صندوق البريد ..
تقول : لم يقرأها أحد .. !!
قلت بنفسي اتأكّد ..
وصلت لباب منزلهم ..
وكلّمني اخوه محمد ..
عرفتي ليش ما في حد .. قرا الابيات .. ؟!
في نفس اليوم لي إنتي تزوجتي ..
وكنتي حيل مغتمّه ..
حبيبك ما قدر يتحمّل الصدمه ..
مع كل الأسف ...

مـــــــــــــــات

[اه من جرحي]

روووووووووووووووووعه مشالله 😭😭😭😭

[حين تجف الدموع]

(عبرة قهر) ..... مشكورة ... ذكرتيني بالشاعر حب حبيته يوم ماتت كتب القصيدة

قلت الوداع وجاااااااوبـت دمعـة العيـن .......تجـرح بساتيـن الـخـدوووووود النـديـة

وأغًضت وشفت بعينها الحزن حزنيـن ......وصاحت على الفرقاء أنـاااا مـو قويـة

وجاوبتهـا أرجـوك تكفيـن .... تكفيـن .....والله دمعـك يشـعـل الـنـااااار فـيـه

وقالـت تعاهدنـي عهـاد المحبيـن .......الله يخـون الـي يـخـووووون بخـويـة

قلت أبشري والـي خلـق لاتظنيـن .....حـراااااااام ماغـيـرك عشـقـة آدمـيـة

وقصت شعرها قلت أنا وش تسوين ؟؟؟ .......قاااااااالت أبي مـن غرتـي لـك هديـة

ونادتني الغربـة علـى الهـم والبيـن........أحّسـب الأيــام رووووووحــه وجـيـة

وفي كل ليلـة ترتسـم بيـن رمشيـن .....خياااااالهـا بـيـن الـرمـوش الشقـيـة

غربة سنه فـي ذمتـي غربـة سنيـن......متـى علـى الله يلتقـي الحـي حيـة

خلااااااااااص هانت مابقي غير يوميـن ......خـلااااااااااص قفـت غـربـةً جرهـديـة

ورجعت شوقي فـي خفوقـي براكيـن.....ورجعـت أنـا كلـي لهـاااااااااا جاذبـيـة

وسألت ماردو ؟؟ وأنا أصيح هي ويـن.....وكل ( ن ) نثر من داخل العيـن ميـة

وفي معمعـة حزنـي تلقيـت رمحيـن......قالـو تـوفـت غافلـتـهـاااااااا المنـيـة

وفي غرغرتها ماذكرت غيـر حرفيـن.......تشهـدت بأسـمـك شـفـاااااة البنـيـة

وتزاحمـت فـي داخلـي الـف سكـيـن .....والحـزن يطوينـي ثماااااااااانـيـن طـيـة

صدمة وجابتني علـى الأرض نصفيـن......وشلـون رااااااحـت دون ذنـب وخطيـة

تكفون دلوني على القبـر هـا الحيـن.....ماعـااااااااااد فيـنـي للصـبـر مقـدريـة

وقفـت أطالـع قبرهـاااااااا بيـن نصبيـن......وجلست أضم أغلـى النصايـب عليـة

وصيح وش بك ياااااااااغـلاي مـا ترديـن.........أشتقـت همـس شفاهـك النرجسـيـة

وش فيك جيـت مـن السفـر مـا تهليـن......ماهـي بلـك عـااااااااادة ولانتـي رديــة

وحاولت في لحظة غضب أجرح الديـن..............وأزيـح تربـة قبرهـااااااااااااا فـي أيـديـة

وبالغصب شالوني حشى تقـل مسكيـن........وأأأأأأأأأأأأأأأصــرخ بـهـم والله والله حـيـة

وقفت وتأاااااااهـت بـي جميـع العناويـن......والحـزن يلعـب داااااااااخلـي سامـريـة

ورجعت لدروب الشقـاء قبـل عاااااميـن ......مدري من الي صـار فينـا ضحيـة ؟؟؟؟؟

[فراشه الجنه]

كلمات في قمه الروعه دمتم بخير

[المتالقة دوما]

لافض فوكياعبرة قهر ويا نجد السعد
بانتظار جديدك

[لوحة بيآض]

[Da Do]

يسلموووووووووو

[مبتسم رغم الالم]

يعطيك الف الف عافيه
موضوع رااائع
وجهود أروع
ننتظر مزيدكم
بشوووق