[الفنان التشكيلي]

السلام عليكم
من تالي كاثرة دخلاتي للنت و ما ادخل النت الا في الصبح .. تعرفون البيت كلن نايم مافيه الا انا وجدتي واحب اشغل نفسي..بعض المرات تجلس معي اقرا لها مواضيع(( جدتي طبعا))..اسمعها قصيد..ونسولف ونضحك وهي دمها خفيف ودايم تعلق علي ..واحب تعليقها ومسفهلين ..
اليوم نزلت من غرفتها ..!!
كن خاطرها ضايق
وانا كنت على الشات اتكلم انا وقيود على موضوع جديد بتكتبه في المنتدى ونتناقش فيه
قالت لي بنبره حاده!!
وش قاعد تسوي انت مغير مقابل هالعنتر نت ؟؟
قلت يمه انا اسولف في ((شات)) مع ناس خيره وطيبه
قالت والله يا ولدي ما كنك الا
((شاة)) بدو طاحت في مريس@
الا مير سلم لي عليهم ولا يعمي عيونك الكنبوتر
انا طحت من عل الكرسي من الضحك
وها انا ابلغ سلامها لكم عسى الله يعطيها الصحه والسلامة

[نهى7]

الله يسلمها ...

المشاركة الأصلية كتبت بواسطة الفنان التشكيلي وش قاعد تسوي انت مغير مقابل هالعنتر نت ؟؟

والله زين ماحرفتها مثل البعض .. طرنت طنت أو أي شي من هذا القبيل !!

[الفنان التشكيلي]

المشاركة الأصلية كتبت بواسطة نهى7 الله يسلمها ... والله زين ماحرفتها مثل البعض .. طرنت طنت أو أي شي من هذا القبيل !!

الله يخليك نهى
طيب جدك تقول الجندعان؟؟
اذا احد ازعجها؟

[صانعة في الحياة]

الله يسلملك جدتك ويطول في عمر في طاعة الله

ويزيدها صحة وعافية بلغها سلامنا وخاصة أنا ..

[الفنان التشكيلي]

المشاركة الأصلية كتبت بواسطة صانعة في الحياة الله يسلملك جدتك ويطول في عمر في طاعة الله ويزيدها صحة وعافية بلغها سلامنا وخاصة أنا ..

الله يخليك ويطول عمرك وسلامك وصلته لها بالاسامي

[الزاهرة]

الله يسلم جدتك ويبارك في عمرها ياسلالالالالالالالالام حتى الجدات مشاركينا الله يبارك في أعمارهن ونبغى نشوف مشاركاتها : )

[الفنان التشكيلي]

المشاركة الأصلية كتبت بواسطة الزاهرة الله يسلم جدتك ويبارك في عمرها ياسلالالالالالالالالام حتى الجدات مشاركينا الله يبارك في أعمارهن ونبغى نشوف مشاركاتها : )

اميييييييييييييييين
جزاك الله خير
وان شاء الله احاول انزل موضوع من انشائها

[الحميدانية]

الله يسلمها ويمدلكم في عمرها
وترى هالكبار هم بركة البيت وزينته

[zell am see]

سلمي على جدتك الله يخليها لكم حلوه حكاوي الجدات وسوالفهم ...

[سراب الأمل]

ماشاءالله على جدتك,, الله يخليه لك