[الفنان التشكيلي]

a7
السلام عليكم
تجربه انا عشتها وقريب من اسبوع تقريبا يوم الاحد مو ذا اللي قبله طالع مع الباب للكليه
وتمسكني امي تقول
لا تنسى دعاء الخروج من المنزل
قلت طااايب ابشري وحبيت راسها وطلعت وانا في الحوش متجه للباب اردد واقول
((بسم الله توكلت على الله ولا حول ولا قوه الا بالله اللهم ا ني اعوذ بك ان اظل او اظٌل او ازل او ازل او اجهل او يجهل علي اللهم احفظني بعينك التي لا تنام))
رددتها تقربا اربع مرات
ركبت السياره
وشغلت الرادو على اف ام اشوف الزحمه وين والطرق الفاضيه وين ومريت دكتور كيف اخذ لي تركش كفي سكر زياده سفري
><><<<<<<<<<<<مدمن قهوه تركيه
المهم وصلت الكليه
خلصت المحاظره الاولى والثانيه
وانا طالع
الا الجوال يرن الو هلا فهد >>واحد من الزملاء
هلا عبدالله وينك
قلت توني طالع من الكليه بروح اتغدى وارجع لها مره ثانيه
قال والله ما يغديك الا انا
يا ابن الحلال عدل بدل قاال مره قدني حلفت
قلت عساك على القوه وقفلت الجوال
ومرني بسيارته
وركبت
وقعدنا نسولف شوي واقبلنا على اشاره
وكان مسرع يبي يلحق على الاشارة ويجي سواق من اليمين ويحدنا وحنا على سرعه ووخرنا عن العايله الا حنا وسط الرصيف وكان الرصيف يرمم وفيه ردميات وحنا شوي فوق وشوي تحت طاخ طيخ طووخ راسي شوي في التنده وشوي اشوف اني بظرب القزازه وارجع اظرب في المرتبه
وحنا في هذي الحال جا قدامنا عمود كهرب وسط الرصيف وسبحان من صرفنا عنه وبعده رجعا على الرصيف واتجهنا للعمود الثاني وخلاص بنصدمه ويصرفنا الله عنه سبحان الله وبعد العمود كان فيه محول الكهربا حق الحي ويامر الله الموتر ويوقف قبل ما نصدمه بشوي
ما قدرت انزل من بابي ونزل فهد من بابه وانا طعت من بابه الحمد لله على السلامه السياره انعدمت الجزء التحتاني انعدم كله
مشيت على رجولي قلت الحمد لله كان الموت اقرب لنا من الحياة الا جوالي يدق الا هي امي
تقول انت وش ساير لك في الكليه قلت ما سار شئ قالت قلبي قابضني لا يكون ما حليت في الاختبار قلت مدري تعوذي من ابليس بس اطلع من الجامعه اكلمك
والشباب كل واحد يمر هاه مفحطين .منحاشين مدري ايش .. الخ؟.؟؟؟
تبون نزبنكم تبون تبون
والشيبان الله يجزاهم خير كل ما مر واحد فتح الدريشه وتفل علينا@@@
يقولون تفحطون يا سمرمد تستاهلون ما يجيمكم
والشباب يعطونا نصايح بالتهرب من النظام
مشاء الله عليه مبدعيين
المهم الشاهد في الموضوع
احرصوا كل الحرص على تحصين انفسكم واهليكم ومالكم ولا اراكم الله مكروه في غالي عندكم

[نجلا]

حمدلله على سلامتكم اخوي الفنان التشكيلي ..

وجزى الله والدتك كل خير لحرصها عليك وتذكيرك لاحرمك الله منها..

لك طول العمر ان شاءالله والله يثبتك على دينه ..

حفظكم الله من كل مكروه .

[الفنان التشكيلي]

المشاركة الأصلية كتبت بواسطة نجلا حمدلله على سلامتكم اخوي الفنان التشكيلي .. وجزى الله والدتك كل خير لحرصها عليك وتذكيرك لاحرمك الله منها.. لك طول العمر ان شاءالله والله يثبتك على دينه .. حفظكم الله من كل مكروه .

الله يجزاك خير والحمد لله ما جاني ولا مشخ من فضل ربي
وشكرا لك

[فتاة الزهور]

يؤؤؤؤؤؤؤؤؤ ....سلااااااامتك الف سلاااااااااامه اقصد الحمدلله على السلاااااااااااامه :D .............الله يحفظ لك مامتك ويحفظك لهااااااااااااااااااااااااااا الله يسعدكم ويجزاكم الفررررررررررردوس ...والحمدلله على سلامت صاحبك كمان .............ثانيا الله يسعدك على النصيحه الله يجزززاك الف خيررررررررررر .........اخيرا شوي شوي ترى المخالفات بفلوس موبلاش شوي شوي لاتسرررررررررررررررررعوووووووووووون (لاتسررع فالموت اسرع ) اعلان

[الفنان التشكيلي]

المشاركة الأصلية كتبت بواسطة فتاة الزهور يؤؤؤؤؤؤؤؤؤ ....سلااااااامتك الف سلاااااااااامه اقصد الحمدلله على السلاااااااااااامه :D .............الله يحفظ لك مامتك ويحفظك لهااااااااااااااااااااااااااا الله يسعدكم ويجزاكم الفررررررررررردوس ...والحمدلله على سلامت صاحبك كمان .............ثانيا الله يسعدك على النصيحه الله يجزززاك الف خيررررررررررر .........اخيرا شوي شوي ترى المخالفات بفلوس موبلاش شوي شوي لاتسرررررررررررررررررعوووووووووووون (لاتسررع فالموت اسرع ) اعلان

الله يسلمك ويخليك خلاص ما عادني راكب سياره ابد بشوف لي سيكل من احد اخواني ادرج عليه

[فتاة الزهور]

سيكل .ههههههههههههههههههههههههه ..فكرة مو بطاله

[الكون]

ما تشوف شر يا أخي عبد الله

حفظك الله ورعاك في طاعته

[حياة مشرقه]

حمدلله على سلامتكم اخوي الفنان التشكيلي ..

وجزى الله والدتك كل خير لحرصها عليك وتذكيرك لاحرمك الله منها..

لك طول العمر ان شاءالله والله يثبتك على دينه ..

حفظكم الله من كل مكروه .

[الفنان التشكيلي]

المشاركة الأصلية كتبت بواسطة حياة مشرقه حمدلله على سلامتكم اخوي الفنان التشكيلي .. وجزى الله والدتك كل خير لحرصها عليك وتذكيرك لاحرمك الله منها.. لك طول العمر ان شاءالله والله يثبتك على دينه .. حفظكم الله من كل مكروه .

الله يسلمكم من كل شر
وجعل جزاء والدنيا الجنة قولوا امين وان يلحقنا برهم

[الطوفان]

الحمد لله على السلامه أخوي عبد الله

والحديد يبيد أهم شئ أنتم :)

ولا ينكر أحد فضل دعاء الخروج من المنزل

أما هالشباب الله يصلحهم يزبنون الي يفحط حتى لو ما يعرفونه :)

غريب والله :(


على العموم دمت بخير أخي

و الله يخلي لك الوالده ويخليك لها