[الهديل]

a7

بما أنكم أصدقائى
فأحب أن أعرض عليكم جانبا من حياتى
كما يعلم بعضكم من خلال بياناتى
أنا طبيبة فى بداية حياتى
وهذه الخاطرة كتبتهاو انا فى فترة الإمتياز وهى سنة كاملة نمر خلالها على أقسام مختلفة ومنها قسم الاستقبال الذى نعمل فيه كممارس عام لمدة شهر وتكون النبطشية فيه 12 ساعة صباحية أو مسائية0 وكنا نطلق على مكان الإستقبال كشك الاستقبال(الممارس)00 وهذا الشهر كان عذاب لأننا فى بداية حياتنا واحتككنا بالناس من كافة الأشكال والأصناف0ومنهم المتمارضين لأسباب مختلفة منها لفت نظر من حولهم وجذب اهتمامهم وهناك من يأتون منتحرين بسم فئران أو غيره أو أطفال متناولين (يبلعون) خواتم أو لعب صغيرة أو من ياتون دوريا على المستشفى لأسباب مختلفة منها انهم فقراء يطلبون العلاج وكنا أحيانا كثيرة لا نجلس خلال النبطشية الا ربع أو ثلث الساعة فقط وأثناء نبطشيات الليل نظل مستيقظين لأن هناك مرضى تأتى طوال الليل أوننام ونحن جلوس على سرائر المرضى فى انتظارهم0 هذا اثناء الليل00ولقد أتى لناس من الهند كذا مرة اثناء عملنا00 وكنا نأكل ونشرب خلسة لأنه ليس لدينا وقت00 ولهذا كتبت هذه الخاطرة الساخرة بعنوان( يوم الهنا) وهى نعبر عن اجهادنا فقط ولكن هذا العمل عمل انسانى شريف ولكننا بشر ونتعب ونجهد000والله واحيانا احس ان هذا العمل واحشنى جدا ونفسى اروح اقف شوية هناك00بس مش كتير :)

يا كشك العذاب والضنا
شربت فيك المر أنا
فيك اليوم بيعدى سنة
ويوم فراقك يوم الهنا

شفنا فيك المتمارضين
وناس لسم فيران واخدين
واللى جايين منتحرين
وعيال لخواتم وفلوس بَالعِين (اى يبلعون اشياء)

كرهت فيك صوت الإسعاف
نفسى أنام00هاتولى لحاف
تعبانة00عطشانة00هايجيلى جفاف
وعلى قوايم المرضى هانضاف

أهلا بيكوا فى الإستقبال
بس بلاش الإستهبال
نعالج دوخة على اسهال
واللى مغشى عليه فى الحال

على قد مافيك ياكشك اتعلمت
كتير سهرت واتألمت
وعلى سريرك وأنا قاعدة نمت
ولغير ربى لأمرى ما سلّمت

طبيب لآلام مريض بيداوى
إن كان مصراوى أو هنداوى
أو لزيارة كشكنا غاوى
ومين لألامه هو يداوى

واللى يخفف طول الأيام
ويخلينى مرتاحة أنام
دعوة مريض مسكين غلبان
شفاه الله من الآلام

آه منك يا كشك الممارس
ياكشك العذاب والضنا
ده يوم فراقك هيكون هَنَا

هديل

[ابن الشجاع]

ههههههههههههههههههه


يا كشك العذاب والضنا
شربت فيك المر أنا
فيك اليوم بيعدى سنة
ويوم فراقك يوم الهنا


اضحك الله سنك...

تحياتي هديل..

[مها]

جزاك الله خيرا وبارك الله فيك اوصيك اختي (((الصبر0 ...الصبر.....))) ...
وفقك الله لما يحب ويرضى ...
اختك في الله ....
مـــهـــا.....

[الصادر والوارد]

د/الهديل مع التحية


صراحة ماقدرت امسك ضحكتي هههههههههههههههههههههه



شفنا فيك المتمارضين
وناس لسم فيران واخدين
واللى جايين منتحرين
وعيال لخواتم وفلوس بَالعِين







يعطيك العافية ونتمنى لك التوفيق في(الممارس) ـــــــــــــــــــ عفوا في العمل

[الهديل]

شكرا لكم اخواتى واخوانى جميعا
بس انا خلاص خلصت الممارس من حوالى سنة ونصف000هذه هى ذكريات

الحمد لله اخيرا نزلت حاجة ضحكتكوا0000 قريبا ذكرياتى مع الجراحة وذكرياتى مع التخدير :) :)

اخى ابن الشجاع

اهلا بك
واضح انها اعجبتك
هههههههههههه


اختى مها

لو كنتى مكانى كنتى حسيتى بى
احنا احيانا كنا نيجى على آخر اليوم يأخذ بعضنا نحن جلوكوز من التعب000ويدوخ
والضغط كان فوق طاقتنا وفوق خبرتنا بالحياة

منورانى ومشرفانى دايما


اخى الصادر والوارد

اهلا بك فى صفحتى واظنها المرة الأولى
دامت زيارتك

والحمد لله انها اضحكتك
يارب آخذ ثواب ادخال السرور على قلب مسلم
شكرا لك

[هنااادي]

واللى يخفف طول الأيام
ويخلينى مرتاحة أنام
دعوة مريض مسكين غلبان
شفاه الله من الآلام
ماشاء الله الهديل روعه كتاباتك وجميله...
تسلمي على هالكلمات الحلوه
هناادي

[الهديل]

اختى هناادى

شكرا حبيبتى واهلا بك
كلماتى مش روعة ولا حاجة هى تعبير عما اشعر به فقط
جزاك الله خيرا