[حلم الزهور]

يبــــه .. ابــي مصروف المدرسه

يمـــه ...ابــي هذي اللعبه

يبــه ابي شنطه المدرسه وابي اطلب من المطعم .يمـــه ابي فستان و شباصات وبنسات وجزم..و...و...,و...و.....

يمه تخانقت انا وصديقتي ..يبه زوجي عصب علي .. يمه عيالي مايسمعون كلامي و...و..

يمه .. يبه .. يمه .. يبه ..... يمه .... يبه ... يمه ....يبه باااااااااااااااااااس خلااااااااااااااااص

وهذا حنا كبرنا وللحين بعد نطلبهم ونبيهم ينفذون طلباتنا ...... طيب وبعدين ؟؟!!!!

امي وابوي تحملوني

طفــله ....> ابتدائي....>متوسط...>ثانوي...> جامعه ...>وظيفه ...>زوج....> عيال ..وصلنا للثلاثين وبعضنا وصلت اربعين وتعدت وللحين تخليهم يشيلون همها ويحلون مشاكلها .>>>كل هالسنين وهم يداروني مايحبون احد يضايقني .. يدعولي بصلاتهم .. يراعون مشاعري .. يلبون طلباتي .. يبون يشوفوني احسن شي ..ودايم ينصحوني ويوجهوني للصح

بس !!!!

انا شنو عطيتهم بالمقابل ؟؟؟

بعضنا ترفع صوتها عليهم

وبعضنا ماتسمع كلامهم

وبعضنا تتفشل منهم اذا جوها المدرسه .. او عند بيت زوجها ..او قدام صديقاتها .. او دوامها
وبعضنا مقاطعتهم خير شر ماتبي تكلمهم ... كرامتها ماتسمحلها انها تعتذر من امها .. لان امها هي اللي غلطت بحقها

بعضنا تكملهم تليفون بس ..وبالسنه يمكن او بالشهر مره .زوجها وعيالها اهم من امها وابوها .. تفكر شنو تطبخ لزوجها شي جديد .. شنو تشتري لزوجها هديه .. تفكر شنو تفاجأ زوجها .. تفكر بأي مطعم تعزم زوجها .... يعني استغفر الله تحسها انخلقت علشان بس هالزوج .. امك وابوووووك وينهم في حياتك ( وبالوالدين احسانا )

وبعضنا تكبرت عليهم وشايفه حالها .. كل ما امها سوت شي قالتلها يمه هذا غلططططططط سوي كذا .. يمه قولي كذا

وبعضنا تنتظر ثاني يوم تروح المدرسه والا دوامها علشان تشتكي للبنات امها .. امي معقده .. امي ماتفهم .. ابوي جنني .. وطبعا صاحبات السوء شنو بيكون ردهم ( الله يعينك عليهم .. معقوله هذولا اهل .. انتي معاك كل الحق .. شوفي شنو اصلحلك وسويه مالك شغل بأمك ونصائحها .. امك موديل قديم وحنا 2011 .. جيلها غير عن جيلك .. ما اقول الا الله يهديكم )

وبعضنا تقولها صريـــــحه اووووووووووف منكم ... ( تخيلوا تقولها اووووووووووف

(فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا) نست انه هذولا ربوها تعبوا علشانها .. ياما داروها وخافوا عليها .. ياما لبسوها ولعبوها .. ياما ضحكوها .وسهروا عليها . بس للاسف نست كل شي

هذا جزاتهم .. بعد كل هالسنين .. تجازينهم بهالطريقه .. تعاملينهم بهالاسلووووب ...(( وبالوالديـــــن احســـانا ))

والقصه اللي بكتبها الحين هي سبب هالموضوع .. والله شي يحزن يابنات

الابو اشترى سياره لولده ... تزوج الولد .. ومرت الشهور بسلام ..
ومره خربت سياره الابو واخذ سياره ولده ( الولد كان اجازه ومافي دوام )
المهم صحى الولد من النوم مالقى المفتاح ولا السياره انجن .. عصب .. وين سيارتي .. منو اخذها
..قالوله ابووووك اخذها سيارته خربت .... تتوقعون شنو رده فعله سكت وقال يستاهل ابوي !!!1

قال والله بس يجي لأكسر راسه .. وفعلا جا الشايب المسكين والولد يتهدد عليه يبي يطقه .. تخيلو الولد ماسك عصا ويقول اذا فيك خير انزل والله لأكسر ايدك هذي اللي خذت المفتااااااااااااااااااااااااا ااااح <<< والله اني انقهرت .. ومرت الساعات يحاولون يهدونه ويبعدونه عن ابوه ..وبعدها بكم شهر توفى الاب << الله يرحمه ويسكنه الجنه .. وبعدها يابنات تقريبا شهر او شهر ونص .. صار حادث للولد السياره راحت كلها احترقت .. والولد ليومكم هذا عنده كسر بالحووض وقاعد بالفراش وعنده كسور متوزعه بجسمه .. وزوجته بدت تطفش منه

سبحاااااااااااان الله .. يبي يكسر ايد ابووه ..وربي كسر عظامه كلها

ابونا وامنا .. محتاجين كلمه حلوه مننا .. محتاجين نشوف مشاكلهم .. نساعدهم ..نخفف عنهم ..نوسع صدروهم ..( خلونا نلغي فكره انهم بس بنك متنقل .. وانهم بس ينفذون طلباتنا ويشيلون همومنا ويحلونها لنا )

حبوبات خلونا نفتح صفحه جديده مع اهلنا ....خلونا نفرحهم الحين بأتصال .. والا زياره .. والا هديه... يالله وربـــي اكييييد بيفرحون وراح تشوفين شلون الابتسامه والفرح بعيونهم .. وحاولي تبرينهم وهم حولك وافرحي بدعواتهم (لانها مجابه بأذن الله ).. علشان ماتندمين بعدين اذا ربي اخذ امنته ( بعد عمر طويل ان شاء الله ) وبتقعدين تتحسرين على كل دقيقه ضاعت منك لانك انحرمتي من كنز عظيم

خواتي وحبيباتي اللي فقدوا اهلهم او واحد منهم أسال الله ان يغفر لهم ويرحمهم ويسكنهم جنات النعيم ..( على فكره تقدرين تبرين اهلك بدعاء ...بكفالة يتييم..بصدقه جاريه -عمره -حج- وانويها لهم ولها اجر كبييييييييييييير بأذن الله وبعطيك بدل الدليل اثنين )

قال رسول الله صلى الله عليه وسلم: ""إن الله عز وجل ليرفع الدرجة للعبد الصالح في الجنة، فيقول: يا رب أنى يكون لي هذه؟ فيقول: باستغفار ولدك لك"" (رواه أحمد)

لقول النبي صلى الله عليه وسلم (إذا مات العبد انقطع عمله إلا من ثلاثة صدقة جارية أو علم ينتفع به من بعده أو ولد صالح يدعو له)

وانتبهي لايضحك عليك الشيطان ويقول ماله داعي صدقات يكفي دعاء .. اذا عندك تصدقي اعتبري نفسك شاريه فستان جديد او عطر .. ترى الدنيا فانيه وانتي محتاجه لحسنه تنفعك يوم العرض

عن النبي صلى الله عليه وسلم قال: { رغم أنفه، رغم أنفه، رغم أنفه }، قيل: من يا رسول الله؟ قال:
من أدرك والديه عند الكبر أحدهما أو كليهما ثم لم يدخل الجنة }

من أدرك والديه عند الكبر أحدهما أو كليهما ثم لم يدخل الجنة
من أدرك والديه عند الكبر أحدهما أو كليهما ثم لم يدخل الجنة
من أدرك والديه عند الكبر أحدهما أو كليهما ثم لم يدخل الجنة
( رواه مسلم والترمذي)
.

يالغاليات ارفعـــــــوا الموضوع علشان يشوفونه اكبر عدد .. ماتدرين يمكن نصالح بنت على امها وابوها ..ولنا ولك الاجر ان شاء الله

[((( روعة الايمان )))]

السلام عليكم ورحمة الله وبركاته

الله المستعان
يارب اجعلنا بارين بوالدينا يارب وارضهم عنا
بارك الله فيك ونفع بك وجزاك الله كل خير
شـكــ وبارك الله فيك ـــرا لك ... لك مني أجمل تحية .

[حروف القوافي]

قصة جداااا مؤثرة

جزااااااااك الله خييييير زهورة وبااااااارك الله فييييك

الله يكتبلك الاجر ان شاااااء الله

[ملآمح تعب !]

جزآك آلله خيير

آستغفر آلله آلعظيم

[(حلمي اتزوج مطوع)]

شـكــ وبارك الله فيك ـــرا لك ... لك مني أجمل تحية .

[قلب النور]

شكرا علي النصحية الغالية والله مارت اكون انا وامي زي طوم وجيري انساه انها امي بارك الله فيك

[dz 21]

يعطيك ألف عافية

[ندوووشه]

جزاك الله كل خير

شـكــ وبارك الله فيك ـــرا لك