[موضي]

يمكن سجد كفي على خدي وانا غرقـان فيـك
المعذره ماكنت احسب الكف يرسـم بـي كـذا
ما كنت احسب إني أهيم بوادي أحلامي و اجيك
الين رحـت بسجـة التفكيـر والخافـق هـذا
يعني كذا ولا كذا بموت مـن شوقـي عليـك
وان ادري انك تفهم المقصود في كلمـة كـذا
كان اعتقادي إني اتركْ كل ماحو لـي واجيـك
لقيتني هاجر جميع الكـون مـن شانـك لـذا
قدر عنا رجلي وقلبي يوم اجيـك ومـا عليـك
انت بس قدرها وأنا اللي بشعـل شموعـك إذا
عطيتني كلـك كـذا مـن راحتيـك لراحتيـك
وانا خذيتك اخذت اللـي كـن ماعمـره خـذا
يافزة الصبح وشروق الشمس ساطع وجنتيـك
ياعطرك الفواح لامـن سولفـك طيـب شـذا
كلك على بعضك تشيل الزين والسحر بيديـك
هو يحتذي منك جمـال ويـا هنيّـه لـحتـذا
وخل الجريح اللي حياته جرح يشبع ناظريـك
خله معـك ينسـى المواجـع والقـراده والاَْذا
لا صار شوقه والقصايد كـل ابوهـا تحتريـك
وش عاد ضرك لو عطيت وش يهمـك لاخـذا


لشاعر عايد الشمري