[سُـــــــــــرى]

ألا يانديبي فوق جيب ماهوب نيسان
ولا حط به خط تحت حرف قيطانه



مواريه ليتاته مثل بارق الرحمن
وليا من فتحت الباب حياك سكانه



ايورد علي الساير من صناعة اليابان
ضعيف المرتب ما وقف عند بيبانه



جديد بتي ما شاف خليف بالصمان
ولا داج به راعي الغنم عند رعيانه



امصمم ابلوفه ما تعوذ من الشيطان
عليه المره في فترة الصنع زعلانة



اليامن كفخت اسليتره جنه الزعلان
جزع من محله فاقد أعز ورعانه



اليا أقبل يموه بمقدمه جنه ابليهان
واليا اقفى مدبر جنه اطيار شيهانه



عذاب المسافه اليااستوت والمقير زان
ينومس غريب منوته شوفة اوطانه



ايا سايقه لامن تقهويت في الديوان
ونخيت الخوي ثم فز واشتل دخانه



توكل علي الله وحروتك مليت الخزان
ولا توقف الا ماخذ(ن) وصف ديوانه



ابتلقا حلي اللي دفع قيمته سلطان
علي الوصف ابوخالد دفع غالي اثمانه



عديم الوصايف واغتنى من وراه اشنان
تعب ما لقاله برقع عند جيرانه



وقبل تلتبس فانشد عن امصخر القيفان
انا ما جذبني له سوي زين قيفانه



ولابه معرفه سابقه مع هاك الانسان
سوي سمعة(ن) مثل الزهر وسط بستانه



وعن الشكة انشد وين ضيدان بن قضعان
انا اقول ديوانه بشرواه مليانة



ولا من عرفته قضبه حاجة الولهان
تعابير قلب شرع الوقت بيبانه



توطاه زلزال الشىي اول الهجران
مثل ما وطى اسطنبول واهتز بناينه



له الله حنينه لاتذكر هوى الخلان
مثل حنة اللي ضاربن خد هشتانه



يساقيه بالقيرات ومن فنه السكان
وهو خايف قولة توايرك هلشانه



عذابه من اللي جنها قايد الغزلان
عشقها القمر وامست من الزين رويانه



عذاريبها طول تثنيه غصن البان
تعبت انحني له واتثنى علي شانه



وعين اليا من سلهمت جنها حاكم بطران
اليا طالعتني هزت القلب باركانه



وانا ويش ابي بك لو تغاليت يا الرمان
ولها مبسم تفجرت فيه رمانة



وعلي هون ياليل سهرتك شقي وحقران
لها ليل ياما نمت في عروة امتانه



وبلياك يا صبح تعبت انطرك سهران
لها صبح لا ، وجه ينور لجيرانه



اليا من غشاني وصلها جني السلطان
وليا من جفتني صرت من عرض صبيانه



تحكم بوضعي جنها سلطة ادراغان
علي المنتخب يوم المباراة خسرانه



وتامر علي اوامر الظابط الفسقان
علي عسكري (ن) حدته لقمة اخوانه



اتشره ولا تقبل مشاريه يا ضيدان
بلتني بلاها الله بمضيع ايمانه



يقولون وادري بالجفى طبه النسيان
وانا اللي عجزت أنسى والاعصاب تلفانة



نصتك المعاني لا عدمناك يا ضيدان
تعابير قلب شرع الوقت بيبانه



حمد السعيد