[ام فيصـل]

قصيده كتبها شاب في والدته بعد ان توفت معه بالسياه

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

[ابو عمران]

ما آجملها من كلمات مؤثره ...,,,

بارك الله بكِ اختي الكريمه / ام فيصل

على النقل الموفق ...,,,

............. أكرمك الله وهداك لما يحب ويرضى
وجزآك الله خير ........

[fvr]

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني


وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني


دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

ياااااااااااااااالله ماأروعها أقصد ماآآآلمها

أبعد الله عنا وعنكِ الحزن والألم جزاكِ الله خيرا

إن قصديدة ذلك الشاب تقوي العزيمة على البر أكثر وأكثر

a2

[الفنان التشكيلي]

اااااااااااااااااالله
كلمتها من داخل القلب
اثرت فيني
الله يخلي لنا امهاتنا

[جوري الشرقية]

المشاركة الأصلية كتبت بواسطة ام فيصـل يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني

قصيدة حزينة .... ذكرتني بهذه الابيات

اللي رحل عني بلحظة و أنا أرجيه &&&& و أدعي بعال الصوت مالي مجيبي
لــو ينفــدا بالــروح و الله لــــفديه &&&& أفــديــه بـــاللي لي بعيد و قريبي
كل يداوي جــرحه اللي سطى فيه &&&& و أنـــا جــــروحي كاميه ما تطيبي

[الطوفان]

أم فيصل

والله من أول ما قريت سبب القصيدة وقفت وما كملت
واضح انها مؤثره مرررررره

على العموم شكرا لك

[قيود]

مشكوووره اختي