[الهديل]

نداء إلى آدم (صوت المرأة)

إلى آدم فى كل زمان ومكان
نداء من كل أنثى
بنادى لقلوبكم علينا ما تقسى
ولدورنا فى حياتكم عقولكم ما تنسى

حوا مش بس ليكوا متعة وشهوة
دا من غيرها هى الأمة هتهوى
وبوجودها معاكو تصيروا انتوا أقوى
وزى ما أنتوا ليها فى حياتكم محتاجين
محتاجاكوا هى على مر السنين
محتاجة لأب وأخ وحبيب
محتاجة لقلب يكون منها قريب

منكوا حوا عايزة الإخلاص والوفا
ومعاكوا عايزة دايما تشعر بالدفا
مش شدة وقسوة 00وكمان بعد وجفا
وبحبكوا تصبح الأنثى قوية
وتعينكوا فى حياتكوا وتتحمل قسية
ومعاها تاخدكم لبحور من الحنية
وتلاقوا معاها العيشة الهنية

دا حوا من جانبكم عايزة الإحتواء
واليكوا فى حياتها تحس بالإنتماء
ومحتاجة اليكوا تحسوا بهمومها
وتعيشوا ثورتها فى لحظات جنونها
حوا عايزة منكوا دايما كلمة حلوة
ولأحزانها معاكوا عايزة تلاقى سلوى

وبالأنثى وصاكوا اسلامنا الحنيف
رفقا بهذا المخلوق الضعيف
حوا منكوا دايما محتاجة لمساندة
لا تحكم و كِبر00 وعصبية ومعاندة

ياآدم دى حوا ماهياش حجر
بتفرح وتحزن00 تتألم تئن
وساعات برده تكره00لكن أكتر بتحن
ماهى حوا ياآدم برده زيك بشر

الأنثى عايزة منكم دايما الإحتضان
وفى مشوارها معاكوا بتتمنى الأمان
دا من ضلع آدم خرجت حوا الإنسان

ولما فى دنيتها تفوتوها وحيدة
بتبقى للدنيا الصعبة عنيدة
وتتحمل واحدها مايفوق الإحتمال
وتحمل هموم ما تشيلها الجبال
وبكفاحها تصبح أقوى من الرجال

إلى آدم فى كل زمان ومكلن
حوا عايزة منك دايما الحنان

(هديل)

[@ حنين @]

ولما فى دنيتها تفوتوها وحيدة
بتبقى للدنيا الصعبة عنيدة
وتتحمل واحدها مايفوق الإحتمال
وتحمل هموم ما تشيلها الجبال
وبكفاحها تصبح أقوى من الرجال

صح لساااااانك .........


ماشاء الله ..........

يا سلااااااااااااااام يا أختي :
الهديل .........

دايم انتي مبدعة وأشكرك جزيل الشكر على هذا الاحساس الرائع الذي عبر عن شخصيتك القوية ويعطيك ألف عافية يالغالية وننتظر جديدك دووووووووووم .........
وفعلا أنتي صوت المرأة الحقيقي .................

لك مني خالص التحية والتقدير لشخصك الكريم ,,,,,,,,,,

أختك بالله :

@ حنين @

[الهديل]

شكرا اختى حنين
والله مش عارفة اقولك ايييه على ذوقك
وهذا ماعهدته منك
وانا شخصيتى قوية
طب كويس
بس دا كويس ولا وحش

[@ حنين @]

المشاركة الأصلية كتبت بواسطة الهديل شكرا اختى حنين والله مش عارفة اقولك ايييه على ذوقك وهذا ماعهدته منك وانا شخصيتى قوية طب كويس بس دا كويس ولا وحش

العفو يا أختي العزيزة .............

وطبعا دام شخصيتك قوية دا كويس يا أختي مش وحش !

مع تحيتي لك ,,,,,,,,,

أختك بالله :

@ حنين @

[الهديل]

شكرا اختى حنين
على العودة والتعليق والرد ثانية
بارك الله فيكى
وكويس انى لسة باكتشف حاجات كويسة فيى