[عاشقة الفردوس6]

تصدق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِيً غِيابكْ وشْ عَمَلْ فيني






حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني





أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني





على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني




مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني





وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني





مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني





مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!






أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني






تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني




أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني


تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني






يا أغلى مِنْ رَحَل عنِّي يا كِلْ الحُبْ والتقدير
تعَاااااالْ إنْ كان لِي عِندِكْ مَعَزَّه وكان تغليني



تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني




إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني





أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد (ينهيييني

[المتئمله]

صح إحساسكـ
مشكـــــــــــــــوره عـــلى ذوقكـ الرائـــــــع

[عاشقة الفردوس6]

وجودك بصفحتي ارووووع
شكر لكي

[المصيوته]

يا الللللللللله
كأنك قلتي كل اللي بقلبي
جاتني العبرة
صح لسانك

[عاشقة الفردوس6]

المشاركة الأصلية كتبت بواسطة المصيوته يا الللللللللله كأنك قلتي كل اللي بقلبي جاتني العبرة صح لسانك

صح بدنك

هذه الدنيا بمرارتها تصف احوالنا

خليك اقوى منها واابتسمي
تغلبيها....

[بنت الاحساء]

طرحتي فأبدعتي
قصيدهـ في غااااايه الجمال
دمتي بخير

[عاااتكه]

شـكــ وبارك الله فيك ـــرا لك ... لك مني أجمل تحية .

[عاشقة الفردوس6]

شكرررررررررررررررا لكم نورتوا الصفحه بحضوركم الرائع

[نَزف*]

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

ناوية عليّ اليوم ياعاشقة ، الله يسعدك سعادة لا تشقين بعدها أبدا
ويجمعك بمن تحبين في جنان عدن ويلاقيني بحبيبي عن قريب عاجل

[عاشقة الفردوس6]

المشاركة الأصلية كتبت بواسطة أحب الرسول وآله أجَاوبْ اللِّي يسْألني عَنْ أخْبَاري وأقولْ بخير وأنا لا خِير بغيابكْ .. ولا حَاجَه .. تهنيني ناوية عليّ اليوم ياعاشقة ، الله يسعدك سعادة لا تشقين بعدها أبدا ويجمعك بمن تحبين في جنان عدن ويلاقيني بحبيبي عن قريب عاجل

ياقلبي عليك ابيات عجبتني ولما قريتها حسيتها تعبر عني
فحبيت افضفض فيها علي اتنفس قليلا
مو ناويه ولاشي وش تقولين عااد يوم انا قريتها
وآمييين يارب حبيبتي الله يسعدك انتي بعد وتتلاقين بحبيك وعسااااك ماتفقدينه ولاتذوقين حزنه ولاتشوفين اللي شفته
يااااااااااارب