[سنــدســ]

بِسم الله الرحمن الرحيم

السلام عليكم و رحمة الله وبركاته


واليوم قلت بنزل لكم وصفة عين الجمل / ما بمدح لكم
بس جربوا و بتعرفون ليش الكل يطلبها مني
بسم الله ما شاء الله ، لا قوة إلا بالله

طريقة التقديم من ابتكاري ، وهي اللي تضيف نكهة غير عن ( عين الجمل ) التقليدي
بسم الله نبدأ :
المقادير
2ونص كوب دقيق
250 جرام زبدة بدرجة حرارة الغرفة ( 2 ونص اصبع صغير )
< - أنا أضيف نص الكمية وإذا جفته وايد جاف أضيف عليه زيادة لحد ما تنعم العجينة
بيضتين و رشة فانيليا
1 كوب سكر بودرة ( أنا استخدم العادي - الخشن )
نص ملعقة صغيرة بيكينج باودر
ذرة ملح
للحشو :
اختياري - توفي أو كاكاو نوتيلا
كاكاو مالتيزرز
شوكلت سبرينكلز
الطريقة :
البيض + السكر + الفانيليا + الزبدة في الخلاط أو المضرب الكهرباي
( أنا استخدم العجانة )
نخلط الدقيق + بيكينج باودر + ملح
ثم نضيفه للخليط السابق ونعجنه < باليد أو بالعجانة
بعدها نشكل من العجينة حبات بحجم العنب الكبير - أو بحجم التمرة
ونحطه فالجهاز ، و يوم يخلص نحشيه بالتوفي أو الكاكاو
طريقة الكاكاو :
أنا أحط ملعقة نوتيلا كبيرة مع ملعقة هيرشي

ونصف علبة قشطة
تقدرين تضيفين حلاوة توفو بس بتكون متماسكة شوي
[IMG]http://ran321.******.com/Untitled-18.jpg[/IMG]
كلهم تسخنينهم في حمام مائي و تضيفينهم لعين الجمل - لازم يكون حار لأنه لو برد يتيبس
وتضيفين حبة مالتيزرز في النص ، و الطرفين تحطين فيهم خلطة الكاكاو أو التوفي

عقب ما تبندينه ، تمسحين الخلطة ع طرف البسكوت من النص
وتدورينه في صحن فيه شوكلت سبرينكلز


وهذا شكلها النهائي بعد ما حطيته في صحن التقديم


وهذيل اللي تحت ، سويتهم ع مناسبتين مختلفتين


السر في الوصفة : لو بتلاحظون كل وصفات عين الجمل
يضيفون لها النشا ، و النشا ييبس البسكوت واااااااايد
أنا ما أضيفه ، عسبة جي يكون هش ، ولذيييذ
السر الثاني : إنه نكهة الكاكاو طاغية ، المالتزيرز و الجولكت سبرينكلز
وهذا اللي محبب اللي يطلبونه مني فيه
حياكم الله
منقول

[شروق الحياة]

مشكورة على الوصفة بس ياليت توضحين وشو الجهاز اللي تقصدينة ما فهمت ؟؟؟؟

[هيام الوجد]

مشكوره تسلم ايديكي

[أمل آلامه]

جزآك الله كل خير

[حلم وأنتهى]

ماشاء الله

يسلموووووووووووووووو

[مزآجيه]

شـكــ وبارك الله فيك ـــرا لك ... لك مني أجمل تحية .

[$$مدى$$]

شـكــ وبارك الله فيك ـــرا لك ... لك مني أجمل تحية .

[رفقة]

مشكورة على الجهد المبدول و يعطيك الف عافية

[ALSHOOOG]

ماشاء الله

مبين انها لذيذه

ألف شكر

[شروووق الشمس]

شـكــ وبارك الله فيك ـــرا لك ... لك مني أجمل تحية .