[إلى القمه]

السلام عليكم ورحمة الله وبركاته
كيفكم؟؟
ان شاء الله طيبين...

حبيت اليوم أفضفض مع بنات منتداي وحبيباتي..

ودي تشاركوني الفضفضه..
اليوم أبغى كل وحـــده فيكم تعلمني أصعب موقف مر عليكم ..وكيف تصرفتوا معاه؟؟ وايش استفدتوا منه؟؟ وهل أثر عليكم تأثير سلبي أو ايجابي؟؟

[COLOR="rgb(153, 50, 204)"]ببدأ أنا أول:

[COLOR="rgb(153, 50, 204)"]

بصراحه بصراحه أول ماكنت أحذر من الغيبه .. يعني ماأدور عليها دوم لكن لو انفتحت عندي يمكن ما أقصر..

بعدين يوم كنت في ثاني ثنوي يعني قبل 3 سنوات كانت تدرسمعاي خطيبة عمي قبل يخطبها وطبعا أول أسنه أدرس معاها وبعدها في السنه اللي بعدها خطبها عمي..

كنت قدر المستطاع احاول ابعد عنها لأنو تعرفون كلما قربتي من (بعض) القرايب طحتي ف المشاكل..

بس أحيانا كنت أضطر اجلس معاها لأنا نروح مع نفس السواق..وكانت تقول فلانه قالت انك قلتي كذا وكذا فكنت أبرر لنفسي لأنه كذب في كذب فأنا أبرر أقول لا والله فلانه اهي اللي قالت كذا وكذ..
وجبت العيد..((نشرت غسيلها)) ومع ان جلساتنا ما كانت كثيره مع بعض إلا إنها بعد ما انخطبت وملكت .. ماأدري كيف الحموات قاموا يتغايرون من بعض وسارت مشاكل ودخلتني فيها وانا مالي دخل ,,والله يابنات افترت علي كلام ماقلته ابد!!!

انقهرت وبكيــــــــــــــت من كل قلبي..مع انها هي اللي كانت تلحقني الا والا تسولف معي .. وفي النهايه سببت لي مشااااكل كثيييييييره,, ووالله العظيم انها مابقت سر لي الا وطلعته .......

وعشت فتره كأنها جحيـــــــــــم...

لكن الحمد لله بعدها بفتـــــــــــره خمدت المشاكل وعادت المياه لمجاريها...
لكن .. تعلمت من هالفتره إللي ما تعلمته طووول حياتي..

قربت من ربي كثيييييييييير حسيت بلطفه وعفوه وكيف ألجأله ,, ومن يومها أي شئ يصير لي أتعلق بالدعااء ..يعني الحمد لله...

والحش وتقطييييييييع خليقة الله تركتــــه نهآآآآآآآئي ولله الحمد هذا فضل من ربي......

وتعلمت العفو ..بعد كل هالمشاكل رجعنا نزور بعض وخلاص معد تناقشنا ف الماضي ..لكن أخذت لي درس ماأنساها ...مافيه جلسات غيبه ونميمه ..انتهى زمنها وتبت لربي منها والحمد لله ..

صحيح كانت صدمتي فيها قويه لأنها هي اللي قربت مني ثم صار اللي صار ....

[ 04)"]لكن الحمد لله تعلمت درس ماأنساااااااااها طوووول حياتي ....[/COLOR]
[
طولت عليكم... يالله حبيباتي ..افتحوا قلوبكم وخلونا نستفيد من تجارب بعض...[/COLOR][/COLOR]

[غزة الجريحة]

موضوعك حلو


والحمد لله انك بطلتى الغيبة والنميمة

والحمد لله اللى اجت على قد هيك

...


انا كتير مواقف تعرضتلها

بعضها بقدر احكيه وبعضها ما بقدر


حاليا لم اختر موقف مين

بس لي عودة باذن الله

انا اكتر وحدة لازم افضفض

ههههههههههه

يخليكم يارب

مشكورة حبيبتي

[إلى القمه]

أهليييييييييين وسهلييييييين أختي ...نورتي..

الله يوفقك وييسر أمرك كلـــــــه ..آآآمييييين ياااااااارب

[محبه لله ورسوله]

المشاركة الأصلية كتبت بواسطة إلى القمه أهليييييييييين وسهلييييييين أختي ...نورتي.. الله يوفقك وييسر أمرك كلـــــــه ..آآآمييييين ياااااااارب

اختي الى القمه الموضوع حلو وياما تجارب معايه لكن شكرا لك لي عوده معاك

[اللهم سهل امري]

والله الموضوع مررره حلوو
انا كنت اتكلم على الناس بس مو بالكذب وبدون قصد اذا احد فتح هرجة عن احد اكمل الناقص واقول اصلا هيه سوت كدا وكدا تبغيها ما تسوي كدا
وبعد فترة صار مشاكل ولقيت الناس تتكلم عني انا كمان
خخخ بس الحين بطلت الحمد لله
اما المواقف الي منجد اثرت فيا موقفين
واحد ما حقدر اقوله والثاني اني انصدمت في وحدة هي اقرب صديقاتي وكمان تقرب لي وكنت اقلها كل شي عني وفي النهايه اكتشفت انها تقول كل شي اقلها هوه في العيلة كلها وبعدها ما صرت اكلمها وهي حاولت انه نتصالح لاكن انا ما احس انها اتعدلت وصار لي تقريبا 4 سنوات ما نتكلم مثل اول الا سلام وكيفك وخلاص
اتعلمت انه مو كل من بان لنا من البدايه انه طيب نثق فيه

[حلميه]

السلام عليكم ورحمة الله وبركاته
اهلين انتي تقصديني انا لقبي حلميه بس مادري هو انا ولا وحده ثانيه
بس حبيت ارد على مشكلتك انا كثير فقدت علاقاتي بالناس من كثر القال والقيل المشكلة انهم كانو يقلون كلام انا ماقلته بس والله اعظيم اني تعبت نفسيا وتدمرت حياتي وتغيرت حتى انا من داخلي احس انها مو نفسي وحده ثانيه احيانا اقرى على نفسي اقول يارب ارجع نفس قبل كنت مرحه واحب المزح ومااحب احد يزعل علي بس اقولك لا تسوين مثلي انا اخطيت لما بعدت عنهم المفروض اني ماقطع علاقتي فيهم بس اخليها محصوره ابشياء معينه اتعرفين الواحد لازم يكون بين الناس بس باحدود احسن من يكون لحاله
انا الحين حامل وعندي بنتين والدكتوره شافت بالسونار وقالت بنت انا الحمدلله راضيه بس مدري احس انها غلطانه اقول ابنفسي انشاالله ولد انا مو متعصبه بس احس هذي فطره باالانسان يحب الدنيا يبي ولد ومال وكل شي انا احيانا اقول ابنفسي اكيد الله ابيغضب علي بس والله هذا خارج عن اردتي ماودي اصير كذا بس غصب عني
ودايم اقول يارب اجعله ولد بار صالح معافى انا ابجهز ملابس بنت بس املي باالله كبير يارب فرحني بنات ادعولي

[إلى القمه]

أهلين حبيبتي ..الله يسهل أمرك...
صدقتي قلبي..في كلامك....

مشكوووره أفدتينا..

[الوفية للأبد]

حاليا ما يحضرني موقف محدد .. لأن المواقف كثييييييرة .....
لكن يمكن تكون لي عودة و أفضفض ... و لو انها مش من عادتي الفضفضة ...
و لكنها جايه على بالي ها اليومين..
الله يعطيك العافية...

[اميره911]

ايش اقول وايش اخلي
بس دايم اقول هالبيت
لاتشتكي حظك على الناس لامال
الناس ماتملك مسره ولاياس

ياستي انا مرت علي اشياء كثير منه انصدمت لانه من اقرب الناس كنت توي صغيره واختي متسلطه علي تحرش خواتي علي وترمي علي كلامي بريه منه ولاكنت اعرفه ايش معناه وكلن تزفني من صوب امي كانت ماتجلس كثير بالبيت تروح مع ابوي مشتغلين المهم راحت الايام وكبرت وخواتي كل وحده سكنت بيت وتلف الدنيا وتدور وانا بعد تزوجت بس كنت جالسه مع امي وابوي عشان اكمل دراستي لاني تزوجت وانا صغيره كان عمري 15سنه المهم مالكم بالطويله اختي هذي توفى زوجها وتعرفن العيال مايرتاحون للوحده اللي مالها زوج مع انها مافيه شي بس عاد كلن ياخذا جزاه ومن طق باب الناس طقو بابه اخواني صارو يشكو فيها ويحسبونها على كل خطوه تخطيها برى بيتها وكنت انا اللي دايم افزع لها وادافع عنها ومن يومها وانا اشوف كل شي تسوينه بالناس تلقينه فيك او بعيالك الحمدلله ماقد هرجت باحد وليومك هذا وانا افزع معها هي وبناتها وسوي لهن بحوث مدرستهن كنهن بناتي مع ان اعمار بناتها قريب مني ومره ثانيه راح احكي لكم سالفه بس عشان مطول عليكم على فكره انا عمري الحين 25 وبنت اختي عمرها 23

[منهجي سلفي]

اهلا حبيبتي الى القمه وجميع الاخوات،،، غاليتي طرحك للفضفضه رائع ويقرب الاخوه فيما بيننا ،،،انا على سبيل المثال مرت بي كثير من الحالات احسست باني عاجزه عن فعل المستحيل كنت اظن نفسي غير قادره على الابدااع ولكن مع الاصرار والعزيمه وعدم اليااس وجدت نفسي اقف كالجبل بكل قوته كنت اقول لاعرف ولا أقدر وهذا مستحيل ولكن بالثقه بالله وبالنفس تهوون كل الصعااب
تقبلي تحيااتي