[شروق الحياة]

زوجت زوجهالانو عقيم ==شوفو كيف ربي عوضهاا

السلام عليكم ورحمة الله وبركاته

امس كانت اختي عندي

بعدين قالتلي قصة صاحبتها بالشغل

قالت لي انها متزوجه من 9 سنوات ماخلفت لانو السبب منها ومن زوجها كمان

هيا الحرمه عندها الرحم ذو القرنين وكمان خلقه من ربي ماعندها الا مبيض واحد وصغير

وزوجها عندو مشكله بالحيوانات المنويه عددها قليل ومشوهه

اتعالجو من السنه الثانيه من الزواج ماحملت

سوت اطفال انابيب 6 مرات كلها فاشله

زوجها على قد حالو وهيا تشتغل وراتبها كويس ماشاء الله

قررت انها تزوج زوجها

عشان تفتك من كلام الناس وهرجهم عليها انو السبب منها

قالت بزوجو من فلوسي وعشان الناس تعرف انو السبب منو كمان مو بس مني

خطبتلو وحده مطلقه وعندها بنت

اشترط ابو العروسه انو بنتو سنتين اذا ماحملت يطلقها ووافقو على الشرط

اتزوج الراجل واتبسط بالعروسه وهيه الزوجه الاولى جلست تبكي وندمت انها زوجتو

تقولي اختي تجي المدرسه تبكي وتطلع تبكي

بعد 4 شهور ماحملت العروسه وقالت الزوجه الاولى لزوجها يلا ابدئو فحوصات وكشف وانا متكفله بكل علاجاتكم

والراجل ماصدق ااااااااااااااااه من الرجال يستغلون الحرمه في كل شي

بدئو فحصوات واتضح ان العروسه سليمه ماشاء الله لاكن برضو المشكله عند الزوج

بدا الزوج باخذ العلاجات

وبعد 7 شهور من الزواج بدئو رحلت اطفال الانابيب

طبعا الزوجه الاولى تعتبر صرافه بس تصرف الفلوس

اخذو من الزوجه الثانيه 8 بويضات كلها كويسه

ما اتلقح منهم الا 5

حطولها بالمره الاولى بويضتين وحملت فيهم ماشاء الله

انصدمت الزوجه الاولى وزعلت وندبت حظها

بس بعد الشهر الخامس اجهضتهم بسبب انو رحمها ماتحمل تووئم

بعد 5 شهور من الاجهاض رجعت ثلاث اجنه مجمده

وحملت بثنين والثالث ماتم حمله

تقول طول الحمل وهيه مدلعه ونايمه عشان الاجنه تثبت

ثبتو الاجنه وولدت ولاده مبكره بالشهر الثامن وجابت ولدين ماشاء الله


عارفين اش سوت الزوجه الثانيه لمن طلعو اولادها من الحظانه؟؟؟ادت الزوجه الاولى واحد من الاولاد وقالتها دا ولدك

الزوجه الاولى صاحبت اختي رفضت قالت لها ايوا دحين تديني هوا واتعلق فيع بعدين تقولي اديني ولدي اذا كبر

قالت لها الزوجه الثانيه انا قلت هذا ولدك وانا مالي صلاح فيه

وزوجها كمان قال هذا ولدك

اعتبريه مكافئه لكي على صبرك عليه وتحملك لكل شي


فرحت واخذت الولد وجهزتلو غرفه وصارت تجهزلو ملابس وهيا كمان اللي سمتو

تقول اختي انها سمتو عبدالكريم لان ربي اكرمها بيه بعد دي السنين

الحين الولد عمرو 7 شهور

تقول اختي مثل القمر يجنن

وتقولي كمان لمن الزوجه الاولى ام عبدالكريم يسموها لمن تتاخر ماتشوف الزوجه الثانيه اسبوع او اسبوعين تقول الولد لمن يشوف امو الحقيقيه يتنكر منها


سبحان الله ربي عوضها بولد من صلب زوجها

على قد ماكرهت زوجتو الثانيه على قد ماحبتها دحين


وهذي نهاية القصه

[وردة الحي]

يسلمووووووووووووووووووووووووووووووووووووووووووو اختي

[* بنت الريـــــآض *]

مشكــــــــورة ,,,
قصة فيهاا عبر كثيره !!!!

[غياهب الجب]

اللهم اني اعوذ بك من العجز و الكسل و الهم و الحزن و ضلع الدين و غلبة الرجال و الجبن و البخل و الهرم واعوذ بك من عذاب القبر و من فتنة المحيا الممات و من سوء القضاء و درك الشقاء و من شماتة الاعداء و من جهد البلاء

[شجانى حبها حتي بكيت]

شـكــ وبارك الله فيك ـــرا لك ... لك مني أجمل تحية .

[ريمااااااس]

سبحااااااااااااااااااااااااااااااان الله

[شموخ القحطاني]

[سمن بري]

شـكــ وبارك الله فيك ـــرا لك ... لك مني أجمل تحية .

[ددموع الورد]

الله يهنيهم
وتحمل الزوجه الاولى ويرزقها على قد نيتها

[اياكم والغفلة]

شكر وبارك الله فيك