[الثغر الخجول ,,]

حــــــامد زيــــد ...

القصيده :انتي ولا شيّ

والله وصرتي تستهينين فيني
وانا الذي سويت لك قدر بيديّ
تدرين وش كنتي قبل تعرفيني ؟
ان قلت لك كنتي ولا حاجة شويّ
انا الذي فرشت لك رمش عيني
وعملت منك شي وانتي ولا شيّ
جيت اعشقك ما جيتك لك تحقريني
جيت اسكنك بسمة ما هو بسكنك غيّ
لا صرت عامل لك قدر قدريني
ترا الكرامة صفحة ما لها طيّ
ما دام ما جيتي غلا لا تجيني
نار الجفا عندي ولا الذل بالفيّ
والله لاهجرك قبل لا تهجريني
اجل تبيعيني واجيلك برجليّ
يا تتركين الكبر يا تتركيني
لأن المحبة شي والمهزله شيّ
إن كانت الدعوة غلاي وحنيني
يمكن يزول الحقد ويشعشع الضيّ
لكن حكاية ينحني لك جبيني
في ذمتي ما ينحني لك وانا حيّ
ـــــــــــــــــــــ

ســـــالم سيـــــار ..

قصيده طيفك ..

تجيني طيف يا عمري على جنحان شوقي لك
أخاف ارمش من عيوني وأبعثر جيت وصالك
حبيبي لا تجيني قول وين أنت وأنا أجيــــــــلك
أبيك تكون وين أنت وعلى عيوني أنا أسعى لك
وربي فوق روس الشوك لخلي القلب يمشي لك
وأخلي ظلالي يسبقني قبل يحضني من نزالــك
ثواني بس ابتهـــندم من عيونـــــك وابهديلــــك
في عيني ضـــحكة حتــى تكــحل عيـن عـذالك
يقول الناس في غيابي تشب القلب ويضوي لك
حنيني وانوهد شوقه يمـــيل القــــلب لا مــــالك
قضى دمعي من عيوني أبي من عينك أبكي لك
أبي انثر من ورا عيوني دمــوع عيون ترحالك
تعبت أهرب من الاشيا البسـيطه من تفاصيلك
تعبت أسأل زوايا البيت عن أول وآخر أحوالك
وحتى الشوق من صبح الدرايش قــــام يهديلك
عصافير انربت ترفرف عـلى بيبان مدخــــــالك
هنا ترمي صباح الخير قبل لا تروح وادعي لك
وهنا تضوي مساء الخير في عيني من أهزالك
أنا من الليل يقطفي شعوري لـــك وأغنـــي لك
أنا من الصبح يليلني الحــزن من لون موالـــك
حرام الليل ما هو ليل إذا مــــا كنــــت ليلـــــك
وحرام الصبح ما هو صبح إذا ما كنت في ضلالك
تروح وقلت أحط روحي على كـــفي وأنـــادي لك
نزعت العمر من شفت الغلا بــالروح نادالــــــك
بربك قول وش ســــوى الفـــــراق بوجه منديلك
تسيـــل ألــــوان طيـــــفي فيه إذا منه البكا سالك
حبيبي لا يبــــكيك الفراق ولا يهــــــد حيــــــلك
أخاف الدمع من عينك يجفف صورتي فبالــــك
تعال أحتاج أسولف لك عن الأيام أشكي لك
وأفض غيم الحزن وأنثر حنين الشوق بقبالك
تعال وحط في قلبي هموم الفرقا وأشيلــــــك
لأن القلب ما هو قلب إذا في نبضه ما شــالك
وقف دمعي من عيونك أبي من عينك أبكي لك
أخاف أبكي من عيوني وأبعثر جيت وصــالك

ــــــــــــــــــــــــــــــــــ

ســــعد علــــــوش ..

قصيــدة أنت غير

حي مني لا ذكرته دريت أني بخير
صاحبن لا شافني ضقت منه ضمني

يشتعل بي لين يطفى على العرق الاخير
و أنتثرله شوق و اليا أنتثرت يلمني

يا تنداي الخليه على طاقة حرير
يا مخوفني و قاطع رجاي و ممني

يا أمل يا خيبته يا متاهه يا مصير
خل قلبك لا تراخى الزمان يزمني

مابي الدنيا أبيك أنت لانك انت غير
جيت فحضانك طفل و أنت أبوي و سمني

شوف فوق وغن بسمي على اللحن القصير
و خصني في كل لمحة غرام وعمني

بشعل الدنيا عبير و بطفيها عبير
و لا بناشد من مدحني و لا من ذمني

جيت للدنيا كبير و بفارقها كبير
و من زعل ما همني و من رضى ما همني

ـــــــــــــــــــــــــــــــــــــــــــــــ
.. واتمنى تعجبكم ..

[am.al]

يعطييڪ العافيه ع القصائد الأڪثرٍ من رٍائعه

يا أمل يا خيبته يا متاهه يا مصير
خل قلبك لا تراخى الزمان يزمني

مابي الدنيا أبيك أنت لانك انت غير
جيت فحضانك طفل و أنت أبوي و سمني

شوف فوق وغن بسمي على اللحن القصير
و خصني في كل لمحة غرام وعمني

بشعل الدنيا عبير و بطفيها عبير
و لا بناشد من مدحني و لا من ذمني

جيت للدنيا كبير و بفارقها كبير
و من زعل ما همني و من رضى ما همني
روووووووووووعه القصيده عذاااب ,,, مشكووووره

[الثغر الخجول ,,]

الله يعافيكم ونور الطرح بمشاركتكم الرائعه

ودمتم بحفظ الله

***