[دانة قطر]

السلام عليكم

الغاليه والعزيزه على القلب..

اختى حزن..

او شمعه فرح

اولا ابارك لج على الاسم الجديد احلى من القديم ;)


وثانيا حبيت اسلم عليج

شلونج عشاج طيبه

ويااااارب يرزقج بالخير والسعاده والتوفيق..


ويجعل ايامج شمعه فرح ماتنطفي ..




اختج داااااااااااااااااااااااااانووه :D

[شمعة فرح]

يبعد قلبي وروحي يا دانة قطر هلا وغلا منوووووووووووووووووووووووووووووووووووووووره يبعد قلبي

بصراحه افتقدتك كثيــــــــــــــــــــــر يالشينه بجد ولهانه عليك وعلى سواليفك بس يله شدي حيلك وصلي الخمسميه عشان اقثك

برسايلي اللي ماتخلص بجد اشتقت لك

المهم والاهم انتي طمنيني عنك وعن اخبارك وشلون عايشه ونفسيتك انشاء الله أحسن

[دانة قطر]

مرحبا اختى ..شمعه فرح



جيتج اليوم اطمنج على


امس كانت اول زياره لى لبيت ام المرحووم وكنت ادعى طوول الطريق ان الله يثبتني

وما ابكى عشان ما احزنهم وافتح المواجع

والله استجاب دعائي..

اول ما وصلت

استقبلتني اخته الكبيره

بعدها امه وباقي خواته

واللى يقولى نورتي :d <<<وانا شكلى صاير كذا من المستحى



بعدها بشوى الا ابو المرحووم دخل مدرى شلون سرحت وانا اناظر عيونه كان فيها حزن كبير

بس لما شافنى كانه مو مصدق شوفتى سلمى على وحظني .. بس كانت عيونه حمر ..


والحمد الله الله ثبتنى .. وكنت مستانسه امس معاهم



هذى يومياتي امس ...


<<<<<بتذبحج من اليوميات :d

[راجيه الفرج]

السلام عليكم

خواتى

دانة قطر.....و.....شمعة فرح

حبيت اسلم عليج دانه والله انى متلهفه اسمع اخبارج انشاء الله النفسيه زينه

وشلووووووووووون الصغيرون .....................انشاء الله مو مأذيج

والله سعدت انى شفت هالموضوع علشان أبلغج سلامى وسؤالى عن احوالك

الله يوفق الجميع

[شمعة فرح]

هلا وغلا ياقلبي وربي كنت أحااتيك
الله يبشرك بالخير حاولي تبيني انك معاهم حاولي تحظري مناسباتهم
حاولي تكوني كنك بنتهم لا بنتهم اكيد
واهم شيء ياقلبي انتي ابتعدي عن الحزن والهم ولاتفكري ودايم ادعي ربك ان يفرج همك ويرزقك بالزوج الصالح


راجية الفرج هلا وغلا ياعمري هلا بيك نورتوا الصفحه صراحه

على العموم حبايبي اذا احتجتوا اي شيء تراي بالشوفه وحاظره ومن عيوني ويهلا وغلا

دانة قطر ليه ماتخلي توقيعك ظاهر يعني نشوفع من غير مانظغط ونسوي دوشه نشوفه مباشرة

[دانة قطر]

اختى راجيه تسلمين يالغاليه هذا من طيب اصلج ..

الحمد الله انا بخير ومسرات

شمعه فرح .. شخبارج والله الحمد الله يسرج الحال

بقولكم اخر التطورات ههههههه

اول امس اخت المرحوم ولدت وجابت بنت وعندها بنت ثانيه عمرها سنه

وامس رحت زرتها مع امي

المهم وانا بالممر بالمستشفى مع انى متنقبه

لمحت واحد طالع من غرفتها

سبحان الخالق لاشعوريا وانا امشى اناظر فيه

راح فكري في زوجي الله يرحمه

لان سبحان الله نفس الشكل والمشيه عرفته على طوول انه اخو زوجي :D

بس زوجي احلى:p

هذى اخر التطورات

<<<<تنتظر متى يقررون يروحون العمره ههههههههههههه كل يوم لهم سالفه

برايفت شمعه ..

جربت اخلى التوقيع ظاهر بس مافي خاصيه اضافه صوره بالتوقيع جربتها اكثر من مره ماحصلت

[دانة قطر]

الغاليه شمعه .. فرح

وينج ... اشتقناج


اكيد مستانسه بالاجازه ههههههههه

[شمعة فرح]

هلا وغلا ومرحبا

وينك وين أيامك بصراحه مشتااقه لك

والف مبروك قدوم هالبنوته الله يصلحها وتكون فاتحة خير للجميع

والله يفرج عنك يا دانة قطر

ويفرج عن كل المسلمين

اما عن التوقيع لم اعلم انها لاتوجد خاصية اظار الصور في التواقيع للتو علمت

لم تقولي لي

اخبار نفسيتك هالحين إن شاء الله احسن ؟

راح ادعي لك يالغاليه وماراح اقصر عنك بدعواتي

[دانة قطر]

هلا والله بالغاليه شمعه ..

الحمد الله والله طيبه وبخير ومستانسه مع اهل زوجي

كل جمعه اجتمع معاهم..

الله يبارك بعمرك

تسلمين يالغاليه ماتقصرين

وانا بدعيلج ب6 توم وانا معاج هههههههه

[شمعة فرح]

ياحياتي الله يوفقك يارب

واشوفك اسعد واسعد إن شاء الله

لكن الله يرحم والديك وش سته ذي

لا لا لا مقدر انا وحده وتعالي شوفي وش يصير فيني وانتي تدعين لي بسته لا حرام عليك واحد اثنين كفايه اكثر ؟؟؟

اللهم لك الحمد بس ماحس اني قادره

هههههههههه

انا ادعي لك بسته ولايهمك

ويهلا ومرحبا