[حبة المحبه]

هذى قصه حقيقيه من احد اخواتنا المصريات وباللهجه المصريه الجميله



روح قلبى وحبايبى انا من غير مقدمات حدخل فى موضوعى او قصتى على طول اولا انا عندى 30 سنه ومتجوزه من 4 سنين جواز عادى وتقليدى وكانت فترة الخطوبه شهر بالظبط اللى هو بنجرى بقا وبنجهز فيه يعنى ما فيش وقت ان اقعد بقا انا وخطيبى ونحكى ونتحاكى ونسبل لبعض زى ما بيحصل فى الخطوبه ههههههههههههه المهم ياختى حصل الجواز علطول والبت بنتى خديجه جت بعد تسع شهور حتى ما ادتناش فرصه اخد على الراجل شويه وبعدنا عن بعض بعد الولاده كل واحد فى اوضه علشان هو مش بيحب الدوشه وزن البيبى والمصيبه بقا انى قاعده فى بيت عيله وما ادراكم على بيت العيله يعنى الساعه سبعه او تمانيه لازم اتنيل اكون تحت عند حماتى لان العماره بتاعتهم وانا فى الخامس وحماتى تحت فى التالت يعنى مش قربنا انا وجوزى لا ده الموضوع زاد بعد وانا من النوع اللى هو بيشوف الرومنسيات وبحبها اوى يعنى اقوله لما تيجى من بره تطبطب عليا وتقولى انتى عامله ايه هههههههههههههه يرد ويقولى انا مش بحب الكلام ده نعم يا خويا دا ايه الجوازه دى ( على فكره هو انسان محترم جدا جدا وطيب اوى اوى ) بس مالوش فى انه يطبطب ولا يسأل عليا وهو بره ولا لما يجى يقولى انتى عامله ايه ولا البنت عامله ايه ولا ليه فى اى حاجه خالص وانتم عرفين ان الواحده بتبقا محتاجه اوى للكلمه الحلوه من جوزها اللمسه الرقيقه بس والله والله وانتم كلكم هتأيدونى ان الواحده بتحتاج لكلمه حلوه للمسة حنينه . المهم مع مشاكل العيله اقسم بالله انى شوفت ايام سوده مع عيلته وصعب ان كانت واحده تتخطاها وانا كمان من بلد وهما من من بلد يعنى لوحدى ومافيش حد جنبى اشكيله او احكيله منه ومن اهله اخواته البنات وامه ومابشوف حاجه تصبرنى طب كلمه حلوه منه تهدينى وتصبرنى عليهم طبعا بيكبسنى كل ما اكلمه ويقولى انا ما ليش فى الكلام الفاضى ده اقوله طب اضحك عليا وقولى بحبك وانا حصدقك يقولى مش بالكلام ياخواتى ايه الراجل ده جابلى المرض ههههههههههههه المهم قولت اعيش قصت حب من طرف واحد مع جوزى ههههههه هبله صح وفضلت ادور علىرلا مميزاته واحبه عشانها وانسى عيوبه وما كانش ادامى غير رب العباد اروح اشتكيله همى هو ربى ورب العباد خالق الخلق واسهر طول الليل احكيله على اللى حصل طول اليوم واقول يا رب انت شايف وعالم بحالى اهديلى جوزى واهديلى عيلته انا بتقيك فى كل شئ وابكى واكلم ربنا قريب يجيب دعوة الداعى وبشكيله كل اللى مضايقنى وانهار فى ا البكا وانا بشكيله وعلى طول اصلى ركعتين حاجه واتوسل لربى ورب الخلق وواقوله نفسى بس فى كلمه حلوه منه او معامله كويسه من اهله تقدر اللى بعمله معاهم المهم تخيلو بعد اربع سنين وهو مالوش فى االكلام الحلو الرومانسى واهله اجارك الله بعد اربع سنين شكوى لخالق الخلق وتوسل اليه وفضفضه ليه ربى حبيبى .حبيبى يا الله حبيبى يا الله هدالى عيلته الحمد لله وبقيت انا سر كل واحده فيهم المفاجأه الكبرى هههههههههه جوزى..... بنوتى كانت بتتفسح مع عمتها وانا قاعده بنتكلم انا وجوزى لقيته بيقولى على فكره انا بحبك اتلفت حواليا ياختى يمين وشمال هو مين اللى بيتكلم مافيش غيره قولتله ايه بتقول ايه قالى والله بحبك وبموت فيكى كمان جوزى مش مصدقه نفسى ولما يرجع من الشغل اروح احضنه وابوسه وهو يطبطب عليا ويقولى عامله ايه ويبوس بنوتتنا ويحضنها اوى ويجبلها حجات حلوه معاه وهو جاى مش هو جوزى خالص دا اتغير ........ ياااااااارب اللهم لك الحمد والشكر انك غيرتلى جوزى .... اللهم لك الحمد والشكر كما ينبغى لجلال وجهك وعظيم سلطانك يارب العالمين **** المهم ليه بقا انا بحكى قصتى لانى فى لقيت كتير من اللى متجوزين يعته مشكلتها وتقولى جوزى كان بيعملنى وحش وووووو مافيش كلمه حلوه وضرب وووووووكل الحجات اللى انتم عارفنها ..... بس انتى نسيتى ان فيه (رب قال ادعونى استجب لكم) ليه مادعيتى الله ربنا انه يهيئلك جوزك حلالك جربى ومتستعجليش اجابت الدعوه بس يكون عندك يقين بإجابت الدعوه واصبرى الصبر اخرته جميل واتقى الله فى نفسك وفى بيتك (من يتق الله يجعل له مخرجا) ومعلش انى طولت عليكم والله الحلال ما فى احلى منه وخصوصا بعد كثرة الدعاء جربى وربنا ما يرد دعوتك ابدا واتقى الله اتقى الله اتقى الله




(ربنا يحفظك من العين والحسد يارب)

رب اشرح لى صدرى ويسرلى امرى واحلل عقدة من لسانى يفقهوا قولى
اللهم فرج هم كل مكروب امين

منقووووووووووووووووول للفائده

[اضغاث احلام]

شـكــ وبارك الله فيك ـــرا لك ... لك مني أجمل تحية .

[العمرلحظة]

ماشاء الله تبارك الله الله يديم المحبة بينكم ويحنن قلوبهم عليكي كمان وكمان
اللهم آمين

[ريووف 1]

شـكــ وبارك الله فيك ـــرا لك ... لك مني أجمل تحية .

[Nesma32]

اللهم استجب دعاء كل من دعى بخير

[الزهرة الاولى]

يعطيك العافيييييييية

[نعوومه]

شـكــ وبارك الله فيك ـــرا لك ... لك مني أجمل تحية .
موفق بإذن الله ... لك مني أجمل تحية .

[أم عبدالله...]

شـكــ وبارك الله فيك ـــرا لك ... لك مني أجمل تحية .

[قطرات]

شـكــ وبارك الله فيك ـــرا لك ... لك مني أجمل تحية .

[جرح و أمل]

شـكــ وبارك الله فيك ـــرا لك ... لك مني أجمل تحية .