[رماد الذكريات]

مراحب يالله حيهم
باختصار انا قريت الموضوع ذا في منتدى واعجبني وقلت انزله هنا استفيد وافيدكم معي وإن شاء الله اطبق شي منه والحين بنقلكم الموضوع حرفيا اخليكم مع صاحبة الموضوع وارجع لكم في النهايه
حبايبي موضوعي هذا بس للي تب تصير مثل الورده وكيكه وترفه وناعمه مثل الحرير

والكل يحجي عنها ويغار منهاوالاهم من جذي مايكلف وهم مايتعب لما تسوينه ونتايج فوريه

والي عندها مناسبه معينه وتبي الكل اتبق عيونه عليها (قل اعوذ برب الفلق)
والي عندها يمعه وتبي بنات عماتها وخالاتها ..الخ..الخ..الخ يسئلونها شمسويه؟؟

اقولها أبشري بعزج وماطلبتي شي الحل موجود

وراح اتكلم لكم عن فوائد واستخدامات العكر الفاسي الي فتحوا عيوني عليه المشاركات بحملتي فديتهم
وشوقوني أبحث عنه وطلع كل استخداماته والخلطات المفيده الي يدخل فيها وتخدم نعومه وتصفيه وترطيب البشره

وطبعا أغلب الوصفات عدلت عليها وزدت عليها من خبرتي بحيث تكون اسهل ومتعه بالاستخدام
والي مايعرفون العكر الفاسي أو دم الغزال

فأقولهم:-

العكر الفاسي أو دم اغزال

عبارة عن بودرة لونها احمر تنباع عند العطار او عند التاجرات الي يوفرون المنتجات المغربيه


وراح أبلش معاكم بالترتيب
*قناع لتصفية البشره*
قفشه كبيره ماء ورد +راس قفشة جاي صغيره عكر +قفشة طين مغربي (أصلي)تمزج مع بعض وتوضع على البشره مدة ربع ساعه بعدها يزال بالماء وتغسل البشره بالصابون.

وطبعا فوائده:تصفي وينعم البشره ويسحب الدهون الزايده الي تسب الحبوب والبثور ويورد الويه..

*قناع لنضارة البشره المجهده*
قفشه صغيره حلبه مطحونه +قليل من العكر الفاسي +قفشة روب-وعصير نصف ليمونه
تخلط جميع المكونات مع بعض وتوضع على البشره حتى تجف بعدها تغسل بصابون الطاوس
والنتيجه خيال

وطبعافوائده:يعطي تفتيح ونضاره للبشره ويساعد على ازالة البقع بالاضافه توريدها وتنعيمها...
*خلطة تفتيح البشره *
راس قفشه عكر فاسي +ص قفشه كركم جسم+ 3قفشات روب + قفشه عسل
تمزج المقادير وتوضع على البشره لمدة نص ساعه بعدها يغسل بصابون الطاوس وبعد ذلك تمسح البشره بمحلول ماء الورد والعكر وادعو لي .

وطبعا فوائده:يساعد في تفتيح البشره وترطيبها وتنعيمها وتغذيتها لاحتواء الخليط على العسل...

وني الحين لتوريد البشره وخصوصا للي بشرتهم ماشاء الله بيضه او حنطيه ويبون بلاشر طبيعي وملحوظ ويعطي لوك كله انوثه وجاذبيه بدون مكياج

*غرشة ماء ورد + ملعقة عكر فاسي*
قفشة كبيره ماء ورد+راس قفشة شاي صغيره عكر فاسي

توضع على الوجه ربع ساعه والافضل نص ساعه بعدها يغسل بصابون الطاوس
وراح تشوفي ان ويهج صار منور ومورد وناعم مثل الحرير.

وطبعا فوائده مثل ماذكرت توريد الخدود واعطائهم بلاشر طبيعي ونعومه...


أما الي تبي تصير شفايفها أفتح وفيهم حمره طبيعيه، بدون تشقات وريولها ناعمه وطريه جنها توها مسويه بدكير ومنكير ومثل ريول البيبي

فمالها الا هالوصفه

*فازلين +عكر فاسي*

تمزج مع بعض وتوضع على الشفايف قبل النوم والصبح راح تلاقين شفايفج ناعمه ولونها على وردي ..أما بالنسبه للريول فهم نفس الشي بعد غسل الريل وحكها بفرشة الريل وازالة اليلد الميت تدهن بنفس الخلطه باليل او قبل الطلعه عشان تصير ريولج كلها انوثه وجاذبيه وخصوصا للي لبسون صنادل عزكم الله..



وني الحين للي تب تفتج جسمها وهم تعطيه توريد عقب كل سبوح وخاصه للمتزوجا فمالها الا هالوصفه

كريم جلسوليد/ زيت الجلسرين/ زيت اليمون/ زيت الوزالمر/ زيت جنين القمح / دم الغزال) وطبعا المقادير قفشه من طعام من كل زيت

وفوائدها دون شك ترطيب موطبيعي ونعومه وتفتيح ولون وردي حلو..
وهم في معلومه جدا مهمه لأن العكر الفاسي في منه أصلي وفي تقليد بس شلون تفرقون؟؟

حبيباتي تيبون قفشه ماي وشوي عكرفاسي وتخلطوها مع بعض وتنطرون بو 10 دقايق إذا ترسب العكر تحت بالماي هذا معناه انه مغشوش وإذا كان العكس يعني مزوج مع الماي هذا اهو الاصلي
والحين رجعت لكم انا عضوتكم الحبوبه إن شاء الله:p
اول شي إذا جربتوا شي من الموضوع واستفدتوا ادعوا لكاتبة الموضوع ولاتنسوني
ثاني شي سمعت ان دم الغزال يضر صحيح هالكلام ؟ والي جربت دم الغزال مع الفازلين لشفايف وجابت نتيجه معها ترد علي هنا

اتمنى ان الموضوع اعجبكم

[ريووف 1]

شـكــ وبارك الله فيك ـــرا لك ... لك مني أجمل تحية .

[اضغاث احلام]

مشكووووووووره بارك الله فيك

[ميسروي]

مشكووووووووره بارك الله فيك

[أشقآني ذنبي]

شـكــ وبارك الله فيك ـــرا لك ... لك مني أجمل تحية .

[ليمونه بنت ليمون]

الحمدلله والصلاة والسلام على رسول الله وعلى آله وصحبه أجمعين شـكــ وبارك الله فيك ـــرا لك ... لك مني أجمل تحية .

[أم بتّال]

شـكــ وبارك الله فيك ـــرا لك ... لك مني أجمل تحية .

[الورد الفواح]

مشكورة على الوصفات

[رو بي]

شـكــ وبارك الله فيك ـــرا لك ... لك مني أجمل تحية .

[يارا2]

شكرا لكي

ننتظر جديدك